Matthew 9:38 - Chishemanituu Utayimuwin: Kaa Uskaach Testament

³⁸ Ayimihaakw, nitutamuwaahkw an tepiyeusiit uyuuh kaa chiishi nihtaauchiniyikwaauh nihtaauchihtaakanh chechii itishahwaat mihchetu aweyuu anite e maauchihchikaanuyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁸ ᐊᔨᒥᐦᐋᒄ, ᓂᑐᑕᒧᐙᐦᒄ ᐊᓐ ᑌᐱᔦᐅᓰᑦ ᐅᔫᐦ ᑳ ᒌᔑ ᓂᐦᑖᐅᒋᓂᔨᒀᐤᐦ ᓂᐦᑖᐅᒋᐦᑖᑲᓐᐦ ᒉᒌ ᐃᑎᔕᐦᐙᑦ ᒥᐦᒉᑐ ᐊᐌᔫ ᐊᓂᑌ ᐁ ᒫᐅᒋᐦᒋᑳᓄᔨᒡ᙮

Matthew 9:38 Iomraidhean Croise

Matthew 9:37

Ekw kaa itaat aniyuu uchischinuhamuwaakanh, “Weyuutanh e chiishi nihtaauchihkwaau nihtaauchihtaakan mikw maak namui mihchetuuch anichii che maamuushtinahkwaau.

John 20:21

Miin kaa ayimihaat aniyuu uchischinuhamuwaakanh e itaat, “Chiyaameyihtamukw. Mwehch Nuuhtaawii kaa pechi itishahuut chiyaameyihtamuwinihch ishi kaye niya chititishahutinaawaau chiyaameyihtamuwinihch ishi.”

John 4:35

Chititwenaawaau, ‘Neu piisim ekw yaakw chechii maamuushtinikanuuhkwaauh nihtaauchihchikanh.’ Mikw maak niya, chititinaawaau, nete maa yaakwaau iitaapikw. Mwehch e ishinaakuhch anite kaa nihtaauchihchikaanuuhch shaash e chiishi nihtaauchihkwaau aniyuuh nihtaauchihchikan ekw maak mikw che maamuushtinikanuuhkwaauh, ekun mwehch che ishinaakusitwaau anichii awenich che taapwehtahkwaau miywaachimuwiniyuu pehtahkwaawenich.

ᐊᐸᔅᑕᓚᒡ 13:2

Mekwaach maak anit ekaa miichisutwaau mikw e maamuu ayimiheshtawaatwaau Chishemanituu, ekut kaa ayimihiikutwaau Kaa payehchisiyich Ahchaahkwa e itikutwaau, “Pechi tipaanihaahkuch Barnabas ekw maak Saul wesh nichii wiyeyimaauch chechii ihtuutamuutwaau aapatisuwiniyuu.”

ᐊᐸᔅᑕᓚᒡ 8:4

Anichii maak kaa taapwehtahkwaau kaa ushimutwaau Jerusalemihch, misiwe chii papaaituhteuch e waawiihtahkwaau miywaachimuwiniyuu.

1 Corinthians 12:28

Ihtaayuu maak umaamuuayimihaauh Chishemanituu e chii wiyaapamaat taan che itaapatisiyich. Aniyuuh niishtam kaa wiyaapamaat eukw uyuuh apastalh ekw miin uchischiwehiichesuuh, ekw miin chiskutamaachesuuh, kaye aweyuuh maamishkaach chekwaayuu che ihtuutamiyich. Chii wiyaapameu kaye aweyuu che miinuwaachihiiweyich, kaye aniyuuh nanaahkuu che ishi wiichihaayich aweyuuh. Chii wiyaapameu kaye aweyuuh e waawiipayihtaayich chekwaayuu che itaapatisiyich, kaye aweyuuh che kweschayimiyich.

Ephesians 4:11

Chii wiyaapameu maak aweyuu chechii waawiichihaayich aniyuu kaa taapwehtamiitwaauh eukw maak uyuuh Apastalih kaye uchischiwehiichesuuh ekw maak aniyuu kaa papaawaawiihtamiyich miywaachimuwiniyuu kaye maak ayimiheuchimaauh kaye kaa Chiskutamaacheyich.

2 Thessalonians 3:1

Euk uu maahchishtai waa ititakuch, niichishaanitikw, pechi ayimiheshtamuunaan ekaa chechii chipihchitaakanuyich Utipeyihchikeu umiywaachimuwin. Ayimihaakw chechii mishihtepayiyich muyaam chiyawaau anite e ihtaayekw kaa ishi mishihtepayiyich.