Matthew 9:37 - Chishemanituu Utayimuwin: Kaa Uskaach Testament

³⁷ Ekw kaa itaat aniyuu uchischinuhamuwaakanh, “Weyuutanh e chiishi nihtaauchihkwaau nihtaauchihtaakan mikw maak namui mihchetuuch anichii che maamuushtinahkwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᐁᒄ ᑳ ᐃᑖᑦ ᐊᓂᔫ ᐅᒋᔅᒋᓄᐦᐊᒧᐙᑲᓐᐦ, ᐌᔫᑕᓐᐦ ᐁ ᒌᔑ ᓂᐦᑖᐅᒋᐦᒀᐤ ᓂᐦᑖᐅᒋᐦᑖᑲᓐ ᒥᒄ ᒫᒃ ᓇᒧᐃ ᒥᐦᒉᑑᒡ ᐊᓂᒌ ᒉ ᒫᒨᔥᑎᓇᐦᒀᐤ᙮

Matthew 9:37 Iomraidhean Croise

Matthew 20:1

“Maau e ishinaakuhch kihchikiishikw chisheuchimaawin. Chii ihtaau peyakwaau uchimaau e tipiyeusiit shuuminaahtikw nihtaauchihchikan aschiiyuu. Peyakwaau maak wiipach e chechishepaayaayich chii wiiwiyuu e nituu naanituweyimaat aweyuuh chechii utaaskunaat, chechii aapatisiyich anite ushuuminaahtikw nihtaauchihchikan aschiihch.

Matthew 28:19

Uu maak uhchi maachiikw nituwaapamaahkuch misiwe e itiskaanesitwaau awenichii che ihtuutawekuch chechii uchischinuhamuwaakaniyaan, che siikahaahtuwekuch utishinihkaasuwiniyuu Uhtaawiimaau nesht Ukusiisimaau nesht Kaa payehchisiyich Ahchaahkwa.

Matthew 9:38

Ayimihaakw, nitutamuwaahkw an tepiyeusiit uyuuh kaa chiishi nihtaauchiniyikwaauh nihtaauchihtaakanh chechii itishahwaat mihchetu aweyuu anite e maauchihchikaanuyich.”

Mark 16:15

Ekw kaa itaat, “Maachiikw misiwe e ispichiskamikaach uu aschii che kacheskweyekw e waawiihtamekw uu miywaachimuwin misiwe awen chechii pehtahk.

Luke 10:2

Chii iteu maak, “Mihchen nihtaauchihchikanh shaash e ishinaakuhkwaauh chechii maamuushtinikanuuhkwaauh mikw maak namui mihchetuuch kaa aapatisitwaau chechii maamuushtinahkwaau. Chipaa ayimihaawaau Utipeyihchikeu, an kaa tipiyeusiit misiwe chekwaayuu e nihtaauchiniyich, chechii itishahwaat mihchetu aweyuu che maamuushtinamiyich aniyuu nihtaauchihchikanh.

Luke 24:47

Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

ᐊᐸᔅᑕᓚᒡ 16:9

Aniyuu maak tepiskaayich Paul chii waapahtiyaakanuu waapahtiiwewiniyuu. Chii ishinam e waapamaat naapeu anite Macedonia aschiihch e niipuyich e itikut, “Pechi ituhtekw ute Macedoniahch, che pechi wiichihiiyaahch.”

ᐊᐸᔅᑕᓚᒡ 18:10

Wesh chiwiicheutin. Namui awen chika chii wiyesh ihtuutaakw wesh mihchetu iinuuch utah ihtaawinihch niya anichii nitiiniimach.”

1 Corinthians 3:9

Taapishkun niwiichi atuschemaanaan Chishemanituu. Chiyawaau maak mwehch nihtaauchihchikan aschii chitishinaakusinaawaau. Maak ute chipaa chii ishi kanawaapahtenaawaau. Mwehch Chishemanituu uwaaskaahiikanim chitishinaakusinaawaau.

2 Corinthians 6:1

An maak e maamuu atushkuwachiht Chishemanituu Chinitutamaatinaan ekaa chechii ishinaakusiyekw ekaa e aapateyihtamekw taan e ishi chishewaatutaataakw Chishemanituu.

Colossians 4:11

Joshua kaye wiya chiwaachiyemikuwaau. Justus wesin eyuu ishinihkaataakanuu uu. Uchii e nishtitwaau eukunich mikw uchii Jewa iinuuch e taapwehtahkwaau waachaapatisiimitwaau Chishemanituuh e atushkaamach. Mistahiih nichii pechi kaachiichihiikuch.

1 Timothy 5:17

Anichii kaa wiichihiiwetwaau e niikaanishkaakanuyich ayimiheukamikuyuu e miyu nanaakatuweyihtahkwaau maak aniyuu e itaapatisitwaau iteyihtaakuniyuu naashch chechii chisteyimaakanuutwaau. Etituu maak chipaa chisteyimaakanuuch anichii mitun tekash kaa ishi pachishtinisutwaau chechii waawiihtahkwaau Chishemanituu utayimuwiniyuu kaye chechii chiskutamaachetwaau.

James 5:4

Namui chuuhchi chiishiihkawaawaauch anichii awenichii kaa aapatisitwaau chinihtaauchihchikan aschiiwaahch. Nituhtawaahkuch maa e wiihtamaataakuch ekaa miyeyihtahkwaau. Chishemanituu an tekash kaa suuhkaatisiit chii pehtaweu taan e ishi tepweyich uyuuh kaa maamuushtinamiitwaauh chinihtaauchihchikanawaauh.