Matthew 9:36 - Chishemanituu Utayimuwin: Kaa Uskaach Testament

³⁶ Iskutak maak wiyaapamaat aniyuu mihchetu aweyuuh, naashch chii chistimaacheyimeu kiipaa naashch e mukushkaateyihtamihaakanuyich kaye ekaa ayaayich aspeyimuwiniyuu, mwehch maanishchaanishach e ishinaakusitwaau ekaa ayaawaatwaau maanishchaanishuiinuuh che naanaakachihiikutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁶ ᐃᔅᑯᑕᒃ ᒫᒃ ᐎᔮᐸᒫᑦ ᐊᓂᔫ ᒥᐦᒉᑐ ᐊᐌᔫᐦ, ᓈᔥᒡ ᒌ ᒋᔅᑎᒫᒉᔨᒣᐤ ᑮᐹ ᓈᔥᒡ ᐁ ᒧᑯᔥᑳᑌᔨᐦᑕᒥᐦᐋᑲᓄᔨᒡ ᑲᔦ ᐁᑳ ᐊᔮᔨᒡ ᐊᔅᐯᔨᒧᐎᓂᔫ, ᒬᐦᒡ ᒫᓂᔥᒑᓂᔕᒡ ᐁ ᐃᔑᓈᑯᓯᑣᐤ ᐁᑳ ᐊᔮᐙᑣᐤ ᒫᓂᔥᒑᓂᔓᐄᓅᐦ ᒉ ᓈᓈᑲᒋᐦᐄᑯᑣᐤ᙮

Matthew 9:36 Iomraidhean Croise

Matthew 10:6

Mikw anite ituhtekw Israel aschiihch anite Jewa iinuuch kaa ihtaatwaau wesh mwehch maanishchaanishach e wanishinitwaau ishinaakusuuch.

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 15:24

Ekw Jesus kaa itaat aniyuu iskweu, “Nichii pechi itishahukuun chechii pechi nituwaapamakwaau mikw anichii iinuuch muyaam kaa wanishihkwaau maanishchaanishach kaa ishinaakusitwaau Jewa kaa itiskaanesitwaau.”

Matthew 15:32

Ekw Jesus kaa wiishaamaat uchischinuhamuwaakan, kaa itaat, “Naashch e chistimaacheyimakwaau uchii iinuuch, shaash nishtu chiishikaauh ihtaauch utah e ihtaauch, namui maak shaash ihtakuniyuu chekwaayuu che miichitwaau. Namui kaye niwii chihchitishahwaauch e siiweyitwaau, nuuhtuu miin chika aakweyihtamuch mekwaach e pimuhtetwaau.”

Mark 6:34

Iskutak Jesus kepaat aniyuu utiyuu chii waapameu aniyuu iinuuh e mihchetiyich. Naashch maak chii muushihtaau e chistimaacheyimaat mwehch maanishchaanishach ekaa ayaawaatwaau maanishchaanishuiinuu che naanaakachihiikutwaau e ishinaakusitwaau. Ekw kaa chiskutamuwaat mihchetu chekwaayuuh.

Mark 8:2

“Nichistimaacheyimaauch uchii iinuuch. Shaash nishtu chiishikaauh kaa ishpish ihtaatwaau utah e ihtaauch namui maak shaash ihtakuniyuu chekwaayuu che miichitwaau.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.

Hebrews 5:2

An awen kaa chisheayimiheuchimaaut chischeyihtam kaye wiya taan e iteyihtaakuniyich e nachishkaakanuyich kakwechihiiwewiniyuu. Ekw maak chescheyimaat yaakwaau chechii ihtuutawaat aniyuu utiiniim ekaa kaa iipwaahkaayich ekaa kuiskw ihtiyich.