Matthew 9:35 - Chishemanituu Utayimuwin: Kaa Uskaach Testament

³⁵ Jesus maak misiwe chii ituhteu anite nanaahkuu e utenaauniyich kaye anite nanaahkuu ihtaawinishihch, e chiskutamaachet Jewa ayimiheukamikuhch, kaye e kacheskwet e waawiihtahk miywaachimuwiniyuu e aayimuutahk Chishemanituu uchisheuchimaawiniyuu, kaye e miinuwaachihaat aweyuuh nanaahkuu itaaspinewiniyuu e ayaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᒌᓴᔅ ᒫᒃ ᒥᓯᐌ ᒌ ᐃᑐᐦᑌᐤ ᐊᓂᑌ ᓇᓈᐦᑰ ᐁ ᐅᑌᓈᐅᓂᔨᒡ ᑲᔦ ᐊᓂᑌ ᓇᓈᐦᑰ ᐃᐦᑖᐎᓂᔑᐦᒡ, ᐁ ᒋᔅᑯᑕᒫᒉᑦ ᒎᐗ ᐊᔨᒥᐦᐁᐅᑲᒥᑯᐦᒡ, ᑲᔦ ᐁ ᑲᒉᔅᑴᑦ ᐁ ᐙᐐᐦᑕᐦᒃ ᒥᔻᒋᒧᐎᓂᔫ ᐁ ᐋᔨᒨᑕᐦᒃ ᒋᔐᒪᓂᑑ ᐅᒋᔐᐅᒋᒫᐎᓂᔫ, ᑲᔦ ᐁ ᒦᓄᐙᒋᐦᐋᑦ ᐊᐌᔫᐦ ᓇᓈᐦᑰ ᐃᑖᔅᐱᓀᐎᓂᔫ ᐁ ᐊᔮᔨᒡ᙮

Matthew 9:35 Iomraidhean Croise

Matthew 10:1

Jesus chii wiishaameu kaa niishushaapuyich uchischinuhamuwaakanh ekw kaa miyaat tipeyihchichewiniyuu chechii wiiwiitishihwaayich machiahchaahkwa, eyuu maak chechii miinuwaachihaayich aniyuu aweyuu nanaahkuu kaa itaaspineyitwaauh kaye kaa aahkusiitwaauh.

Matthew 11:1

Iskutak maak kaa chiishi wiishumaat Jesus aniyuu uchischinuhamuwaakanh, ekw kaa chistuhtet, kaa nituu chiskutamaachet kaye kaa kacheskwet anite aniyuuh kutak ihtaawinh anit peshuch kaa ihtakuniyikwaauh.

Matthew 11:5

Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

Mark 1:14

Paatimaa maak mekwaach John siikahaahtaacheu chipahutuukamikuhch kaa ihtaat Jesus chii ituhteu anite Galileehch. Ekute anite kaa kacheskwet e waawiihtahk Chishemanituu umiywaachimuwiniyuu.

Mark 6:56

Misiwe maak taanite kaa ati ituhtet Jesus ihtaawinihch kaye e utenaauniyich, maak nihtaauchihchikan aschiihch, anichii iinuuch anit kaa ihtaatwaau chii ituhtaheuch utaahkusiiniimuwaau anite muush kaa chii nishtawiinaanuyich e ataawaanuyikwaauh chekwaayuuh. Ekw anichii kaa aahkusitwaau kaa nitutamuwaatwaau Jesus chechii pachishtinikutwaau mikuchik chechii taahtinamuwaatwaau e wanishkwekaniyich utakuhp. Misiwe maak aweyuuh kaa taahtinamiyich utakuhp chii miinuwaatisiyuu.

Mark 6:6

Chii maamishkaateyimeu maak aniyuu e ishpish ekaa taapweyimikut. Chii achineskam maak aniyuuh ihtaawinisha e papaa chiskutamaachet.

Luke 13:22

Jesus chii ati chiskutamaacheu taanite kaa ati wautihtahk e utenaauniyich kaye e ati ihtakuniyikwaauh ihtaawinisha eshkw ekaa uhchi utihtahk Jerusalemiyuu anite kaa wii ituhtet.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 2:22

Kaa ati itwet miin Peter, “Chiyawaau Israelihch kaa uhchiyekw Nituhtuukw taan che ishi aayimuumak Jesus Nazareth kaa uhchiit. Mitun chii nuukuniyuu taapwe Chishemanituuh e chii pechi itishahukut aniyuu e chii maamishkaach ihtit kaye e chii maamishkaach waapahtiiwet nanaahkuu chekwaayuu kaye maak e chii waapahtiiwet chischinawaach waapahtiiwewinh. Chiyawaau chichischeyihtenaawaau uu wesh ekut utah mekwesiinuu e ihtaayekw kaa ihtuutahk uyuuh chekwaayuuh Chishemanituuh e chii miikut kaschihuwiniyuu.