Matthew 9:27 - Chishemanituu Utayimuwin: Kaa Uskaach Testament

²⁷ Iskutak maak Jesus chestuhtet anit uhchi aniyuu naapeu wiichiihch niishu naapeu ekaa waapahtamiyich chii nuushuushkaakuu e aashihkweyich e ishi tepwaatikut, “Chiya aniyaa Chisheuchimaau David e ihtaat kaa uhchiyin, pechi chistimaacheyiminaan maa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐃᔅᑯᑕᒃ ᒫᒃ ᒌᓴᔅ ᒉᔅᑐᐦᑌᑦ ᐊᓂᑦ ᐅᐦᒋ ᐊᓂᔫ ᓈᐯᐤ ᐐᒌᐦᒡ ᓃᔓ ᓈᐯᐤ ᐁᑳ ᐙᐸᐦᑕᒥᔨᒡ ᒌ ᓅᔔᔥᑳᑰ ᐁ ᐋᔑᐦᑴᔨᒡ ᐁ ᐃᔑ ᑌᑆᑎᑯᑦ, ᒋᔭ ᐊᓂᔮ ᒋᔐᐅᒋᒫᐤ ᑌᐱᑦ ᐁ ᐃᐦᑖᑦ ᑳ ᐅᐦᒋᔨᓐ, ᐯᒋ ᒋᔅᑎᒫᒉᔨᒥᓈᓐ ᒫ᙮

Matthew 9:27 Iomraidhean Croise

Matthew 1:1

Jesus Christ nika aayimuumaau. Niishtam utaanischesiim e ihtaayich nika uhchi chihchipayihtaan e aayimuumak. Aniyaanaa chisheuchimaau David ekw maak aniyaana Abraham e ihtaayich chii uhchi aanische pimaatisiyuu.

Matthew 11:5

Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

Matthew 15:22

Iskweu maak chii wiichuu anit Canaan e chii uhchiit, eukw uyuu kaa pechi nituwaapamikut Jesus, e tepweyich e itikut, “Utipeyihchikeu, aniyaa chisheuchimaau David ukusisa, pechi chistimaacheyim maa. Nitaanish naashch taapwe waawiisacheyihtamihiikuu machiahchaahkwa e piihchishkaakut.”

Matthew 17:15

“Utipeyihchikeu, chistimaacheyim nikus. Uchipitikuu maan, naashch nanehkaateyimuu wesh mihchetwaau maan machishtawepayiyuu ishkutehch kaye mihchetwaau pakashtawepayiyuu nipiihch mekwaach aniyuu e uchipitakut.

Matthew 20:29

Aniyuu maak e ati nakatahkwaau Jericho Jesus ekw maak uchischinuhamuwaakan, mihchetu aweyuu chii nuushuushkaakuuch.

Matthew 21:15

Anichii maak kaa niikaanapitwaau ayimiheuchimaauch kaye anichii kaa chiskutamaachetwaau wiishuwewiniyuu chii chishuwaahiikuuch aniyuu Jesus e waapamaatwaau misiwe aniyuu maamishkaach chekwaayuu e ihtuutamiyich. Kaye maak chii uhkaamikuch aniyuu awaasha e ishi tepweyich anit piihtakamihch aniyuu chisheayimiheukamikuyuu, “Maamihchimaataau Jesus David ukusisa,” e itweyich.

Matthew 21:9

Anichii maak iinuuch anite niikaanaanihch kaa pimuhtetwaau aniyuu Jesus e ihtaayich kaye anichii anite utaahch kaa pimuhtewaatwaau chii chihchi maamihchimeuch Chishemanituu e chishewetwaau e itwetwaau, “Chisteyihtaakuhaahkw an kaa ukusitutaakuut David, shaweyihtaakusuu uu kaa pechi itishahukut Utipeyihchikeuh. Maamihchimaataau Chishemanituu wiya maauch e chisteyihtaakusit.”

Matthew 9:28

Jesus maak chii piihcheu waaskaahiikanihch ekw anichii naapeuch ekaa kaa waapahtahkwaau kaa nituwaapamaatwaau ekw Jesus kaa itaat, “Chitaapwehtenaawaau aa chechii miinuwaachihiitakuch.” Ekw kaa itikut, “Ehe, Utipeyihchikeu.”

Mark 11:10

Shaweyihtaakusuu an tepeyihchichet, an aniyaanaa chitaanische chimushuuminuu David e ihtaayich kaa uhchi aanische pimaatisiit. Maamihchimaataau Chishemanituu maauch kaa ispeyihtaakusit.”

Mark 9:22

Kaye chii iteu, “Shaash mihchetwaau chii wii nipahiikuu aniyuu machiahchaahkwa ishkutehch maak nipiihch e ishiwepinikut. Chistimaacheyiminaan maa, wiichihiinaan, chechii wii wiichihiiwaahche.”

Luke 17:13

Ekaa maak uhchii peshuchikaapuushtaakut. Ekw kaa tepwaataatwaau Jesus e itwetwaau, “Chiskutamaachesuu, pechi chistimaacheyiminaan uu e ishinaakusiyaahch.”

Luke 20:41

Chii itweu maak Jesus, “Chekwaayuu wehchi itwetwaau awenichii aniyuuh Christ che pechi itishahwaat Chishemanituu anite che uhchiskaanesiyich David e ihtaayich.

Luke 7:21

Mekwaach maak aniyeyuu Jesus chii miinuwaachiheu mihchetu aweyuuh, nanaahkuu e itaaspineyitwaauh, kaye machiahchaahkwa e chii wiiwiitishihwaat kaye e chii ihtuutawaat aniyuuh ekaa kaa waapahtamiyich chechii waapahtamiyich

John 7:42

Itashteu Chishemanituu utayimuwinihch, ‘Anite David e ihtaayich chika uhchi aanische pimaatisiyuu an Christ, anite maak Bethlehemihch aniyaanaa David kaa uhchiit ekute chipaa pimaatisiyuu.’ ”

Romans 1:3

Ukusisa, Chitipeyihchikeminuuh Jesus Christ, eukunh aniyuuh e aayimuumaakanuyich utah miywaachimuwinihch. Kaa pimaatisiit chitipeyihchikeminuu Jesus Christ, aniyaanaa Chisheuchimaau David kaa ishinihkaasuyich e ihtaayich ekute kaa uhchi aanische pimaatisiit.

Romans 9:5

Aniyehkaanaanich aanische chiwaahkumaakanuuh Abrahamh, Isaac ekw maak Jacob e ihtaayihch chii uhchi aanische pimaatisiyuuch. Ekute kaye wiya Jesus Christ kaa uhchi aanische pimaatisiit iskutak naapeu kaa ishihaakanuut. Chishemanituu an misiwe chekwaayuu kaa pimipayihtaat, kaachiche katawii maamihchimaakanuu. Amen.