Matthew 9:24 - Chishemanituu Utayimuwin: Kaa Uskaach Testament

²⁴ Chii iteu, “Namui chinituweyihtaakusinaawaau utah, wiiwiikw nete, taapaa nipuu an ishkwesh mikw wesin nipaau.” Ekw kaa ushinuwaatwaau aniyuu e itweyich e maayeyimaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒌ ᐃᑌᐤ, ᓇᒧᐃ ᒋᓂᑐᐌᔨᐦᑖᑯᓯᓈᐙᐤ ᐅᑕᐦ, ᐐᐐᒄ ᓀᑌ, ᑖᐹ ᓂᐴ ᐊᓐ ᐃᔥᑴᔥ ᒥᒄ ᐌᓯᓐ ᓂᐹᐤ᙮ ᐁᒄ ᑳ ᐅᔑᓄᐙᑣᐤ ᐊᓂᔫ ᐁ ᐃᑗᔨᒡ ᐁ ᒫᔦᔨᒫᑣᐤ᙮

Matthew 9:24 Iomraidhean Croise

Mark 5:40

Piskunuu mikw chii ushinaakuu uyuu kaa itaat. Ekw misiwe kaa wiiwiitishihwaat. Ekw an awaash ukaawii, kaye uhtaawii ekw maak aniyuu Jesus kaa wiishaamaat eukun mikw uyuu kaa pachishtinaat chechii piihcheyich anite e ihtaayich aniyuu awaasha.

Luke 8:53

Ekw kaa ushinawaatwaau wesh chii chischeyimeuch taapwe e nipiyich aniyuu ishkwesha.

John 11:4

Iskutak maak Jesus piyehtahk uyuu chii iteu, “Aat aniyuu naashch e aahkusit namui kata uhchi puunipimaatisiyuu. Ispayuu uu chechii nuukuniyich Chishemanituu uchisteyihtaakusuwin, kaye maak ekut che uhchi chisteyihtaakuhaakanuyich Chishemanituu Ukusisa.”

ᐊᐸᔅᑕᓚᒡ 20:10

Iskutak maak muushihtaat Paul taan e ispayiyich chii niihtaahtawiyuu, ekw kaa uchihchiihkunipayihut uhpime e ihtaayich aniyuu naapesha kaye kaa ati waauchikwepitaat. Ekw kaa itwet, “Ekaawii aayimeyihtamukw, namui nipuu chii itweu.”

ᐊᐸᔅᑕᓚᒡ 9:40

Peter misiwe aweyuuh chii wiiwiitishiheu anit aniyuu nipeukamikuhch kaa ihtaayitwaauh, ekw kaa niipiskuupit e ayimihaat, ekw kaa kanawaahtahk aniyuu miiyuuyuu e itwet, “Tabitha, wanishkaa.” Chii aapaham maak uschiishikuh an iskweu, iskutak maak wiyaapamaat aniyuu Peter, chii uhchi asamitapuu.