Matthew 9:23 - Chishemanituu Utayimuwin: Kaa Uskaach Testament

²³ Iskutak Jesus kaa piihchewaat aniyuu naapeu kaa uchimaawiyich wiichiyuu, chii waapameu aniyuu kaa chii puutaacheyitwaauh e chiskahaakanuyich aweyuu e chii puunipimaatisiyich kaye aniyuuh aweyuu kaa nanehkaatweutamiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᐃᔅᑯᑕᒃ ᒌᓴᔅ ᑳ ᐲᐦᒉᐙᑦ ᐊᓂᔫ ᓈᐯᐤ ᑳ ᐅᒋᒫᐎᔨᒡ ᐐᒋᔫ, ᒌ ᐙᐸᒣᐤ ᐊᓂᔫ ᑳ ᒌ ᐴᑖᒉᔨᑣᐤᐦ ᐁ ᒋᔅᑲᐦᐋᑲᓄᔨᒡ ᐊᐌᔫ ᐁ ᒌ ᐴᓂᐱᒫᑎᓯᔨᒡ ᑲᔦ ᐊᓂᔫᐦ ᐊᐌᔫ ᑳ ᓇᓀᐦᑳᑗᐅᑕᒥᔨᒡ᙮

Matthew 9:23 Iomraidhean Croise

Matthew 11:17

E tepwaatitutwaau, e itwetwaau, ‘Nichii wii ishi metuwenaan e niipuunaanuuhch, e chistuhcheyaahch e ihtiyaahch, namui maak kuuhchi niiminaawaau, kaye nichii nikamunaan e chistimaastaakuhkwaau nikamuwinh namui maak kuuhchi maatuunaawaau.’

Luke 7:32

Maau e iteyihtaakusitwaau. Mwehch awaashach anite e metuwetwaau wiiwiitamihch ekaa maak chii nanihiiwehiitutwaau taan waa ishi metuwetwaau. E tepwaatitutwaau, e itwetwaau, ‘E niipuunaanuuhch nichii wii ishi metuwenaan e chistuhcheyaahch e ihtiyaahch, namui maak kuuhchi niiminaawaau, kaye nichii nikamunaan e chistimaastaakuhkwaau nikamuwinh namui maak kuuhchi maatuunaawaau.’

ᐊᐸᔅᑕᓚᒡ 20:10

Iskutak maak muushihtaat Paul taan e ispayiyich chii niihtaahtawiyuu, ekw kaa uchihchiihkunipayihut uhpime e ihtaayich aniyuu naapesha kaye kaa ati waauchikwepitaat. Ekw kaa itwet, “Ekaawii aayimeyihtamukw, namui nipuu chii itweu.”

ᐊᐸᔅᑕᓚᒡ 9:39

Peter kaa pisikuut, kaa wiichewaat aniyuu naapeuh. Iskutak maak tekushihkwaau nete, chii ituhtahaakanuu anite ishpimiihtakuhch anite e ihtakuniyich aniyuu miiyuuyuu. Chii ihtaauch anit iskweuch e peyakutwaau, chii maausikukaapuushtaweuch Peter e maatutwaau kaye e waapahtiyaatwaau pachuuyaanh kaye akuhpa e chii ushtamaakuwaakupanenich aniyaanaa iskweu Tabitha.

Revelation 18:22

Namui miin nihtaa chika uhchi pehtaakun anit e ihtaayin, Babylon, e miyuuhtaakuhtaatwaau anichii awenichii kaa metuwetwaau aniyuuh kaa miyuuhtaakuniyikwaauh chistuhchikanisha. Namui miin nihtaa chika uhchi pehtaakusuuch anichii nanaahkuu chekwaayuuh e miyuuhtaakuniyikwaauh kaa kaschihutwaau e metuwetwaau maak anichii nanaahkuu puutaachikanh kaa metuwetwaau. Namui miin wiiskach chika uhchi waapamaakanuuch anichii awenichii nanaahkuu chekwaayuuh kaa ishi kaschihutwaau e ushihtaatwaau. Namui kaye wiiskach miin chika uhchi pehtaakun e takuhiikanuuhkwaau nihtaauchihchikanh.