Matthew 9:22 - Chishemanituu Utayimuwin: Kaa Uskaach Testament

²² Ekw Jesus kaa kweschikaapuut, kaa waapamaat aniyuu iskweu ekw kaa itaat, “Miyeyihtah nitaanis, chitaapwehtamuwin chimiinuwaachihiikuun.” Tiiwehch maak chii miinuwaatisiyuu an iskweu aniyuu kaa itaaspinet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁᒄ ᒌᓴᔅ ᑳ ᑴᔅᒋᑳᐴᑦ, ᑳ ᐙᐸᒫᑦ ᐊᓂᔫ ᐃᔅᑴᐤ ᐁᒄ ᑳ ᐃᑖᑦ, ᒥᔦᔨᐦᑕᐦ ᓂᑖᓂᔅ, ᒋᑖᐺᐦᑕᒧᐎᓐ ᒋᒦᓄᐙᒋᐦᐄᑰᓐ᙮ ᑏᐌᐦᒡ ᒫᒃ ᒌ ᒦᓄᐙᑎᓯᔫ ᐊᓐ ᐃᔅᑴᐤ ᐊᓂᔫ ᑳ ᐃᑖᔅᐱᓀᑦ᙮

Matthew 9:22 Iomraidhean Croise

Matthew 15:28

Ekw Jesus kaa itaat, “Iiskweu, taapwe suuhchisiimakan chitaapwehtamuwin. Chika ishi ihtuutamaakuun maak taan e ishi pukuseyihtaman.” Tiiwehch maak chii miinuwaatisiyuuh aniyuu utaanisa an iskweu.

Matthew 17:18

Jesus maak chii chistahamuweu aniyuu machiahchaahkwa e itaat chechii nakataayich aniyuu naapesha. Tiiwehch maak chii wiiwiyuu an machiahchaahkw ekw kaa ati miinuwaatisiit an naapesh.

Matthew 8:13

Ekw Jesus kaa itaat aniyuuh shimaakanishuuchimaauh, “Chiiwe, taan kaa ishi taapwehtaman ekun che ishi ihtuutamaakuyin.” Aniyuu maak mekwaach kaa itaat aniyuu shimaakanisha, ekut mwehch aniyuu tipahiikaniyuu kaa miinuwaatisiyich aniyuu utaapachihaakanh an shimaakanishuuchimaau.

Matthew 9:2

Chii peshuweuch maak awenichii naapeuh nipewinihch e pimishiniyich ekaa uhchi nisitusiyich. Iskutak Jesus kaa waapahtamuwaat aniyuu aweyuuh utaapwehtamuwiniyuu chii iteu aniyuu naapeu, “Muuchicheyihtah niwiichewaakan, chiwepeyihtamaakuun chimachihtwaawinh.”

Matthew 9:29

Ekw Jesus kaa taahtinamuwaat aniyuu uschiishikuyuu, kaa itaat, “Nihaau taan e ishi taapwehtamekw ekun che ishi ihtuutamaakuyekw.”

Mark 10:52

Jesus maak chii iteu, “Maachiih, chitaapwehtamuwin chimiinuwaachihiikuun.” An maak naapeu tiiwehch chii uhchi waapahtam ekw kaa nuushuushkuwaat Jesus aniyuu e ati pimuhteyich.

Mark 5:34

Ekw Jesus kaa itaat uyuu iskweu, “Nitaanish, chitaapwehtamuwin chimiinuwaachihiikuun. Maachiih maak chiyaameyihtamuwin ayaah. Wesh shaash taapwe chimiinuwaatisiin.”

Luke 17:19

Ekw Jesus kaa itaat aniyuu naapeu, “Pisikuuh, ekw maak che chiiweyin, wesh chitaapwehtamuwin chimiinuwaachihiikuun.”

Luke 18:42

Jesus maak chii iteu, “Waapahtah, chitaapwehtamuwin chimiinuwaachihiikuun.”

Luke 7:50

Jesus maak chii iteu aniyuu iskweu, “Chitaapwehtamuwinh chipimaachihiikun. Maachiih maak chiyaameyihtamuwin che ayaayin.”

Luke 8:48

Ekw Jesus kaa itaat aniyuu iskweu, “Iskweu, chitaapwehtamuwin chimiinuwaachihiikuun. Maachiih chiyaameyihtamuwinihch ishi.”

John 4:53

Ekw an naapeu kaa chischisit ekun nihaau kaa ishpishichiishikaayich kaa itikut Jesus, “Chika pimaatisiyuu wesin chikus.” Ekut maak kaa uhchi taapwehtahk kaye misiwe aweyuu anit e peyakuteusiit ekut kaa uhchi taapwehtamiyich.

ᐊᐸᔅᑕᓚᒡ 14:9

Mekwaach maak anit e apit an naapeu chii nituhtaweu aniyuu Paul e ayimiyich. Iskutak maak Paul kaa chischeyihtahk e taapwehtamiyich aniyuu naapeu chechii miinuwaachihaakanuyich, kuiskw chii kanawaapameu

ᐊᐸᔅᑕᓚᒡ 16:18

Ekun kaa ihtit eshikum chiishikaau, chek Paul kaa saskachimikut, ekw kaa kweschikaapuushtawaat, kaa itaat aniyuu machiahchaahkwa, “Jesus Christ utishinihkaasuwinich uhchi maachiih wiiwiih anite e ihtaat, chii itweu.” Ekw an ahchaahkw tiiwehch kaa wiiwiit anit aniyuu ishkwesha e ihtaayich uhchi.

Hebrews 4:2

Ekw maak chichii pehtenaanuu an miywaachimuwin anit kaa aayimuutech taanite che ayiwepiyich Chishemanituu utiiniimh. Eukw uyuu miywaachimuwiniyuu kaa ishi pehtahkwaau aniyehkaanaanich chiwaahkumaakanuuch. Mikw maak namui uhchi piihcheuch anite wesh namui uhchi taapwehtamuch taan kaa ishi wiihtamuwaakanuutwaau.