Matthew 9:14 - Chishemanituu Utayimuwin: Kaa Uskaach Testament

¹⁴ Ekw John siikahaahtaacheu uchischinuhamuwaakanh kaa pechi nituwaapamaatwaau aniyuu Jesus ekw kaa itaatwaau, “Meshikum ekun e ihtiyaahch niyaan ekw maak anichii Phariseech ekaa miichisuyaahch. Chekwaayuu maak wehchi ekaa ihtitwaau wiyawaau chichischinuhamuwaakanich ekaa miichisutwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐁᒄ ᒞᓐ ᓰᑲᐦᐋᐦᑖᒉᐤ ᐅᒋᔅᒋᓄᐦᐊᒧᐙᑲᓐᐦ ᑳ ᐯᒋ ᓂᑐᐙᐸᒫᑣᐤ ᐊᓂᔫ ᒌᓴᔅ ᐁᒄ ᑳ ᐃᑖᑣᐤ, ᒣᔑᑯᒻ ᐁᑯᓐ ᐁ ᐃᐦᑎᔮᐦᒡ ᓂᔮᓐ ᐁᒄ ᒫᒃ ᐊᓂᒌ ᕓᕆᓰᒡ ᐁᑳ ᒦᒋᓱᔮᐦᒡ᙮ ᒉᒀᔫ ᒫᒃ ᐌᐦᒋ ᐁᑳ ᐃᐦᑎᑣᐤ ᐎᔭᐙᐤ ᒋᒋᔅᒋᓄᐦᐊᒧᐙᑲᓂᒡ ᐁᑳ ᒦᒋᓱᑣᐤ᙮

Matthew 9:14 Iomraidhean Croise

Matthew 11:2

John kaa siikahaahtaachet maak chii maakunaakanuu ekw kaa chipahwaakanuut chipahutuukamikuhch. ekute maak anite kaa pehtahk e tipaachimaakanuyich taan e ihtiyich Christ, ekw kaa itishahwaat niishu uchischinuhamuwaakanh anite e ihtaayich Jesus.

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Matthew 9:15

Jesus maak chii iteu, “Muyaam e niipuunaanuuhch, namui macheyihtamuch anichii kaa wiishaamaakanuutwaau mekwaach anit e ihtaayich aniyuu uschinaapewaan. Ekun maak e ishinaakuhch utah mekwaach e ihtaayaan anichii chischinuhamuwaakanich e ihtaatwaau mikw maak iskutak utihchipayihche che pechi utinikuyaan anit e ihtaatwaau uhchi ekw maak yaakw che ihtitwaau meshikum ekaa miichisutwaau anichii chischinuhamuwaakanich.”

John 3:25

Pasch maak aniyuuh John uchischinuhamuwaakanh ekw maak kutakach Jewa iinuuch chii machipayuuch e aayimuutahkwaau ayimihewin payehchihiiwewiniyuu.

John 4:1

Phariseech chii pehtamuch etituu e mihchetiyich aweyuu e nuushuushkuwaayich Jesus eyuu maak etituu wiya e mihchetiyich aweyuu e siikahaahtuwaat e ishpish John.