Matthew 9:13 - Chishemanituu Utayimuwin: Kaa Uskaach Testament

¹³ Wii nisituhtamukw maa anite chihchi masinahiikanihch kaa itashtech, ‘Chishewaatisiiwin eukw netuweyihtamaan, namui wii e machishtawehamaanuuhch chekwaan.’ Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐐ ᓂᓯᑐᐦᑕᒧᒄ ᒫ ᐊᓂᑌ ᒋᐦᒋ ᒪᓯᓇᐦᐄᑲᓂᐦᒡ ᑳ ᐃᑕᔥᑌᒡ, ᒋᔐᐙᑎᓰᐎᓐ ᐁᐅᒄ ᓀᑐᐌᔨᐦᑕᒫᓐ, ᓇᒧᐃ ᐐ ᐁ ᒪᒋᔥᑕᐌᐦᐊᒫᓅᐦᒡ ᒉᒀᓐ᙮ ᓇᒧᐃ ᐊᓂᒌ ᑳ ᑯᐃᔅᑯᑖᑎᓰᑣᐤ ᐌᐦᒋ ᑕᑯᔑᓂᔮᓐ᙮ ᓂᒌ ᑕᑯᔑᓐ ᒉᒌ ᓂᑑᒪᒀᐤ ᐅᒪᒋᐦᑣᐅᒡ ᒉᒌ ᑴᔅᑳᑎᓰᑣᐤ᙮

Matthew 9:13 Iomraidhean Croise

Matthew 12:3

Ekw Jesus kaa itaat aniyuu Phariseeh, “Chichii ayimihtaanaawaache masinahiikanihch kaa tipaachimaakanuut aniyaa chisheuchimaau David, misiwe maak aniyuu kaa wiicheukut iskutak kaa wii miichisutwaau.

Matthew 12:5

Kaye chichii ayimihtaanaawaache anite wiishuweusinahiikanihch, anichii ayimiheuchimaauch e aapatisitwaau anite chisheayimiheukamikuhch e ayimiheuchiishikaayich piikunamuch aniyuu wiishuwewiniyuu taan chipaa ishi naanaakachihtaakanuuyuu e ayimiheuchiishikaayich, namui maak chekwaayuu chika chii ishi ataameyihtaakusuuch.

Matthew 12:7

Wesh itashteu masinahiikanihch Chishemanituu e chii itwet, Chishewaatisiiwin eukw netuweyihtamaan, namui wii e machishtawehamaanuuhch chekwaan. Nisituhtamekw maak uu taan nihaau e itwemakahch, namui chipaa uhchi wiyaaskunaawaauch anichii ekaa kaa machituutahkwaau.

Matthew 19:4

Ekw Jesus kaa nishkweushihaat e itaat, “Namui aa kuuhchi ayimihtaanaawaau masinahiikanihch anit kaa itashtech, niishtam iinuuh kaa ushihaat Chishemanituu, naapeu ekw maak iskweu chii ushiheu.

Matthew 21:42

Ekw Jesus kaa itaat, “Namui aa kuuhchi ayimihtaanaawaau kaa itashtech anite Chishemanituu utayimuwinihch, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich. Eukw uyuu Utipeyihchikeu utaihtuwin, nuwach miskaasinaakuniyuu e kanawaapahtaakanuyich.”

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 3:8

Nuukuhtaakw taapwe e kweskaatisiyekw, e nakatamekw chimachaatisiiwinawaauh.

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Mark 12:26

An maak netuu chischeyihtamuwekwe che uhpiskaawaakwenich kaa nipitwaau, namui aa kuuhchi ayimihtaawaanaawaau Moses taan kaa itisinahahk umasinahiikanihch, anit kaa tipaatutahk e niipiskuupaayich kaa uhchi ayimihiikut Chishemanituu, e chii itikuukupane, ‘Eukw niya uchishemanituumiwaau, Abraham, Isaac ekw maak Jacob.’

Mark 12:33

Kaye chitaapwen e itweyin. Chechii saachihaakanuut Chishemanituu misiwe mitehiihch, kaye misiwe mituneyihchikanihch, kaye misiwe ahchaahkuwinihch kaye misiwe maskuusiiwinihch. Kaye maak chechii saachihaat awen kutak aweyuuh muyaam wiya e ishpish saachihiisut. Uyuu chechii ishpish saachihiiwet awen etituu iteyihtaakuniyuu ishpishaat wii e machishtewehamuwaakanuut Chishemanituu miiwewinh maak awesiisa e chii nipahaakanuyich chechii machishtewehamuwaakanuut.”

Mark 2:17

Jesus maak chii pehtaweu uyuu e itweyich ekw kaa itaat, “Namui nituweyimeuch nituhkuiin anichii awenichii ekaa kaa aahkusitwaau, mikw anichii kaa aahkusitwaau eukunich netuweyimaatwaau nituhkuiin. Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

Luke 10:26

Jesus chii itikuu, “Taan maak e ishi nisituhtaman an ayimihewin wiishuweusinahiikan e ayimihtaayin. Taan e itashtech maak.”

Luke 19:10

Iinuu Ukusisa chii pechi takushin chechii naanituwaapamaat kaye chechii pimaachihaat aniyuuh iinuuh kaa wanishiniitwaau.”

Luke 24:47

Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

Luke 5:31

Jesus maak chii nishkweushihiiweu e itwet, “Namui nituweyimeuch nituhkuiin anichii awenichii ekaa kaa aahkusitwaau, mikw anichii kaa aahkusitwaau eukunich netuweyimaatwaau nituhkuiin.

Luke 5:32

Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

John 10:34

Ekw Jesus kaa nishkweushihaat e itaat, “Itashteu Chishemanituu utayimuwinihch e chii itaakupane Chishemanituu aniyuu kaa miyaat chechii wiyaaskunicheyich, Nichii itwen, manituuch chiyawaau.

ᐊᐸᔅᑕᓚᒡ 11:18

Uyuu maak e pehtawaatwaau e ishi wiihtamiyich namui uhchii nishkuushtuweuch. Chii chishtaachimeuch Chishemanituu e itwetwaau, “Chishemanituu chii nihiipayihtaau aniyuu iinuu ekaa Jewa kaa itiskaanesiitwaauh chechii kweskaatisiyich kaye chechii pimaachihuyich.”

ᐊᐸᔅᑕᓚᒡ 2:38

Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa.

ᐊᐸᔅᑕᓚᒡ 20:21

e wiihtamuukwaau taapishkun Jewa kaye Greek kaa itiskaanesitwaau e nituweyihtaakusitwaau chechii kweskaatisiitwaau Chishemanituu e naataatwaau kaye chechii taapweyimaatwaau Chitipeyihchikeminuu Jesus Christ.

ᐊᐸᔅᑕᓚᒡ 3:19

Kweskaatisiikw, mihchiiweyihtamukw taan kaa ishi machituutamekw. Naataahkw Chishemanituu chechii wepeyihtamaataakw chimachihtwaawinawaau. Ekw maak Utipeyihchikeu che ihtuutaataakw miin chechii suuhkamahchihuyekw chitahchaahkuwaahch.

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

2 Peter 3:9

Taapaa pwaashtawiyuu Utipeyihchikeu chechii ihtuutahk taan aniyuuh kaa itwet che ihtuutahk. Pwaashtawiyuu iteyimeuch maak kutakach awenichii. Chisiipiiwesiistaakuwaau wesin, ekaa waachi peyakw aweyuu nitaweyimaat chechii wanaatisiyich, wesh misiwe aweyuuh nituweyimeu chechii nakatamiyich umachaatisiiwiniyuu.