Matthew 9:10 - Chishemanituu Utayimuwin: Kaa Uskaach Testament

¹⁰ Mekwaach maak Jesus e miichisut anite Matthew wiichiihch mihchetu kutakach Chisheuchimaau shuuliyaamiyuu kaa maamuushtinahkwaau kaa itaapatisitwaau chii ihtaauch anit kaye kutakach awenichii kaa machaatisiitwaau chii wiichimiichisuumeuch Jesus ekw maak aniyuu uchischinuhamuwaakaniyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᒣᒀᒡ ᒫᒃ ᒌᓴᔅ ᐁ ᒦᒋᓱᑦ ᐊᓂᑌ ᒫᑎᔫ ᐐᒌᐦᒡ ᒥᐦᒉᑐ ᑯᑕᑲᒡ ᒋᔐᐅᒋᒫᐤ ᔔᓕᔮᒥᔫ ᑳ ᒫᒨᔥᑎᓇᐦᒀᐤ ᑳ ᐃᑖᐸᑎᓯᑣᐤ ᒌ ᐃᐦᑖᐅᒡ ᐊᓂᑦ ᑲᔦ ᑯᑕᑲᒡ ᐊᐌᓂᒌ ᑳ ᒪᒑᑎᓰᑣᐤ ᒌ ᐐᒋᒦᒋᓲᒣᐅᒡ ᒌᓴᔅ ᐁᒄ ᒫᒃ ᐊᓂᔫ ᐅᒋᔅᒋᓄᐦᐊᒧᐙᑲᓂᔫᐦ᙮

Matthew 9:10 Iomraidhean Croise

Matthew 9:11

Pasch maak Phariseech chii waapameuch uyuuh ekw kaa itaatwaau aniyuu chischinuhamuwaakanh, “Chekwaan wehchi wiichimiichisuumaat chichiskutamaachesiimuwaau aniyuuh Chisheuchimaau shuuliyaayuu kaa maamuushtinamiyich kaye aniyuuh kutak kaa machaatisiyich.”

Matthew 9:9

Ekw Jesus kaa chistuhtet anit uhchi, mekwaach maak e ati pimuhtet, chii waapameu naapeu e apiyich masinahiicheukamikuhch Matthew e ishinihkaasuyich, Chisheuchimaau shuuliyaayuu kaa maamuushtinamiyich e chii itaapatisiyich. Ekw Jesus kaa itaat, “Pechi papaawiicheu.” Ekw Matthew kaa pisikuut, kaa ati wiichewaat Jesus.

John 9:31

Chichischeyihtenaanuu Chishemanituu ekaa nituhtuwaat kaa machaatisiitwaauh, nituhtaweu maak wiya aniyuu aweyuu kaa nuuchiishtaakut kaye kaa ihtuutamiyich taan e ishi nituweyimaat chechii ihtuutamiyich.