Matthew 8:9 - Chishemanituu Utayimuwin: Kaa Uskaach Testament

⁹ Nichischeyihten chechii ihtuutaman uu, kaye niya ihtaauch nuuchimaamach e pishichihiikwaau. Kaye maak ihtaauch shimaakanishach niya e wawiishuumakwaau. E itak peyakw shimaakanish ‘Anite ituhte,’ tiiwehch ekute e ituhtet kaye maak e itak shimaakanish, ‘Aashtam,’ tiiwehch takushinuu. Ekw kaye kutak e itak nitaapachihaakan ‘Uu maa ihtuut,’ eukw aniyuu e ihtuutahk.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᓂᒋᔅᒉᔨᐦᑌᓐ ᒉᒌ ᐃᐦᑑᑕᒪᓐ ᐆ, ᑲᔦ ᓂᔭ ᐃᐦᑖᐅᒡ ᓅᒋᒫᒪᒡ ᐁ ᐱᔑᒋᐦᐄᒀᐤ᙮ ᑲᔦ ᒫᒃ ᐃᐦᑖᐅᒡ ᔑᒫᑲᓂᔕᒡ ᓂᔭ ᐁ ᐗᐐᔔᒪᒀᐤ᙮ ᐁ ᐃᑕᒃ ᐯᔭᒄ ᔑᒫᑲᓂᔥ ᐊᓂᑌ ᐃᑐᐦᑌ, ᑏᐌᐦᒡ ᐁᑯᑌ ᐁ ᐃᑐᐦᑌᑦ ᑲᔦ ᒫᒃ ᐁ ᐃᑕᒃ ᔑᒫᑲᓂᔥ, ᐋᔥᑕᒻ, ᑏᐌᐦᒡ ᑕᑯᔑᓅ᙮ ᐁᒄ ᑲᔦ ᑯᑕᒃ ᐁ ᐃᑕᒃ ᓂᑖᐸᒋᐦᐋᑲᓐ ᐆ ᒫ ᐃᐦᑑᑦ, ᐁᐅᒄ ᐊᓂᔫ ᐁ ᐃᐦᑑᑕᐦᒃ᙮

Matthew 8:9 Iomraidhean Croise

Matthew 8:10

Iskutak maak Jesus piyehtawaat uyuu e itweyich naashch taapwe chii miskaateyihtamihiikuu utaapwehtamuwiniyuu. Ekw kaa itaat aniyuu aweyuuh kaa wiicheukut, “Aat maak ekaa Jewa itiskaanesit uu naapeu eshkw namui nuuhchi waapamaau Jewa e itiskaanesit awen utah Israelihch chechii ishpish suuhchitaapwehtahk.

Matthew 8:8

Ekw an shimaakanishuuchimaau kaa itaat aniyuu Jesus, “Namui nitepicheyihtaakusin chechii pechi piihcheyin niwaaskaahiikanimihch. Mikw maak itweh chechii miinuwaatisiit nitaapachihaakan ekw maak che miinuwaatisiit aat ekaa takushiniyine.

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Luke 4:39

Jesus maak chii nawewiyuu anite ishi e ihtaayich aniyuu iskweu, ekw kaa itashuwaatahk aniyuu kaa chishiteunikusiinaanuyich chechii nakatikuyich. Tiiwehch maak chii nakatikuyuu, kaa wanishkaat an iskweu kaa ati papiminaat aweyuu.

Luke 7:8

Wesh kaye niya ihtaauch nuuchimaamach e pishichihiikwaau kaye maak ihtaauch shimaakanishach e wiishumakwaau. E itak peyakw shimaakanish ‘Anite ituhte,’ tiiwehch ekute anite e ituhtet. Ekw kutak e itak, ‘Aashtam,’ tiiwehch takushinuu. Ekw kaye kutak e itak nitaapachihaakan, ‘Uu maa ihtuutah,’ eukw aniyuu e ihtuutahk.”

Luke 9:1

Jesus chii maausikw wiishaameu kaa niishushaapuyich uchischinuhamuwaakanh. Kaa miyaat suuhkaatisiiwiniyuu kaye tipeyihchichewiniyuu chechii wiiwiitishihwaayich machiahchaahkwa kaye chechii miinuwaachihaayich nanaahkuu e itaaspineyitwaauh aweyuu.

Colossians 3:22

Chiyawaau aapachihaakanitikw muush nanihiihtuwaahkuch kuuchimaamuwaauch taan e ititaakuch. Ekaawii mikw e naanaakachihiitaakuch chika uhchi nanihiihtuwaawaauch e wii naniheyihtamihekuch. Kwaast e ihtiyekw chipaa miyu atushkuwaawaauch e chisteyimekw Utipeyihchikeu.

Titus 2:9

Siihchimach aapachihaakanich chechii nanihiihtuwaatwaau uchimaamuwaauh kaye misiwe chechii ishi nanihiiwehaatwaau kaye ekaa chechii nanaaskushihaatwaau