Matthew 8:4 - Chishemanituu Utayimuwin: Kaa Uskaach Testament

⁴ Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐁᒄ ᒌᓴᔅ ᑳ ᐃᑖᑦ, ᔮᐃᑌᐃ, ᐁᑳᐐ ᒥᑐᓐ ᐐᐦᑕᒨ ᐊᐌᓐ ᐹᑎᔥᑳᓐ ᒌ ᓂᑑᒋᔅᒉᔨᒥᔅᑫ ᐊᔨᒥᐦᐁᐅᒋᒫᐤ ᐃᑎᔅᑫ ᒫᒃ ᔖᔥ ᐁ ᒦᓄᐙᑎᓯᔨᓐ᙮ ᑲᔦ ᒌ ᐸᒋᔥᑎᓇᒪᓀ ᐊᓐ ᒦᐌᐎᓐ ᐊᓂᔮ ᒧᓯᔅ ᑳ ᐃᑕᔓᐌᑦ ᒉᒌ ᒦᐙᓄᔨᒡ ᐃᔅᑯᑕᒃ ᐁ ᒦᓄᐙᒋᐦᐋᑲᓅᑦ ᐊᐌᓐ᙮ ᐁᐅᒄ ᒫᒃ ᐅᔦᔫ ᐅᐦᒋ ᒉ ᒋᔅᒉᔨᒥᔅᒀᐤ ᐊᐌᓂᒌ ᑌᑲᔥ ᐁ ᒦᓄᐙᑎᓯᔫᑦ᙮

Matthew 8:4 Iomraidhean Croise

Matthew 10:18

Chika ituhtahiikunaawaau tipeyihchichesuuch kaye chisheuchimaauch e ihtaatwaau chechii uhchishkuukaapuushtawekuch an uhchi e nuushuushkuwiyekw. Chika nitaweyihtaakusinaawaau kuiskw chechii ishi aayimuumiyekw anit uhchishkuu e ihtaatwaau kaye uhchishkuu anichii ekaa Jewa kaa itiskaanesitwaau.

Matthew 16:20

Ekw kaa itashumaat uchischinuhamuwaakan ekaa chechii wiihtamuwaayich kutak aweyuu e aawit wiya Christ.

Matthew 17:9

Mekwaach maak e pinisuwetwaau aniyuu wachiyuu, Jesus chii itikuuch yaaitei ekaa che wiihtamuwaatwaau aweyuu uyuu waapahtiiwewiniyuu kaa waapahtahkwaau paatish chii wanishkaanaakanuyichen Iinuu Ukusisa nipuwinihch uhchi.

Matthew 3:15

Ekw Jesus kaa itaat, “Anuhchiish uu ihtuut taan e itashumitaan. Wesh uu ihtuutamuhkwe chika ihtuutamuwaanuu misiwe taan e ishi nituweyihtahk Chishemanituu.” Kiipaa kaa pishichihaat John.

Matthew 5:17

“Ekaawii iteyihtamukw e chii pechi takushiniyaan chechii iichenamaan wiishuwewin kaye maak aniyuu kaa ishi chiskutamaachetwaau uchischiwehiichesuuch. Namui nuuhchi takushin chechii iichenamaan aniyuuh, maak nichii takushin taapwe chechii ispayiyich taan kaa ishi chiskutamaachetwaau.

Matthew 6:1

“Ayaakwaamiikw taan e ishi miyutuutamaacheyekw. Ekaawii naashch wii nanehtuhtenaakuhiisukw anite e mihchetinaanuuhch mikw e iteyihtamekw chechii waapamitaakuch awenichii, wesh uu ihtuutamekwe, ekaawii pukuseyihtamukw chechii tipahamaataakw Kuuhtaawaau kihchikiishikuhch kaa ihtaat.”

Matthew 9:30

Chii miinuwaachihaakanuuch maak ekw kaa waapahtahkwaau. Ekw Jesus kaa itashumaat ekaa chechii wiihtamuwaayich aweyuu.

Mark 13:9

“Yaakwaamiikw wesh chika ihtaauch anichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite ayimiheukamikuhch ekute che papasistehukuyekw. Chika ituhtahiikunaawaau peshuch kaye chisheuchimaauch e ihtaatwaau chechii wiyaaskunitaakuch an uhchi e nuushuushkuyekw. Chika nitaweyihtaakusinaawaau kuiskw chechii ishi aayimuumiyekw.

Mark 3:12

Jesus maak suuhk chii ayimiheu e itaat ekaa chechii wiihtamuwaayich aweyuu awen e aawit.

Mark 5:43

Jesus maak chii itashumeu ekaa chechii wiihtamuwaayich kutak aweyuu taan kaa ispayiyich. Ekw kaa itaat chechii miyaakanuyich aniyuu ishkwesha chekwaayuu chechii miichiyich.

Mark 6:11

Ekaa maak wii piihtakahiikuyekwe maak ekaa wii nituhtaakuyekwe, nakatamekwe an ihtaawin che pahpuusiteshimuyekw. Eukuu che ihtiyekw e nuukuhtaayekw e ayaakwaamimekuch anichii iinuuch anit kaa ihtaatwaau.”

Mark 7:36

Ekw Jesus kaa itaat aniyuuh iinuuh ekaa chechii wiihtamuwaayich kutak aweyuu uyuu e chii ispayiyich. Mikw maak aat suuhk e chii chistahamuwaat aahch etituu chii papaamaachimuyuuh e waawiihtamuwaayich aweyuuh.

Mark 8:30

Ekw Jesus kaa itashumaat aniyuuh uchischinuhamuwaakanh ekaa chechii wiihtamuwaayich kutak aweyuu uyuu.

Mark 9:9

Aniyuu e ati niihchichiwetwaau aniyuu wachiyuu Jesus chii itashumikuuch, “Ekaawii awen uhchi wiihtamuwaahkw uu kaa ispayihch paatish chii wanishkaate Iinuu Ukusisa nipuwinihch uhchi.”

Luke 17:14

Jesus maak iskutak wiyaapamaat chii iteu, “Maachiikw, nituwaapamaahkw ayimiheuchimaau, chechii chischeyimitaakw taapwe e miinuwaatisiyekw.” Mekwaach maak e ishpishipayitwaau e nituwaapamaatwaau ayimiheuchimaau, chii miinuwaatisiyuuch.

Luke 21:13

Uu maak ihtuutaakuyekwe, ekut che uhchi miyupayekw chechii wiihtamuwekuch miywaachimuwiniyuu anichii uchimaauch.

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

Luke 5:14

Jesus maak chii itashumeu e itaat, “Ekaawii wiihtamuu awen taan kaa ispayin. Maachiih, nituu nuukuhiisuu anuhchiish Jewa ayimiheuchimaau e ihtaat che waapamisk e chii miinuwaachihiikuyin. Kaye che pachishtinicheyin an chekwaan aniyaa Moses kaa itashuwet che pachishtinikaanuyich. Uu maak ihtiyine misiwe awen chika chischeyihtam taapwe tekash e chii payehchihiikuyin.”

Luke 8:56

Aniyuu maak uniichihiikuyuu naashch chii kushkupayuu. Ekw kaa itikutwaau Jesus ekaa chechii wiihtamuwaatwaau aweyuu taan kaa ispayiyich.

Luke 9:21

Ekw Jesus kaa itashumaat uchischinuhamuwaakanh ekaa chechii wiihtamuwaayich kutak aweyuu aniyuu.

John 5:41

“Namui nitihtuuten chekwaan naapeu chechii uhchi pechi chisteyimit.

John 7:18

An awen mikw wiya taan e iteyihtahk kaa ishi wiihtahk chekwaayuu, nituweyihtam wiya chechii chisteyimaakanuut. Ekw an awen kaa nituweyihtahk chechii chisteyimaakanuyich aniyuu kaa pechi itishahukut kuiskw ihtuu kaye namui mitun ihtakuniyuu wiyeshihiiwewiniyuu anit e ihtaat.

John 8:50

Namui ninaanitaweyihten taanite chechii uhchi chisteyimikuyaan. Mikw maak ihtaau awen e nituweyihtahk chechii chisteyimikuch, wiya maak eukw weyaaskunaat aniyuu aweyuu ekaa kaa chisteyimiyich.