Matthew 8:32 - Chishemanituu Utayimuwin: Kaa Uskaach Testament

³² Ekw Jesus kaa itaat, “Maachiikw.” Iskutak maak kaa wiiwiitwaau anichii machiahchaahkuch anit uhchi aniyuu niishu naapeuh e ihtaayich ekw kaa aashuupiihchishkuwaatwaau aniyuu kuuhkuushah. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᐁᒄ ᒌᓴᔅ ᑳ ᐃᑖᑦ, ᒫᒌᒄ᙮ ᐃᔅᑯᑕᒃ ᒫᒃ ᑳ ᐐᐐᑣᐤ ᐊᓂᒌ ᒪᒋᐊᐦᒑᐦᑯᒡ ᐊᓂᑦ ᐅᐦᒋ ᐊᓂᔫ ᓃᔓ ᓈᐯᐤᐦ ᐁ ᐃᐦᑖᔨᒡ ᐁᒄ ᑳ ᐋᔔᐲᐦᒋᔥᑯᐙᑣᐤ ᐊᓂᔫ ᑰᐦᑰᔕᐦ᙮ ᐁᒄ ᐊᓂᒌ ᑰᐦᑰᔕᒡ ᑳ ᔮᒥᑖᐅᐦᒋᐸᐦᐄᑐᑣᐤ ᐊᓂᑌ ᐃᔑ ᓵᑲᐦᐄᑲᓂᐦᒡ, ᑳ ᓂᔥᑖᐹᐌᑣᐤ᙮

Matthew 8:32 Iomraidhean Croise

Matthew 8:31

Ekw anichii machiahchaahkuch naashch suuhk chii nitutamuweuch Jesus e itaatwaau, “Che wiiwiitishihuwaauhche, nete itishahunaan anechii kuuhkuushach chechii piihchishkuwachihtwaau.”

Matthew 8:33

Iskutak maak anichii kaa naanaakachihaatwaau aniyuuh kuuhkuushah kaa waapahtahkwaau taan kaa ispayiyich chii ushimuuch, kaa nituu wiihtahkwaau anite ihtaawinihch taan kaa ispayiyich aniyuu niishu naapeuh kaa piihchishkaakuyich machiahchaahkwa.

Mark 5:13

Ekun maak kaa ihtuutawaat Jesus aniyuu kaa itweyich. Anichii maak machiahchaahkuch, iskutak kaa wiiwiiskuwaatwaau aniyuu naapeu ekw aniyuu kuuhkuusha kaa aashuupiihchishkuwaatwaau. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau. Wiyesh maak niishwaau chishemitaahtumitanuu chii tashiichenich uchii kuuhkuushach.

Luke 8:33

Anichii maak machiahchaahkuch, iskutak kaa wiiwiiskuwaatwaau aniyuu naapeu ekw aniyuu kuuhkuushah kaa aashuupiihchishkuwaatwaau. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau.

ᐊᐸᔅᑕᓚᒡ 2:23

Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch.

ᐊᐸᔅᑕᓚᒡ 4:28

Mikw maak uyuu taan kaa ishi ihtuutahkwaau, chiya shaash weskach chichii wiyeyihten che ispayihch, chiya maak chichii ihtuuten chechii tipipayihch.

Revelation 20:7

Iskutak maak chii chiishipayiniikwaawenh aniyuuh peyakwaau chishemitaahtumitanuu pipun ekw che aapahwaakanuut machimanituu anite aniyuu kaa chipahwaakanuut.