Matthew 8:3 - Chishemanituu Utayimuwin: Kaa Uskaach Testament

³ Jesus maak chii taahtineu e itaat, “Chiwii wiichihiitin, payehchisiih.” Tiiwehch maak chii miinuwaatisiyuu an naapeu aniyuu kaa itaaspinet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒌᓴᔅ ᒫᒃ ᒌ ᑖᐦᑎᓀᐤ ᐁ ᐃᑖᑦ, ᒋᐐ ᐐᒋᐦᐄᑎᓐ, ᐸᔦᐦᒋᓰᐦ᙮ ᑏᐌᐦᒡ ᒫᒃ ᒌ ᒦᓄᐙᑎᓯᔫ ᐊᓐ ᓈᐯᐤ ᐊᓂᔫ ᑳ ᐃᑖᔅᐱᓀᑦ᙮

Matthew 8:3 Iomraidhean Croise

Matthew 12:13

Ekw kaa itaat aniyuu naapeu utihchiyuu kaa maaskaniyich, “Tashupayihtaah chitihchii.” Chii tashupayihtaau maak an naapeu aniyuu utihchii, ekw maak kaa miinuwaachihtaakanuyich aniyuu utihchii. Mwehch aniyuu kutachiyuu utihchii kaa ishi miywaayich ekun kaa ishinaakuniyich aniyuu utihchii kaa maaskaniyich.

Mark 1:41

Jesus maak naashch chii chistimaacheyimeu ekw kaa tashupayihtaat uspitun kaa taahtinaat e itaat, “Chiwii wiichihiitin, payehchisiih maak.”

Mark 4:39

Kaa wanishkaat Jesus, ekw kaa itashuwaatahk aniyuu kaa chiishtiniyich chechii puunipayiyich, ekw aniyuu kiskanh kaa itaat, “Chiyaamisiikw, ekun ekw.” Chii nachiiweyuu ekw maak kaa uhchi ywaashtiniyich.

Mark 5:41

Kaa utinamuwaat utihchiyuu aniyuu awaasha, kaa itaat, “Talitha, koum.” Ishkwesh, “Wanishkaa chititin,” ishi itweshtamuwaataakanuu uu.

Mark 7:34

Ishpimihch maak chii ishi tastasaapuu Jesus e yahkataamut, ekw kaa itaat aniyuu naapeu, “Ephphatha.” Uyuu maak kaa itwet, “Aapahiipayih, ishi itweshtamuwaataakanuu.”

Mark 9:25

Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

Luke 4:27

Kaye maak mekwaach eshkw e chii pimaatisiit aniyaa uchischiwehiichesuu Elisha chii ihtaauch mihchetu awenichii anit Israel aschiihch, kaa maayaataniyich umichiiwaaspinewiniyuu e chii ayaatwaau. Namui maak waachi peyakw uhchi miinuwaachihaakanuuch uchii chechii payehchisiitwaau, mikw an naapeu Naaman kaa ishinihkaasut chii miinuwaahihaakanuut, anite maak Syria aschiihch ekute kaa uhchiit.” Eukw uyuu kaa itaat Jesus aniyuu iinuu kaa nituhtaakut.

Luke 5:13

Jesus maak chii shuwanischeyuu kaa taahtinaat e itaat, “Chiwii wiichihiitin. Payehchisiih.” Tiiwehch maak chii miinuwaatisiyuu aniyuu kaa itaaspinet an naapeu.

Luke 7:14

Chii naatam aniyuu tehtinikaniyuu kaa taahtinahk ekw maak anichii kaa tahkunihkwaau aniyuu chii chipihchikaapuuch. Ekw Jesus kaa itwet, “Wanishkaa uschiniichuu.”

John 11:43

Iskutak maak uyuu kaa itwet Jesus chii chisheweu e itwet, “Lazarus, pechi wiiwiih.”

John 15:24

Namui chipaa uhchi ataameyihtaakusuuch machihtwaawiniyuu ekaa uhchi ihtuutamuch maamishkaach ihtuwin niyaanitam anit e ihtaatwaau. Nichii ihtuuten chekwaayuuh ekaa wiiskaat kutak awen uhchi ihtuutahk. Misiwe maak chii waapahtamuch. Yaapach maak nichii uhkaatikuch. Nuuhtaawiih kaye chii uhkaateuch aniyuu e uhkaasitwaau.

John 5:21

Uhtaawiimaau wanishkaaneu aweyuu nipuwinihch uhchi ekw maak maayaat pimaatisiiwiniyuu, ekun kaye nihaau e ihtit Ukusisimaau, miyeu aweyuu pimaatisiiwiniyuu aniyuu waa miyaat.