Matthew 8:27 - Chishemanituu Utayimuwin: Kaa Uskaach Testament

²⁷ Misiwe maak anchii naapeuch chii maamishkaateyihtamuch e itwetwaau, “Awen uu waawaach e yuutiniyich kaye maak kiskanh e pishichihiikut.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᒥᓯᐌ ᒫᒃ ᐊᐌᓐ ᒌ ᒫᒥᔥᑳᑌᔨᐦᑕᒻ ᐁ ᐃᑗᑣᐤ, ᐊᐌᓐ ᐆ ᐙᐙᒡ ᐁ ᔫᑎᓂᔨᒡ ᑲᔦ ᒫᒃ ᑭᔅᑲᓐᐦ ᐁ ᐱᔑᒋᐦᐄᑯᑦ᙮

Matthew 8:27 Iomraidhean Croise

Matthew 14:33

Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

Matthew 15:31

Chii miskaateyihtamuch maak anichii iinuuch e waapamaatwaau aniyuu ekaa kaa nihtaaweyich e ayimiyich kaye aniyuu kaa maaschisiyich e miyunaakusiyich, kaye aniyuu ekaa kaa nihtaauhteyich e pimuhteyich, kaye aniyuu ekaa kaa waapahtamiyich e waapahtamiyich. Ekw maak kaa maamihchimaatwaau Chishemanituu aniyuu Jewa iinuuh kaa maamihchimaayich.

Matthew 8:10

Iskutak maak Jesus piyehtawaat uyuu e itweyich naashch taapwe chii miskaateyihtamihiikuu utaapwehtamuwiniyuu. Ekw kaa itaat aniyuu aweyuuh kaa wiicheukut, “Aat maak ekaa Jewa itiskaanesit uu naapeu eshkw namui nuuhchi waapamaau Jewa e itiskaanesit awen utah Israelihch chechii ishpish suuhchitaapwehtahk.

Matthew 8:26

Ekw Jesus kaa itaat, “Chekwaan wehchi naashch kushtaachiyekw, taapwe nuwach kaa apishaashich chitaapwehtamuwinawaau.” Ekw kaa wanishkaat kaa itashuwaatahk aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii uhchi ywaashtiniyuu.

Matthew 8:28

Iskutak maak Jesus mesikaatwaau anite aniyuu Gadarene kaa ishinihkaateyich aschiiyuu kwestehchekaam aniyuu saakahiikaniyuu, chii nachishkaakuu niishu naapeuh e piihchishkaakuyich machiahchaahkwa anite iihkuhiiskaanihch e uhtuhteyich. Namui waawaach aweyuuh uhchii pimuhteyuuh anite aniyuu meskanaayuu kaa ishpish chii kushtaatikusiitwaau uchii naapeuch.

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Mark 6:51

Kaa puusitutawaat. Aniyuu maak e ati puusitutawaat ekun tiiwehch kaa ati nachiiweyich. Nuwach maak chii miskaateyihtamuch anichii chischinuhamuwaakanich uyuu e ispayihch.

Mark 7:37

Misiwe maak aweyuu kaa pehtamiyich uyuu naashch chii miskaateyihtamihiikuyuu. Chii itweyuuh maak, “Misiwe chekwaayuu chii miyutuutam. Waawaach chii ihtuutamuweu ekaa kaa pehtamiyich chechii pehtamiyich kaye aniyuuh ekaa kaa nihtaaweyich chechii nihtaaweyich.”