Matthew 8:2 - Chishemanituu Utayimuwin: Kaa Uskaach Testament

² Ekw naapeu kaa maayaataniyich umichiiwaaspinewiniyuu e ayaayich kaa pechi naatikut kaa uchihchiihkunipayihuyich anite uhchishkuu e ihtaat, ekw kaa itikut, “Utipeyihchikeu, wii pechi wiichihiyine chika chii ihtuuten chechii payehtisiyaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᒄ ᓈᐯᐤ ᑳ ᒫᔮᑕᓂᔨᒡ ᐅᒥᒌᐙᔅᐱᓀᐎᓂᔫ ᐁ ᐊᔮᔨᒡ ᑳ ᐯᒋ ᓈᑎᑯᑦ ᑳ ᐅᒋᐦᒌᐦᑯᓂᐸᔨᐦᐅᔨᒡ ᐊᓂᑌ ᐅᐦᒋᔥᑰ ᐁ ᐃᐦᑖᑦ, ᐁᒄ ᑳ ᐃᑎᑯᑦ, ᐅᑎᐯᔨᐦᒋᑫᐤ, ᐐ ᐯᒋ ᐐᒋᐦᐃᔨᓀ ᒋᑲ ᒌ ᐃᐦᑑᑌᓐ ᒉᒌ ᐸᔦᐦᑎᓯᔮᓐ᙮

Matthew 8:2 Iomraidhean Croise

Matthew 10:8

Miinuwaachihaahkuch kaa aahkusitwaau, kaye wanishkaanaahkuch anichii kaa nipitwaau, miinuwaachihaahkuch chechii payehchisiitwaau anichii kaa maayaataniyich umichiiwiniyuu kaa ayaatwaau kaye wiiwiitishihwaahkuch machahchaahkuch. Sehchei chichii miikunaawaau uu suuhkaatisiiwin, namui maak chipaa uhchi chiishiihkaakunaawaau uu e ihtuutamekw.

Matthew 13:58

Ekw maak aniyuu ekaa uhchi ayaayich taapwehtamuwiniyuu, namui mihchetu maamishkaach chekwaayuuh uhchi ihtuutam anit.

Matthew 14:33

Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

Matthew 15:25

Iskutak maak an iskweu piyehtawaat uyuu e itweyich Jesus, chii pechi niipiskuupayihuu anit Jesus e ihtaayich e itaat, “Utipeyihchikeu pechi wiichihii.”

Matthew 18:26

Ekw aniyuu utaapachihaakan kaa uchihchiihkunipayihuyich anit uhchishkuu an chisheuchimaau e ihtaat, ekw kaa itikut, ‘Uchimaau ekaawii pitamaa pechi chishuwaasiistuu ashuwaapam maa miin weipishchiish ekw misiwe che chiiwetaapishtwaataan taan e ishpish masinahaamataan chekwaan.’

Matthew 2:11

Ekw kaa piihchetwaau aniyuu waaskaahiikaniyuu anite kaa ihtaayich Mary, aniyuu maak utawaashiimiyuuh. Iskutak maak wiyaapamaatwaau aniyuu awaasha chii uchihchiihkunipayihuuch e nuuchiishtuwaatwaau. Ekw kaa kuikunahkwaau aniyuuh chekwaayuuh kaawii miyaatwaau aniyuu awaasha, shuuliyaanaapiskwa chii miyeuch, ekw maak aniyuu kaa chii ishkwaasiikanuyich kaa wiihchimaakusiyich kaye kaa shuuliyaauniyich tuuminikaniyuu kaa wiihchimaakusiyich.

Matthew 20:20

Zebedee maak wiichiskweu chii pechi wiicheweu ukusisa, kaa pechi nituwaapamaatwaau Jesus ekw an iskweu kaa ati uchihchiihkunipayishtuwaat Jesus e wii nituweyihtamuwaat chekwaayuu.

Matthew 26:6

Bethanyihch chii ihtaau Jesus, anite Simon wiichiihch. Uu Simon e maayaataniyich aahkusuwiniyuu usakaahch chii ayaakupane weskach.

Matthew 28:17

Iskutak maak wiyaapamaatwaau, chii nuuchiishtuweuch aat pasch anit e tashitwaau e chii aanuwehtahkwaau.

Matthew 28:9

Sischikuuch maak chii uhchi nachishkaweuch Jesus ekw kaa itikutwaau, “Wii chiyaameyihtamukw.” Ekw kaa uchihchiihkunipayihutwaau e ihtaayich kaa maakunamuwaatwaau usith ekw kaa nuuchiishtuwaatwaau.

Matthew 4:9

Ekw kaa itaat, “Misiwe chika miitin uu pechi niipiskuupiyine e ihtaayaan e nuuchiishtuwiyin.”

Matthew 8:1

Iskutak maak Jesus piyechi pinisuwet aniyuu wachiyuu, mihchetu aweyuuh chii ati nuushuushkaakuu.

Matthew 8:25

Chek anichii chischinuhamuwaakanich kaa pekunaatwaau Jesus e itaatwaau, “Utipeyihchikeu, pechi wiichihiinaan, shaash chika wanaachihunaanuu.”

Matthew 9:18

Mekwaach maak Jesus e itwet aniyuu, peyakw naapeu e uchimaaut chii pechi uchihchiihkunipayihuu anit Jesus e ihtaayich e itaat, “Chii puunipimaatisiyuu nitaanis anuhchiish, pechi saamin ekw maak miin che pimaatisiit.”

Luke 4:27

Kaye maak mekwaach eshkw e chii pimaatisiit aniyaa uchischiwehiichesuu Elisha chii ihtaauch mihchetu awenichii anit Israel aschiihch, kaa maayaataniyich umichiiwaaspinewiniyuu e chii ayaatwaau. Namui maak waachi peyakw uhchi miinuwaachihaakanuuch uchii chechii payehchisiitwaau, mikw an naapeu Naaman kaa ishinihkaasut chii miinuwaahihaakanuut, anite maak Syria aschiihch ekute kaa uhchiit.” Eukw uyuu kaa itaat Jesus aniyuu iinuu kaa nituhtaakut.

John 9:38

Kaa itwet an naapeu, “Chitaapwehtaatin Utipeyihchikeu.” Kaa ati uchihchiihkunipit e nuuchiishtuwaat.

ᐊᐸᔅᑕᓚᒡ 10:14

Ekw Peter kaa itwet, “Namui nika uhchi ihtuuten uu Utipeyihchikeu. Namui wiiskaat nuuhchi miichin chekwaan ekaa chipaa uhchi miichinaanuu kaye e wiinaach.”

ᐊᐸᔅᑕᓚᒡ 10:25

Iskutak maak Peter e ati piihchewaat Cornelius uwaaskaahiikanimiyuu chii pechi nituwaapamikuu, e niipiskuupayihuyich uhchishkuu e ihtaat e nuuchiishtaakut.

1 Corinthians 14:25

Chika nisituhtam taapwe e chischeyihtamiyich Chishemanituuh taan e iteyihtahk. Ekw maak che pahchishimipayihut e nuuchiishtuwaat Chishemanituu e itwet, “Cheshtinaash ihtaau Chishemanituu utah mekwesiin e ihtaayekw.”

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.