Matthew 8:16 - Chishemanituu Utayimuwin: Kaa Uskaach Testament

¹⁶ Iskutak maak e ati utaakushiyich, ekw kaa peshuwaatwaau awenichii mihchetu aweyuuh kaa piihchishkaakuyich machiahchaahkwa anite Jesus e ihtaayich. Jesus maak chii itashumeu chechii wiiwiyich aniyuu machiahchaahkwa aniyuu kaa piihchishkaakuyich iinuuh, kaye maak misiwe chii miinuwaachiheu aniyuu kaa aahkusiitwaauh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐃᔅᑯᑕᒃ ᒫᒃ ᐁ ᐊᑎ ᐅᑖᑯᔑᔨᒡ, ᐁᒄ ᑳ ᐯᔓᐙᑣᐤ ᐊᐌᓂᒌ ᒥᐦᒉᑐ ᐊᐌᔫᐦ ᑳ ᐲᐦᒋᔥᑳᑯᔨᒡ ᒪᒋᐊᐦᒑᐦᑾ ᐊᓂᑌ ᒌᓴᔅ ᐁ ᐃᐦᑖᔨᒡ᙮ ᒌᓴᔅ ᒫᒃ ᒌ ᐃᑕᔓᒣᐤ ᒉᒌ ᐐᐎᔨᒡ ᐊᓂᔫ ᒪᒋᐊᐦᒑᐦᑾ ᐊᓂᔫ ᑳ ᐲᐦᒋᔥᑳᑯᔨᒡ ᐄᓅᐦ, ᑲᔦ ᒫᒃ ᒥᓯᐌ ᒌ ᒦᓄᐙᒋᐦᐁᐤ ᐊᓂᔫ ᑳ ᐋᐦᑯᓰᑣᐤᐦ᙮

Matthew 8:16 Iomraidhean Croise

Matthew 12:22

Pasch awenichii chii peshuweuch naapeu anite Jesus e ihtaayich ekaa waapahtamiyich kaye ekaa uhchii ayimiyich, e chii piihchishkaakuyich machiahchaahkwa. Ekw Jesus kaa miinuwaachihaat aniyuu naapeu, kaa uhchi nihtaaweyich kaye kaa uhchi waapahtamiyich.

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 8:15

Ekw Jesus kaa taahtinamuwaat aniyuu Peter usikusiyuuh utihchiyuu, kaa iishtepayiyich aniyuu kaa chishiteunikusiyich, ekw kaa ati wanishkaayich aniyuu iskweu, kaa ati miyuhkaakut Jesus aniyuuh iskweuh.

Matthew 8:33

Iskutak maak anichii kaa naanaakachihaatwaau aniyuuh kuuhkuushah kaa waapahtahkwaau taan kaa ispayiyich chii ushimuuch, kaa nituu wiihtahkwaau anite ihtaawinihch taan kaa ispayiyich aniyuu niishu naapeuh kaa piihchishkaakuyich machiahchaahkwa.

Matthew 9:2

Chii peshuweuch maak awenichii naapeuh nipewinihch e pimishiniyich ekaa uhchi nisitusiyich. Iskutak Jesus kaa waapahtamuwaat aniyuu aweyuuh utaapwehtamuwiniyuu chii iteu aniyuu naapeu, “Muuchicheyihtah niwiichewaakan, chiwepeyihtamaakuun chimachihtwaawinh.”

Mark 2:3

Uyuu maak mekwaach, neu naapeuch chii uhchi peshuweuch wiitaapewaau ekaa nisitusiyich utashpishimuwinihch e pimaashkushiniyich.

Mark 5:8

Eukw uyuu kaa itwet wesh chii itikuu Jesus, “Chiya machiahchaahkw, maachiih wiiwiih anit an naapeu kaa piihchishkuwat.”

Mark 9:25

Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

Luke 13:12

Iskutak Jesus wiyaapamaat aniyuu iskweu chii wiishaameu ekw kaa itaat, “Iskweu, shaash mitun chimiinuwaachihiikuun taan kaa itaaspineyin.”

Luke 4:40

Iskutak maak kaa pahchishimuyich piisim, awenichii chii petaweuch Jesus misiwe aweyuu e aahkusiyich, nanaahkuu e itaaspineyich. Jesus maak chii saamineu misiwe aniyuu kaa aahkusiitwaau kaa miinuwaachihaat.

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

ᐊᐸᔅᑕᓚᒡ 5:15

Anichii maak iinuuch wiyaapamaatwaau aniyuu Apastalh e ishi maamishkaach ihtiyich chii ituhtaheuch aniyuu kaa aahkusiyich anite meskanaahch ashpishimuwinihch maak tehtayechinikanihch e pimishiniyich, e iteyihtahkwaau aat mikw taauhukutwaawenich Peter e takaashtesiniyich chika chii miinuwaatisiyuuch.