Matthew 8:15 - Chishemanituu Utayimuwin: Kaa Uskaach Testament

¹⁵ Ekw Jesus kaa taahtinamuwaat aniyuu Peter usikusiyuuh utihchiyuu, kaa iishtepayiyich aniyuu kaa chishiteunikusiyich, ekw kaa ati wanishkaayich aniyuu iskweu, kaa ati miyuhkaakut Jesus aniyuuh iskweuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐁᒄ ᒌᓴᔅ ᑳ ᑖᐦᑎᓇᒧᐙᑦ ᐊᓂᔫ ᐲᑕᕐ ᐅᓯᑯᓯᔫᐦ ᐅᑎᐦᒋᔫ, ᑳ ᐄᔥᑌᐸᔨᔨᒡ ᐊᓂᔫ ᑳ ᒋᔑᑌᐅᓂᑯᓯᔨᒡ, ᐁᒄ ᑳ ᐊᑎ ᐗᓂᔥᑳᔨᒡ ᐊᓂᔫ ᐃᔅᑴᐤ, ᑳ ᐊᑎ ᒥᔪᐦᑳᑯᑦ ᒌᓴᔅ ᐊᓂᔫᐦ ᐃᔅᑴᐤᐦ᙮

Matthew 8:15 Iomraidhean Croise

Matthew 14:36

Ekw anichii kaa aahkusitwaau kaa nitutamuwaatwaau Jesus chechii pachishtinikutwaau mikuchik chechii taahtinamuwaatwaau e wanishkwekaniyich utakuhpiyuu. Misiwe maak aweyuuh kaa taahtinamiyich utakuhp chii miinuwaatisiyuuh.

Matthew 20:34

Jesus maak chii chistimaacheyimeu, kaa taahtinamuwaat uschiishikuyuu, tiiwehch maak chii waapahtamiyuu, ekw kaa ati nuushuushkaakut.

Matthew 8:14

Ekw Jesus kaa ituhtet anite Peter wiichiihch, ekw kaa waapamaat aniyuu Peter usikusiyuuh e aahkusiyich e chishiteunikusiyich.

Matthew 8:16

Iskutak maak e ati utaakushiyich, ekw kaa peshuwaatwaau awenichii mihchetu aweyuuh kaa piihchishkaakuyich machiahchaahkwa anite Jesus e ihtaayich. Jesus maak chii itashumeu chechii wiiwiyich aniyuu machiahchaahkwa aniyuu kaa piihchishkaakuyich iinuuh, kaye maak misiwe chii miinuwaachiheu aniyuu kaa aahkusiitwaauh.

Matthew 8:3

Jesus maak chii taahtineu e itaat, “Chiwii wiichihiitin, payehchisiih.” Tiiwehch maak chii miinuwaatisiyuu an naapeu aniyuu kaa itaaspinet.

Matthew 9:20

Chii ihtaau maak anit iskweu niishushaap pipun e chii wanihtaat umihkw, eukw an uspiskuniihch kaa uhchi pechi naataat Jesus kaa taahtinamuwaat anite e waniskwekaniyich aniyuu utakuhpiyuu.

Matthew 9:29

Ekw Jesus kaa taahtinamuwaat aniyuu uschiishikuyuu, kaa itaat, “Nihaau taan e ishi taapwehtamekw ekun che ishi ihtuutamaakuyekw.”

Mark 1:29

Tiiwehch maak chii wiiwiyuu aniyuu Jewa ayimiheukamikuyuu ekw anite Simon ekw maak Andrew e ihtaayich kaa ituhtet. James ekw maak John chii wiicheukuu.

Mark 1:41

Jesus maak naashch chii chistimaacheyimeu ekw kaa tashupayihtaat uspitun kaa taahtinaat e itaat, “Chiwii wiichihiitin, payehchisiih maak.”

Luke 8:54

Kaa piihchetwaau Jesus anite waaskaahiikanihch, kaa nituwaapamaat aniyuu ishkwesha, kaa utinamuwaat utihchiyuu e itaat, “Ishkwesh wanishkaa.”