Matthew 8:14 - Chishemanituu Utayimuwin: Kaa Uskaach Testament

¹⁴ Ekw Jesus kaa ituhtet anite Peter wiichiihch, ekw kaa waapamaat aniyuu Peter usikusiyuuh e aahkusiyich e chishiteunikusiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐁᒄ ᒌᓴᔅ ᑳ ᐃᑐᐦᑌᑦ ᐊᓂᑌ ᐲᑕᕐ ᐐᒌᐦᒡ, ᐁᒄ ᑳ ᐙᐸᒫᑦ ᐊᓂᔫ ᐲᑕᕐ ᐅᓯᑯᓯᔫᐦ ᐁ ᐋᐦᑯᓯᔨᒡ ᐁ ᒋᔑᑌᐅᓂᑯᓯᔨᒡ᙮

Matthew 8:14 Iomraidhean Croise

Matthew 17:25

Ekw Peter kaa itaat, “Ehe.” Iskutak maak Peter e ati piihchet aniyuu waaskaahiikaniyuu, eshkw ekaa chii itaat chekwaayuu Jesus chii kakwechimikuu e itikut, “Simon, taan e iteyihtaman chiya. Awen chipaa miyeu shuuliyaayuu aniyuu Chisheuchimaau utah aschiihch kaa ihtaayich. Utawaashiimh aa e ihtaayich chipaa uhchipayiyuu shuuliyaayuu maak kutak aweyuuh e ihtaayich.”

Matthew 8:15

Ekw Jesus kaa taahtinamuwaat aniyuu Peter usikusiyuuh utihchiyuu, kaa iishtepayiyich aniyuu kaa chishiteunikusiyich, ekw kaa ati wanishkaayich aniyuu iskweu, kaa ati miyuhkaakut Jesus aniyuuh iskweuh.

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

1 Corinthians 9:5

Namui aa maak nipaa chii niipuun kaye niya ekw maak nipaa papaa ayaawaau niichiskweu e waawiihtamaan miywaachimuwin. Ekun e ihtitwaau anichii kutakach apastalach kaye Utipeyihchikeu wiichishaanh kaye maak Peter ekun e ihtit.

1 Timothy 3:2

An maak awen kaa niikaanishkuwaat umaamuuayimihaauh nitaweyihtaakusuu ekaa chechii ihtakuniyich chekwaayuu chechii ishi ataameyihtaakusit, kaye yaaitei chechii peyakuhaat wiichiskweu naapuukwe. Nitaweyihtaakusuu eyuu pehkaach chechii ishi pimaatisiit, kaye chechii miyu nanaakataweyihtamihiikut taan e ishi pimaatisiit, kaye yaakwaau chipaa ishi wiipayihtaau chekwaayuu taan e ishi ihtuutahk. An awen kaa miyeyihtahk maaniteuh e piihtakahaat ekun chipaa iteyihtaakusuu. Chipaa kaschihuu kaye e chiskutamaachet.

1 Timothy 4:3

Chika wii chistahamaacheuch chechii niipuunaanuyich. Kaye chika ihtakuniyuu miichimiyuu e wii chistahamaachetwaau chechii miichinaanuyich. Chishemanituu maak chii ushihtaau uyuu miichimiyuu chechii miichiyich e nanaaskumuyich aniyuu kaa taapwehtamiyich kaye kaa chischeyihtamiyich taapwewiniyuu.

Hebrews 13:4

Kaye miin kutach chekwaan che ititakuch, misiwe awen chipaa chisteyihtamihiikuu wiichihtuuwiniyuu. An naapeu kaye wiichiskweu mikw wiyawaau chipaa wiihpemituuch. Namui chipaa uhchi pisikwaatisiyuch. Wesh Chishemanituu cheshtinaash kata wiyaaskuneu aniyuu kaa wiinisuuwaatisiyich kaye aniyuu kaa pisikwaatisiyich.