Matthew 8:13 - Chishemanituu Utayimuwin: Kaa Uskaach Testament

¹³ Ekw Jesus kaa itaat aniyuuh shimaakanishuuchimaauh, “Chiiwe, taan kaa ishi taapwehtaman ekun che ishi ihtuutamaakuyin.” Aniyuu maak mekwaach kaa itaat aniyuu shimaakanisha, ekut mwehch aniyuu tipahiikaniyuu kaa miinuwaatisiyich aniyuu utaapachihaakanh an shimaakanishuuchimaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐁᒄ ᒌᓴᔅ ᑳ ᐃᑖᑦ ᐊᓂᔫᐦ ᔑᒫᑲᓂᔔᒋᒫᐤᐦ, ᒌᐌ, ᑖᓐ ᑳ ᐃᔑ ᑖᐺᐦᑕᒪᓐ ᐁᑯᓐ ᒉ ᐃᔑ ᐃᐦᑑᑕᒫᑯᔨᓐ᙮ ᐊᓂᔫ ᒫᒃ ᒣᒀᒡ ᑳ ᐃᑖᑦ ᐊᓂᔫ ᔑᒫᑲᓂᔕ, ᐁᑯᑦ ᒬᐦᒡ ᐊᓂᔫ ᑎᐸᐦᐄᑲᓂᔫ ᑳ ᒦᓄᐙᑎᓯᔨᒡ ᐊᓂᔫ ᐅᑖᐸᒋᐦᐋᑲᓐᐦ ᐊᓐ ᔑᒫᑲᓂᔔᒋᒫᐤ᙮

Matthew 8:13 Iomraidhean Croise

Matthew 15:28

Ekw Jesus kaa itaat, “Iiskweu, taapwe suuhchisiimakan chitaapwehtamuwin. Chika ishi ihtuutamaakuun maak taan e ishi pukuseyihtaman.” Tiiwehch maak chii miinuwaatisiyuuh aniyuu utaanisa an iskweu.

Matthew 17:20

Ekw Jesus kaa itaat, “Kiipaa an ekaa ishpishaach chitaapwehtamuwinawaau. Taapwe chititinaawaau aat mikw apishaashiche chitaapwehtamuwin muyaam e ishpish apishiishit shuumin mastart kaa ishinihkaasut ishpishaache, wachii chika chii itashuwaaten, ‘Nete ishi aahchikaapuu.’ Chika pishichihiikuun maak. Mikw chekwaan waa ihtuutaman chika chii ihtuuten ayaayine taapwehtamuwin.

Matthew 8:4

Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

Matthew 9:22

Ekw Jesus kaa kweschikaapuut, kaa waapamaat aniyuu iskweu ekw kaa itaat, “Miyeyihtah nitaanis, chitaapwehtamuwin chimiinuwaachihiikuun.” Tiiwehch maak chii miinuwaatisiyuu an iskweu aniyuu kaa itaaspinet.

Mark 7:29

Ekw Jesus kaa itaat, “An e chii ishi nishkweushihiiweyin, maachiih, namui shaash piihchishkaakuu chitaanis aniyuu machiahchaahkwa.”

Mark 9:23

Chii iteu maak Jesus, “Chekwaan wehchi itweyin chechii wii wiichihiiwaahche. Wesh awen kaa taapwehtahk misiwe taan waa ihtit chika chii ihtuutam.”

John 4:50

Ekw Jesus kaa ishi nishkweushihaat, “Maachiih nituu chiiwe, chikaa pimaatisiyuu wesin chikus.” Chii taapwehtam maak taan kaa itaakanuut an naapeu, ekw kaa chiiwet.