Matthew 8:10 - Chishemanituu Utayimuwin: Kaa Uskaach Testament

¹⁰ Iskutak maak Jesus piyehtawaat uyuu e itweyich naashch taapwe chii miskaateyihtamihiikuu utaapwehtamuwiniyuu. Ekw kaa itaat aniyuu aweyuuh kaa wiicheukut, “Aat maak ekaa Jewa itiskaanesit uu naapeu eshkw namui nuuhchi waapamaau Jewa e itiskaanesit awen utah Israelihch chechii ishpish suuhchitaapwehtahk.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᐃᔅᑯᑕᒃ ᒫᒃ ᒌᓴᔅ ᐱᔦᐦᑕᐙᑦ ᐅᔫ ᐁ ᐃᑗᔨᒡ ᓈᔥᒡ ᑖᐺ ᒌ ᒥᔅᑳᑌᔨᐦᑕᒥᐦᐄᑰ ᐅᑖᐺᐦᑕᒧᐎᓂᔫ᙮ ᐁᒄ ᑳ ᐃᑖᑦ ᐊᓂᔫ ᐊᐌᔫᐦ ᑳ ᐐᒉᐅᑯᑦ, ᐋᑦ ᒫᒃ ᐁᑳ ᒎᐗ ᐃᑎᔅᑳᓀᓯᑦ ᐆ ᓈᐯᐤ ᐁᔥᒄ ᓇᒧᐃ ᓅᐦᒋ ᐙᐸᒫᐤ ᒎᐗ ᐁ ᐃᑎᔅᑳᓀᓯᑦ ᐊᐌᓐ ᐅᑕᐦ ᐃᔅᕋᐁᓕᐦᒡ ᒉᒌ ᐃᔥᐱᔥ ᓲᐦᒋᑖᐺᐦᑕᐦᒃ᙮

Matthew 8:10 Iomraidhean Croise

Matthew 15:28

Ekw Jesus kaa itaat, “Iiskweu, taapwe suuhchisiimakan chitaapwehtamuwin. Chika ishi ihtuutamaakuun maak taan e ishi pukuseyihtaman.” Tiiwehch maak chii miinuwaatisiyuuh aniyuu utaanisa an iskweu.

Matthew 8:11

Chiwiihtamaatinaawaau waapanuutaahch kaye maak paashtaachiiwetinuutaahch chika uhtuhteuch awenichii che wiitapimaatwaau Abraham, Isaac ekw maak Jacob makushaanuyiche kihchikiishikw chisheuchimaawinihch.

Matthew 8:9

Nichischeyihten chechii ihtuutaman uu, kaye niya ihtaauch nuuchimaamach e pishichihiikwaau. Kaye maak ihtaauch shimaakanishach niya e wawiishuumakwaau. E itak peyakw shimaakanish ‘Anite ituhte,’ tiiwehch ekute e ituhtet kaye maak e itak shimaakanish, ‘Aashtam,’ tiiwehch takushinuu. Ekw kaye kutak e itak nitaapachihaakan ‘Uu maa ihtuut,’ eukw aniyuu e ihtuutahk.”

Mark 6:6

Chii maamishkaateyimeu maak aniyuu e ishpish ekaa taapweyimikut. Chii achineskam maak aniyuuh ihtaawinisha e papaa chiskutamaachet.

Luke 5:20

Iskutak maak Jesus wiyaapahtamuwaat utaapwehtamuwiniyuu aniyeyuuh naapeuh ekw kaa itaat aniyuu naapeu kaa pimishiniyich, “Niwiichewaakan, chiwepeyihtamaakun chimachihtwaawinh.”

Luke 7:50

Jesus maak chii iteu aniyuu iskweu, “Chitaapwehtamuwinh chipimaachihiikun. Maachiih maak chiyaameyihtamuwin che ayaayin.”

Luke 7:9

Iskutak Jesus piyehtahk uyuu naashch taapwe chii maamihchihiikuu utaapwehtamuwiniyuu. Ekw kaa kweschikaapuushtawaat aniyuu kaa nuushuushkaakut kaa itaat, “Chititinaawaau, namui waawaach utah Israelihch eshkw nuuhchi waapamaau awen e ishpish suuhchitaapwehtahk.”

ᐊᐸᔅᑕᓚᒡ 2:7

Naashch maak chii miskaashtaweuch kaa pehtawaatwaau ekw kaa itwetwaau, “Namui aa Galileehch uhchiyuuch uchii kaa ayimitwaau.