Matthew 8:1 - Chishemanituu Utayimuwin: Kaa Uskaach Testament

¹ Iskutak maak Jesus piyechi pinisuwet aniyuu wachiyuu, mihchetu aweyuuh chii ati nuushuushkaakuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐃᔅᑯᑕᒃ ᒫᒃ ᒌᓴᔅ ᐱᔦᒋ ᐱᓂᓱᐌᑦ ᐊᓂᔫ ᐗᒋᔫ, ᒥᐦᒉᑐ ᐊᐌᔫᐦ ᒌ ᐊᑎ ᓅᔔᔥᑳᑰ᙮

Matthew 8:1 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 15:30

Mihchetu maak aweyuu chii pechi nituwaapamikuu, e peshuwaayich aniyuu aweyuu ekaa chii aahtinisuyich, kaye ekaa kaa waapahtamiyich kaye aniyuu kaa maaschisiyich, kaye ekaa kaa nihtaaweyich, kaye mihchetu nanaahkuu kaa itaaspineyitwaauh. Chii aheuch maak misiwe aniyuu anite Jesus usitiyich. Ekw Jesus kaa miinuwaachihaat.

Matthew 19:2

Chii mihchetiyuu maak iinuu e nuushuushkaakut, ekute anite kaa miinuwaachihaat.

Matthew 20:29

Aniyuu maak e ati nakatahkwaau Jericho Jesus ekw maak uchischinuhamuwaakan, mihchetu aweyuu chii nuushuushkaakuuch.

Matthew 4:25

Mihchetu maak aweyuu chii papaawiicheukuu Jesus, anite Galileehch kaye anite kaa mitaahtuhkwaau ihtaawinh kaa ishinihkaateyich, kaye anite Jerusalemihch, Judeahch kaye maak kaye anite kwestehchekaam Jordan siipiihch kaa ihtaayich.

Matthew 7:29

Wesh e chiskutamaachet namui uhchi iteyihtaakusuu e iteyihtaakusiyich aniyuu wiishuwewiniyuu kaa chiskutamaacheyich. Wes wiya e chiskutamaachet chii nisituhtaakusuu e ayaat tipeyihchichewiniyuu.

Matthew 8:18

Iskutak maak Jesus wiyaapamaat aniyuu mihchetu aweyuuh anite waaskaa e ihtaat kaa ihtaayich, ekw kaa itaat aniyuu uchischinuhamuwaakanh nete kwestehchekaam aniyuu saakahiikaniyuu chechii itahuyikut.

Matthew 8:2

Ekw naapeu kaa maayaataniyich umichiiwaaspinewiniyuu e ayaayich kaa pechi naatikut kaa uchihchiihkunipayihuyich anite uhchishkuu e ihtaat, ekw kaa itikut, “Utipeyihchikeu, wii pechi wiichihiyine chika chii ihtuuten chechii payehtisiyaan.”

Mark 3:7

Jesus chii chistuhteu e wiicheukut uchischinuhamuwaakanh, ekw anite Galilee saakahiikanihch kaa ituhtetwaau. Mihchetu maak aweyuu chii nuushuushkaakuuch. Nanaahkuu chii uhtuhteyuu, Galileehch chii uhtuhteyuu kaye Judeahch,

Luke 5:15

Chii mishihtepayuu maak Jesus e itaachimaakanuut. Mihchetu maak aweyuuh chii pechi nituwaapamikuu e wii nituhtaakut kaye e wii miinuwaachihiikusiyich.