Matthew 7:28 - Chishemanituu Utayimuwin: Kaa Uskaach Testament

²⁸ Iskutak maak Jesus kaa itwet uyuu taan kaa wii itwet, misiwe aniyuuh aweyuuh naashch chii miskaateyimikuu aniyuu e ishi miskaastaakusit e chiskutamaachet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᐃᔅᑯᑕᒃ ᒫᒃ ᒌᓴᔅ ᑳ ᐃᑗᑦ ᐅᔫ ᑖᓐ ᑳ ᐐ ᐃᑗᑦ, ᒥᓯᐌ ᐊᓂᔫᐦ ᐊᐌᔫᐦ ᓈᔥᒡ ᒌ ᒥᔅᑳᑌᔨᒥᑰ ᐊᓂᔫ ᐁ ᐃᔑ ᒥᔅᑳᔅᑖᑯᓯᑦ ᐁ ᒋᔅᑯᑕᒫᒉᑦ᙮

Matthew 7:28 Iomraidhean Croise

Matthew 11:1

Iskutak maak kaa chiishi wiishumaat Jesus aniyuu uchischinuhamuwaakanh, ekw kaa chistuhtet, kaa nituu chiskutamaachet kaye kaa kacheskwet anite aniyuuh kutak ihtaawinh anit peshuch kaa ihtakuniyikwaauh.

Matthew 19:1

Iskutak maak Jesus kaa chiishkwaa wiihtahk uyuu chii chistuhteu anit Galileehch uhchi, ekw anite Judea aschiihch kaa ituhtet kwestehchekaam aniyuu Jordan siipiiyuu.

Matthew 22:33

Iskutak maak anichii iinuuch piyehtawaatwaau uyuu e itweyich, chii miskaateyihtamihiikuuch aniyuu e ishi chiskutamaacheyich.

Matthew 26:1

Iskutak maak kaa chiishi chiskutamaachet Jesus, chii iteu aniyuu uchischinuhamuwaakan,

Matthew 7:27

“Iskutak maak mesta chimuuniyich, e ati utihchiputeyich maak waaskaa aniyuu uwaaskaahiikanim, maak mesta chiishtiniyich, tiiwehch kaupayiniyuu aniyuu uwaaskaahiikanim, mitun tekash wanaataniyuu aniyuu uwaaskaahiikanim.”

Matthew 7:29

Wesh e chiskutamaachet namui uhchi iteyihtaakusuu e iteyihtaakusiyich aniyuu wiishuwewiniyuu kaa chiskutamaacheyich. Wes wiya e chiskutamaachet chii nisituhtaakusuu e ayaat tipeyihchichewiniyuu.

Mark 1:22

Chii maamishkaateyihtamihiikuuch maak aniyuu taan kaa ishi chiskutamaacheyich, wesh awen naashch kaa uchimaaweyihtaakusit chii itihtaakusuu. Namui uhchi itihtaakusiyuuh wii aniyuu wiishuwewiniyuu kaa chiskutamaacheyitwaauh.

Mark 11:18

Anichii maak kaa niikaanapitwaau ayimiheuchimaauch nesht anichii wiishuwewiniyuu kaa chischinuhamaachetwaau chii pehtamuch uyuu e chii itweyikupanenh. Aniyuu maak misiwe aweyuu e miskaashtamiyich taan kaa ishi chiskutamaacheyich Jesus chii sechisuuch uchii chisheayimiheuchimaauch kaye anichii masinahiichesuuch ekw kaa naanituu chischeyihtahkwaau taan chechii ihtitwaau chechii nipahaakanuyich Jesus.

Mark 6:2

Aniyuu maak kaa Jewa ayimiheuchiishikaayich chii chiskutamaacheu anite ayimiheukamikuhch. Chii mihchetiyuu aweyuu anit kaa ihtaayich e nituhtaakut. Misiwe maak anichii iinuuch chii miskaashtuweuch taan kaa itweyich. “Taanite wehtinahk uyuu kaa itwet,” chii itituuch. Kaye chii itweuch, “Taapwe kachehtaaweyihtamuuhtaakusuu.” Chii itweuch kaye, “Taanite wehchii ihtuutahk uyuuh maamishkaach chekwaayuuh.

Luke 19:48

Mikw maak namui uhchii chischeyihtamuch taan che ihtitwaau chechii nipahaatwaau wesh misiwe aniyuu iinuu naashch yaakwaau chii nituhtaweyuu misiwe e chii wii pehtamiyich taan e itweyich.

Luke 2:47

Misiwe maak aweyuu kaa pehtaakut naashch chii maamishkaateyihtamihiikuyuu ukachehtaaweyihtamuwin kaye aniyuu naashch e kaschihut e ishi nishkweushihtwaat chekwaayuu e kakwechimaakanuut.

Luke 4:22

Misiwe awenichii chii miyuhtamuch taan kaa ishi ayimiyich Jesus. Chii kushkuikuuch e ishpish kaschihuutaakusiyich, ekw kaa itwetwaau, taanite wehtinahk uyuu kaa itihtaakusit, “Namui aa eukun uyuu Joseph ukusisa.”

Luke 4:32

Misiwe chii miskaashtamuch anichii iinuuch aniyuu kaa ishi chiskutamaacheyich kaa ishpish suuhcheyihtaakuniyich utayimuwiniyuu.

Luke 7:1

Iskutak Jesus kaa chiish ayimitutahk uyuuh chekwaayuuh e pehtaakut iinuuh ekw kaa ituhtet anite Capernaum kaa ishinihkaateyich ihtaawiniyuu.

John 7:15

Anichii maak Jewa iinuuh kaa niikaanishkuwaatwaau naashch chii miskaateyihtamihiikuuch e ishpish miyuuhtaakusiyich e Chiskutamaacheyich ekw kaa itwetwaau, “Taanite wehchi naashch mistahii chischeyihtahk masinahiikaniyuu ekaa maak wiiskaat uhchi chiskutamuwaakanuut.”

John 7:46

Ekw anichii kaa maakunawesuutwaau kaa nishkweushihaatwaau aniyuuh e itaatwaau, “Namui nihtaa awen uhchi ishpish miyu chiskutamaacheu e ishpish miyu chiskutamaachet uu naapeu.”