Matthew 7:24 - Chishemanituu Utayimuwin: Kaa Uskaach Testament

²⁴ “Misiwe awen kaa nituhtahk nitayimuwiniyuu kaa ati ihtuutahk maak aniyuu kaa itweuch, mwehch naapeu kaa kachehtaaweyihtahk anite e paahpaachipiskaayich kaa wiikaapuuhtaat waaskaahiikaniyuu iteyihtaakusuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒥᓯᐌ ᐊᐌᓐ ᑳ ᓂᑐᐦᑕᐦᒃ ᓂᑕᔨᒧᐎᓂᔫ ᑳ ᐊᑎ ᐃᐦᑑᑕᐦᒃ ᒫᒃ ᐊᓂᔫ ᑳ ᐃᑗᐅᒡ, ᒬᐦᒡ ᓈᐯᐤ ᑳ ᑲᒉᐦᑖᐌᔨᐦᑕᐦᒃ ᐊᓂᑌ ᐁ ᐹᐦᐹᒋᐱᔅᑳᔨᒡ ᑳ ᐐᑳᐴᐦᑖᑦ ᐙᔅᑳᐦᐄᑲᓂᔫ ᐃᑌᔨᐦᑖᑯᓲ᙮

Matthew 7:24 Iomraidhean Croise

Matthew 12:50

Muyaam nikaawii kaye niichishaanich kaye niichishaaniskwemach nititeyimaauch anichii kaa ihtuutahkwaau Nuuhtaawii kihchikiishikuhch kaa ihtaayich utiteyihtamuwiniyuu.”

Matthew 16:18

Chiwiihtamaatin Peter, eukw chiya e paahpaachipiskaach. Ekut maak utah e paahpaachipiskaach che wiikaapuuhtaayaan nitayimiheukamikw, namui maak waawaach nipuwin chika uhchi shaakuuchihtaachemakan utah nitayimiheukamikuhch.

Matthew 24:45

“Aapachihaakan kuiskw kaa ihtuutahk utaapatisuwin kaye kaa iipwaahkaat eukuu che wiyaapamikut uchimaam wiya chechii uchimaahkahtuwaat misiwe aniyuu kutak aapachihaakan kaye chechii naanaakachihtaawaat nihaau chechii ishi ashamaakanuyich iskutak utihchipayihche che ashamaakanuyich.

Matthew 25:2

Niyaain maak uchii namui naashch uhchi iipwaahkaauch, ekw anichii kutakach niyaain chii iipwaahkaauch wiyawaau.

Matthew 25:4

Ekw anichii kaa iipwaahkaatwaau ayuwaak chii chistuhtataauch wiyawaau pimiyuu che piihchipimetwaau aniyuuh uwaastenimaakanawaauh.

Matthew 25:9

Ekw anichii kaa iipwaahkaatwaau ishkweshach kaa itaatwaau aniyuu, ‘Namui, namui chika uhchi ispayinaanuu taapishkun chechii aapachihtaayihkw uu pimii. Ataawaaukamikuhch nituu utinamaasukw pimii.’

Matthew 7:25

“Iskutak maak mesta chimuuniyich, maak iskutak e ati utihchiputeyich waaskaa aniyuu uwaaskaahiikanim maak iskutak mesta chiishtiniyich namui mechim chika uhchi aahchikaapuuniyuu aniyuu uwaaskaahiikanim, wesh naashch taapwe chii yaaichikaapuuhtaau anit aniyuu kaa paahpaachipiskaayich e chii wiikaapuuhtaat.”

Matthew 7:26

“Ekw awen kaa nituhtahk taan aniyuuh e iteuch ekaa maak kaa ihtuutahk mwehch awen ekaa kaa nisitweyihtahk anite yekaahch kaa wiikaapuuhtaat uwaaskaahiikanim ekun e ishinaakusit.”

Luke 11:28

Ekw Jesus kaa itaat, “Ehe, taapwe, mikw maak uste shaweyihtaakusuuch anichii kaa pehtahkwaau Chishemanituu utayimuwiniyuu kaye kaa nanihiihtamuwaatwaau.”

John 13:17

Nisituhtamekwe maak uyuu chekwaayuu kaye maak ihtuutamekwe chika shaweyimikunaawaau.”

John 14:15

“Chiishpin saachihiiwekwe maak chika nanihiihtaunaawaau wesh taan kaa itashumitakuch chechii ihtiyekw.

John 15:10

Wesh nanihiihtamekwe nikacheskwewinh muush chika chischeyihtenaawaau e saachihiitakuch mwehch niya kaa ishi nanihiihtuuk Nuuhtaawii taan kaa itashumit nichischeyihtamuwaan e saachihiit.”

John 15:14

Chiyawaau maak chika wiichewaakanitutaatinaawaau ihtuutamekwe taan e itashumitakuch.

Romans 2:13

Wesh taapaa anit e pehtahk awen Moses uwiishuwewiniyuu kata uhchi kuiskunaakusuu Chishemanituu ishi e ihtaayich. Ihtuutahke taan e itashteyich anit ekut che uhchi kuiskunaakusit Chishemanituu ishi e ihtaayich.

1 John 2:3

Ihtuutamuhkwe e itashumitahkw Chishemanituu ekut che uhchi nuukuhch taapwe e chischeyimahkw.