Matthew 7:2 - Chishemanituu Utayimuwin: Kaa Uskaach Testament

² Wesh taan mikw che ishi kanawaapahtamuwekwe taan e ishi wiyaaskunekw awen ekun mwehch che ishi kanawaapahtahk kaye wiya Chishemanituu wiyaaskunitaakwe. Taan e ishpish miiwet awen chekwaayuu eukun mwehch che ishpish miyaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐌᔥ ᑖᓐ ᒥᒄ ᒉ ᐃᔑ ᑲᓇᐙᐸᐦᑕᒧᐌᑴ ᑖᓐ ᐁ ᐃᔑ ᐎᔮᔅᑯᓀᒄ ᐊᐌᓐ ᐁᑯᓐ ᒬᐦᒡ ᒉ ᐃᔑ ᑲᓇᐙᐸᐦᑕᐦᒃ ᑲᔦ ᐎᔭ ᒋᔐᒪᓂᑑ ᐎᔮᔅᑯᓂᑖᑴ᙮ ᑖᓐ ᐁ ᐃᔥᐱᔥ ᒦᐌᑦ ᐊᐌᓐ ᒉᒀᔫ ᐁᐅᑯᓐ ᒬᐦᒡ ᒉ ᐃᔥᐱᔥ ᒥᔮᑲᓅᑦ᙮

Matthew 7:2 Iomraidhean Croise

Matthew 6:14

“Ekw maak miin kaa itwet wepeyihtamuutwaawenich kutakach taan kaa ishi wanituutaaskwaau, Kuuhtaawii kihchikiishikuhch kaa ihtaat chika wepeyihtamaakw.

Mark 4:24

Jesus kaye chii itweu, “Nanaakataweyihtamukw suuhk chechii nituhtamekw. Mikw taan che ishpish miiwewekwe ekun che ishpish miikuyekw kaye chiyawaau. Etituu maak mistahii chika miikunaawaau.

Luke 6:38

Miiwekw, ekw maak che chiiwemiikuyekw. Mistahii chika miikunaawaau. Taan e ishpish miiwet awen chekwaayuu eukun mwehch che ishpish miyaakanuut.”

2 Corinthians 9:6

Maau che wii chischisiyekw, an mikw apishiish kaa nihtaauchihchihchet mikw apishiish chekwaayuu chika nihtaauchiniyuu ekw an mistahii kaa nihtaauchihchet mistahii chekwaayuu kata nihtaauchiniyuu.

James 2:13

Awen ekaa kaa chistimaacheyimaat kutak aweyuu namui kaye wiya kata uhchi chistimaacheyimaakanuu iskutak wiyaaskunaakanuute. Mikw maak an awen kaa chistimaacheyimaat kutak aweyuuh namui kata uhchi kushtaachuu chechii wiyaaskunaakanuut.

Revelation 18:6

Mwehch kaa ihtuutawaatwaau nitiiniimh uchii iinuuch ekun ihtuutawaahkuch. Nihaau tip wii ishpish waweshihaahkuch taan chipaa ishpish waweshihaakanuuch kaa ishpish chii machituutahkwaau. Aniyuu kaa ishi wanituutawaatwaau aweyuuh ihtuutaweuch ekaa mitun chechii nakaawiiskaakuyich che ishi aahkuyuwesiistaakuyich Chishemanituu. Niishwaau maak chechii ishpish aahkuyuwesiistaakutwaau wiyawaau Chishemanituuh ihtuutawaahkuch.