Matthew 7:19 - Chishemanituu Utayimuwin: Kaa Uskaach Testament

¹⁹ An maak mistikw ekaa kaa miyu miinishuut chika naatwaakahwaakanuu ekw che machishtawepinaakanuut ishkutehch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᐊᓐ ᒫᒃ ᒥᔅᑎᒄ ᐁᑳ ᑳ ᒥᔪ ᒦᓂᔔᑦ ᒋᑲ ᓈᑣᑲᐦᐙᑲᓅ ᐁᒄ ᒉ ᒪᒋᔥᑕᐌᐱᓈᑲᓅᑦ ᐃᔥᑯᑌᐦᒡ᙮

Matthew 7:19 Iomraidhean Croise

Matthew 3:10

Wesh muyaam shaash e ayeskuushtech usitaaskw eukw che ishinaakuhch che naatwaakahwaakanuut an mistikw anite e utipiyuut. Wesh tahtu mistikw ekaa miyu miinishuut chika naatwaakahwaakanuu kaye chika machishtewepinaakanuu ishkutehch.

Matthew 7:18

E miyu nihtaauchit mistikw namui chika chii nihtaauchihtaau machiminh kaye maak ekaa miyu nihtaauchit mistikw namui chika chii nihtaauchitaau miyuminh.

Luke 3:9

Wesh muyaam shaash e ayeskuushtech usitaaskw eukw che ishinaakuhch che naatwaakahwaakanuut an mistikw anite e utipiyuut. Wesh tahtu mistikw ekaa kaa miyu miinishuut chika naatwaakahwaakanuu kaye chika machishtawepinaakanuu ishkutehch.” Eukw uyuu kaa itwet John.

Titus 3:14

Anichii maak chiyaanuu chitiiniiminuuch chipaawii chischeyihtamuch taan chipaa chii ishi miyu atushcheuch, e wiichihaatwaau aweyuuh naashch e nituweyihtamiyich chechii wiichihaakanuyich. Namui chipaa uhchi ishinaakusuuch ekaa wiyesh itaapatisitwaau.

Hebrews 6:8

Ihtakuhch maak aschii taanit nehtaauchihch chekwaan ekaa wiyesh itaapatahch, namui wiyesh katachii itaapatan an aschii. Namui chika uhchi shaweyihtam Chishemanituu aniyuu aschiiyuu. Chika chii ishinaakuniyuu chechii ishkwaasahk aniyuu aschiiyuu.

Jude 1:12

Mikw wanaahtaasuuch anit e makushewekw e nuukuhtaayekw e saachihekw Chishemanituu. Namui mitun pimaameyimuuch e mista chiishpuhiisutwaau e wiichimiichisuumitaakuch, mikw wiyawaau e nanaakatuweyimisutwaau. Mwehch kaskawanishkuch e pimaashitwaau ekaa maak mechim nipiyuutwaau ekun e iteyihtaakusitwaau. Mwehch mistikuch ekaa mitun miinishuutwaau aat e takwaatiniyich, mistikuch chichi utapii e chii manishipikuhchipitaakanuutwaau, tekash e nipitwaau, ekun e ishinaakusitwaau.