Matthew 7:15 - Chishemanituu Utayimuwin: Kaa Uskaach Testament

¹⁵ “Ayaakwaamiishtawaahkuch machi uchischiwehiichesuuch. Mwehch maanishchaanishach ishinaakusuuch utah uschich mikw maak piihch anite upimaatisiiwiniwaahch mwehch mahiihkanich iteyihtaakusuuch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐊᔮᒀᒦᔥᑕᐙᐦᑯᒡ ᒪᒋ ᐅᒋᔅᒋᐌᐦᐄᒉᓲᒡ᙮ ᒬᐦᒡ ᒫᓂᔥᒑᓂᔕᒡ ᐃᔑᓈᑯᓲᒡ ᐅᑕᐦ ᐅᔅᒋᒡ ᒥᒄ ᒫᒃ ᐲᐦᒡ ᐊᓂᑌ ᐅᐱᒫᑎᓰᐎᓂᐙᐦᒡ ᒬᐦᒡ ᒪᐦᐄᐦᑲᓂᒡ ᐃᑌᔨᐦᑖᑯᓲᒡ᙮

Matthew 7:15 Iomraidhean Croise

Matthew 10:17

Ayaakwaamiikw maak, wesh chika ihtaauch awenichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite utayimiheukamikuwaahch ekute che papasistehukuyekw.

Matthew 16:11

Taanite wehch ekaa chii nisituhtamekw ekaa aaihkunaau uhchi aayimuumak iskutak kaa ititakuch ayaakwaamiistuwaahkuch anichii Phariseech kaye anichii Sadduceech.”

Matthew 16:6

Ekw Jesus kaa itaat, “Yaakwaah, ayaakwaamiistamuwaahkw uhpisikanawaau anichii Phariseech ekw maak anichii Sadduceech.”

Matthew 24:11

Mihchetu machi uchischiwehiichesuuch chika takushinuuch che wiyeshihaatwaau aweyuuh, mihchetu maak aweyuu chika ihtuutaweuch chechii puuniyich e taapwehtamiyich.

Matthew 7:14

Aayiman maak e pimuhtaanuuhch an meskanuu pimaatisiiwinihch kaa itamuhch. Namui maak mihchetu awen miskam aniyuu meskanaayuu.”

Luke 12:15

Ekw Jesus misiwe kaa itaat uyuu, “Yaakwaamiikw, ekaa chechii mushteneyihtamaacheyekw e ishpish wii ayaayekw chekwaan. Wesh taapaa aniyuu e ishi weyuutisiit awen maak naashch e miisitisiikwe, namiyeyuu aniyuu che ihtuutaakut chechii uhchi ayaat kaachiche pimaatisiiwiniyuu.”

Luke 6:26

Yaakwaau chiyawaau kaa miywaachimikuyekw, wesh anichii kaa miywaachimitaakuch, aniyehkaanaan maak uwaahkumaakanawaau, ekun mwehch kaa ishi miywaachimaayich machi uchischiwehiichesuuh.”

John 10:12

Ekw an mikw kaa utaaskunaakanuut chechii kanuweyimaat aniyuu maanishchaanisha ekaa maak chihchiwe maanishchaanishuiinuut, ekaa tipiyeusiit aniyuu maanishchaanishah ushimuu iskutak wiyaapamaach mahiihkan e takushiniyich. Ekw aniyuuh mahiihkanh kuywaaskuhtutawaayich peyakw aniyuuh maanishchaanisha ekw e paahpiwepahiituyich e ushimuyich aniyuuh kutak maanishchaanisha.

ᐊᐸᔅᑕᓚᒡ 13:40

Yaakwaamiikw maak ekaa chechii ispayiyekw taan kaa ishi masinahamuwaakupanenich aniyehkaanaanich uchischiwehiichesuuch taan kaa ishi masinahamuwaakupanenich che ispayiyich aweyuu, chii itasinahamuwaakupanenich,

ᐊᐸᔅᑕᓚᒡ 13:6

Iskutak kaa chiishi kacheskwetwaau anit ministikuhch ekw anite aniyuu ihtaawiniyuu Paphos kaa e ishinihkaateyich kaa ituhtetwaau. Ekut maak anit kaa nachihaatwaau e maamaahtaawaatisiyich Jewa naapeu Bar Jesus e ishinihkaasuyich, chii machi uchischiwehiichesuuyuu maak uyuu naapeu.

Galatians 2:4

Mikw maak chii ihtaauch naapeuch chiimuut e chii pechi piihtepayihutwaau anit e ihtaawachiht muyaam e taapweyimaatwaau kaye wiyawaau Jesus e ihtitwaau. Nichii wii naanituu chischeyimikunaanich taan e ishi tipeyimachiht Jesus Christ e wiicheumachiht, an kaa aapihkuniyimiht. Eukw uyuu kaa ihtitwaau e chii wii ihtuutuuyimihtwaau kaau chechii maahchikwaapihkaatikuyaahch wiishuwewin.

Ephesians 4:14

Ekw maak namui chika uhchi awaashiyuuweyihtaakusinaanuu. Muyaam e papaamuwepahukuyihk taan e ishi Chiskutamaachetwaau kaa wiyeshihiiwetwaau chechii ishinaakusiihkw, eukw uchii kaa ihtuutuwaatwaau aweyuu chechii machituutamiyich nanaahkuu e ishi pisiiwiyaatwaau.

Ephesians 5:6

Yaakwaamiistuwaahkuch maak ekaa chechii wiyeshimitaakuch anichii kaa sasuuskuutaatwaau uyeyuu itaatisiiwiniyuu wesh nitamukw chika ishi chischinuhtahiikuwaauch. Uyuu e itaatisiitwaau anichii ekaa kaa nanihiihtuwaatwaau Chishemanituuh eukw uyuu wehchi utitahukutwaau utaahkuyuwesuwiniyuu.

Philippians 3:2

Yakwaamiishtuwaahkuch anichii kaa wiyeshahiiwetwaau, nitamukw kaa ihtitwaau. Anichii kaa itwetwaau paatish chischinuwaachishwaakanuyichen aweyuu yaakw chechii utiiniimitutaakuyich Chishemanituu.

Colossians 2:8

Ekaawii maak awen chika uhchi wiyeshimikuwaau aniyuu uhchi taan e ishi nitamukw chiskutamaachet, wesh aniyuu taan e ishi taapwehtahk naapeuh chii aashuu chiskutamaacheyuu. Anichii ahchaahkuch kaa waawiishuwetwaau taan che ishi pimaatisiinaanuyich utah aschiihch wiyawaau e ihtaatwaau uhchipayiniyuu. Namui Christ e ihtaayich uhchipayiniyuu.

2 Timothy 3:13

ekw anichii kaa machaatisiitwaau kaye anichii nitamukw kaa ishi chiskutamaachetwaau wetaach etituu kata iteyihtaakusuuch, e wiyeshimaatwaau aweyuu kaye wiyawaau e wiyeshimaakanuutwaau.

2 Timothy 4:3

Wesh kata utihchipayuu taanit ekaa che uhchi nituhtahkwaau awenichii aniyuu tiyaapwemakaniyich chiskutamaachewiniyuu. Teyakuch kata naanitaweyimeuch aweyuu chechii chiskutamaakutwaau wiyawaau taan waa ishi pehtahkwaau.

2 Peter 3:17

Chiyawaau maak wii niichishaanitikw shaash chichischeyihtenaawaau misiwe uu. Yaakwaamiikw maak ekaa chechii wanihtahiitutaakuch anichii ekaa kaa ayaapateyihtahkwaau taan e ishi wiishuwaanuyich. Wesh chiishpin uu ispayihche chika wanihtahiikunaawaau taanite an e ihtaayekw mekwaach, an e chii cheshtinaateyihtaakuhtaakanuuhch taanite naapuuyekw.

1 John 4:1

Niichishaanitikw kaa saachihiitakuch ekaawii misiwe awen Chishemanituuh kaa aayimuutamaataakw mikw chika uhchi ishi taapwehtawaawaau. Yaakwaau nituu chischeyimaahkuch ati chechii uhchi chischeyihtamekw taapwe Chishemanituu e ihtaayich wehchipayikwe taan e ishi chiskutamaachetwaau. Wesh mihchetuuch mishihte utah aschiihch anichii machi uchischiwehiichesuuch.

Jude 1:4

Wesh ihtaauch ekaa mitun Chishemanituuwaatisiitwaau naapeuch chiimuut e chii uhchi ihtaatwaau mekwesiinuu anit e ihtaawekw. Nitamukw ishi chiskutamaacheuch e iteyihtaakuniyich Chishemanituuh ushaweyihchichewiniyuu. Itweuch ekaa wiyesh iteyihtaakuniyich awen aat nitamukw e itaatisiit wesh yaapach chika wepeyihtamaakuu Chishemanituu. Namui uhchi wii nanihiihtaweuch Utipeyihchikeu Jesus aniyuu wechimaamiihkw. Weskach maak anite, Chishemanituu umasinahiikanihch chii niikaan wiihtaakun anit eshkw che waweshihaakanuutwaau uchii.

Revelation 16:13

Nichii waapamaauch maak nishtu machiahchaahkuch naashch e wiineyihtaakusitwaau, muyaam ayikahch e ishinaakusitwaau. Peyakw an aniyuuh mista manichuush utuuniihch chii uhchi wiiwiipayuu, ekw kutak aniyuuh machi awesiisa utuuniihch, ekw an nishtu kaa ihtaat aniyuuh machi uchischiwehiichesuu utuuniihch ekute kaa uhchi wiiwiipayit.

Revelation 17:6

Nichii waapamaau maak an iskweu e miyuhkasut e chii minihkwewaat umihkuyuu kaa taapwehtamiitwaauh ekw maak umihkuyuu aniyuuh kaa nipahaakanuyikupanenh e taapweyimaayich Jesus. Iskutak maak kaa waapamak naashch nichii maskaasinawaau.

Revelation 19:20

Ekw kaa maakunaakanuutwaau an machi awesiis ekw maak an machi uchischiwehiichesuu. Eukw uu machi uchischiwehiichesuu kaa maamishkaach ihtit uhchishkuu aniyuuh machi awesiisa e ihtaayich. Ekut kaa uhchi wiyeshihaat aniyuuh aweyuuh kaa utinamiyich aniyuuh machi awesiisa uchiisaawaachihiiwewiniyuu kaye kaa nuuchiishtuwaayich aniyuu manituuhkaan muyaam aniyuuh machi awesiisa e ishinaakusiyich kaa ishihaakanuyich. Taapishkun an machi awesiis ekw maak an machi uchischiwehiichesuu chichi iiniihch chii ishuwepinaakanuuch anite machishkuteu saakahiikanihch anite e ishkwaateyich e usaawaapahteyich chekwaayuu naashch e wiinimaasteyich.

Revelation 20:10

Ekw maak machimanituu, an kaa wiyeshimaat uyuuh aweyuu, kaa kaahchitinaakanuut ekw anite machishkuteu saakahiikanihch kaa ishuwepinaakanuut anite e ishkwaateyich chekwaayuu e usaawaapahteyich naashch e wiinimaasteyich. ekute shaash kaa ishuwepinaakanuyich aniyuu machi awesiis ekw maak aniyuu machi uchischiwehiichesuu. Kaachiche maak chika wiisacheyihtamuch e chiishikaayich kaye e tipiskaayich.