Matthew 7:13 - Chishemanituu Utayimuwin: Kaa Uskaach Testament

¹³ “Niishinh ishkwaahtemh, peyakw iyakashkaau ekw an peyakw shaakuwaashuu. An maak ishkwaahtem kaa iyakashkaach wehtan chechii pimuhtaanuuhch an meskanuu anite kaa itamuhch, mikw maak machishkutehch itamuu an meskanuu. Mihchetu maak awenichii pimuhteuch aniyuu meskanaayuu. An maak kaa shaakuwaashich ishkwaahtem ekute chipaa uhchi piihchenaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᓃᔑᓐᐦ ᐃᔥᒀᐦᑌᒻᐦ, ᐯᔭᒄ ᐃᔭᑲᔥᑳᐤ ᐁᒄ ᐊᓐ ᐯᔭᒄ ᔖᑯᐙᔔ᙮ ᐊᓐ ᒫᒃ ᐃᔥᒀᐦᑌᒻ ᑳ ᐃᔭᑲᔥᑳᒡ ᐌᐦᑕᓐ ᒉᒌ ᐱᒧᐦᑖᓅᐦᒡ ᐊᓐ ᒣᔅᑲᓅ ᐊᓂᑌ ᑳ ᐃᑕᒧᐦᒡ, ᒥᒄ ᒫᒃ ᒪᒋᔥᑯᑌᐦᒡ ᐃᑕᒨ ᐊᓐ ᒣᔅᑲᓅ᙮ ᒥᐦᒉᑐ ᒫᒃ ᐊᐌᓂᒌ ᐱᒧᐦᑌᐅᒡ ᐊᓂᔫ ᒣᔅᑲᓈᔫ᙮ ᐊᓐ ᒫᒃ ᑳ ᔖᑯᐙᔑᒡ ᐃᔥᒀᐦᑌᒻ ᐁᑯᑌ ᒋᐹ ᐅᐦᒋ ᐲᐦᒉᓈᐙᐤ᙮

Matthew 7:13 Iomraidhean Croise

Matthew 23:13

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, chiyawaau kaa kachipiskuwekuch awenichii chechii piihchetwaau anite kihchikiishikw chisheuchimaawinihch, ekaa maak mechim chechii piihcheyekw chiyawaau. Namui chipachishtinaawaauch anichii kaa wii piihchetwaau anite kihchikiishikw chisheuchimaawinihch chechii piihchetwaau.

Matthew 25:41

“Ekw che itaat aniyuu unimihchiiwinihch kaa ihtaayich aniyuu kaa machaatisiyich, ‘Aushikw nete chiyawaau Chishemanituu che waweshihiitaakw anite ishi kaachiche machishkutehch aniyuu kaa ishi ayeskuushtamuwaakanuyich machimanituuh ekw maak utaapachihaakaniyuuh.

Matthew 25:46

Eukw maak uchii kaa machaatisiitwaau che itishahwaakanuutwaau anite kaachiche che ishi nanehkaateyimutwaau, ekw anichii kaa kuiskutaatisiitwaau anite kaachiche pimaatisiiwinihch che itishahwaakanuutwaau.”

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 3:8

Nuukuhtaakw taapwe e kweskaatisiyekw, e nakatamekw chimachaatisiiwinawaauh.

Matthew 7:14

Aayiman maak e pimuhtaanuuhch an meskanuu pimaatisiiwinihch kaa itamuhch. Namui maak mihchetu awen miskam aniyuu meskanaayuu.”

Luke 14:33

Ekw Jesus miin kaa ati itwet, eukun maak mwehch e ishinaakuniyich awen kaa nituweyihtahk chechii uchischinuhamuwaakanitutuuk, paatish kata pachishteyihtam misiwe chekwaayuu e ishi ayaat.”

Luke 9:33

Iskutak maak anichii naapeuch waa nakataatwaau Jesus, Peter chii iteu, “Chischinuhamaachesuu nuwach miyeyihtaakun utah chechii ihtaawaauhchipane. Pachishtinaanh maa chechii ushihtaayaahch nishtu tipinuushimunh, paahpeyakw che ayaayekw, chiya, Moses ekw maak Elijah.” Peter maak namui tekash uhchi nisituhtam chekwaayuu wehchi itwet uyeyuu.

John 10:9

Niya eukw ishkwaahtem. An awen niya e ihtaauch kaa uhchi piihchet chika pimaachihuu. Taapwe chika wiihkuchihuu an awen kaye taapwe chika miyeyimuu.

John 14:6

Jesus chii nishkweushiheu e itaat, “Niya eukw meskanuu kaye taapwewin kaye pimaatisiiwin, namui awen chika chii naateu Uhtaawiimaau mikw niya uhchi.

ᐊᐸᔅᑕᓚᒡ 3:19

Kweskaatisiikw, mihchiiweyihtamukw taan kaa ishi machituutamekw. Naataahkw Chishemanituu chechii wepeyihtamaataakw chimachihtwaawinawaau. Ekw maak Utipeyihchikeu che ihtuutaataakw miin chechii suuhkamahchihuyekw chitahchaahkuwaahch.

Romans 9:22

Ekun maak mwehch e ihtit Chishemanituu. Chii wiyeyihtam chechii waapahtiiwet utaahkuyuwesuwin kaye maak chii wii chischeyihtaakuhtaau usuuhcheyihtaakusuwin. Ute utaahch muush chii pechi siipiiwesiistuweu aniyuuh kaa chishuwaahiikut ute utaahch, aniyuuh kaa iteyihtaakuniyich chechii nisuunaatisiyich.

2 Corinthians 4:4

Namui taapwehtamuch wesh ihtaayuuh aniyuuh kaa machimanituyich kaa uchimaahkahtamiyich uyuu aschiiyuu. Eukunh maak aniyuuh e ihtuutaakutwaau ekaa chechii waapahtahkwaau aniyuu waashtewiniyuu anit chechii uhchi pimaachihutwaau. Namui chii nisituhtamuch aniyuu miywaachimuwiniyuu ati wehchi waapahtiikuyihkw Jesus Christ uchisteyihtaakusuwin. Wesh mwehch e ishi chisteyihtaakusit Chishemanituu ekun mwehch e ishi chisteyihtaakusit Jesus.

2 Corinthians 6:17

Ekw maak e itwet Utipeyihchikeu, Nakataahkuch anichii ekaa kaa taapwehtahkwaau. Pahkaanihiisukw. An chekwaan e iteyihtaakuhch e wanaahiikut awen e ayimihaat kaye e nuuchiishtuwaat Chishemanituu ekaawii piskaatamukw. Nika miyeyihten maak pechi naasiyekwe, itweu Utipeyihchikeu.

Galatians 5:24

Anichii maak Jesus Christ kaa tipiyeusiitutaakutwaau shaash chii wiyeyihtamuch ekaa chechii pachishteyimitisutwaau kaau chechii ihtuutahkwaau taan waa ishi wehchipayiyich chechii ishi machi pimaatisiitwaau. Namui wii machituutamuch taan kaa ishi pechi machituutahkwaau anite ishi utaahch. Mwehch taapwe e chii asich chiistaaskutahkwaau umachaatisiiwinawaau kaye umachinituweyihtamuwinawaau aashiteyaahtikuhch ekun kaa ihtitwaau.

Philippians 3:19

Eshkw kata nachishkamuch wanaachihiiwewiniyuu. Taan e ishi nituweyihtamuumakaniyikwaauh wiiyuuwaauh eukw chihchiwe niyaakataweyihtamihiikutwaau. Mamihchihiikuuch taan e ihtitwaau. Chipaa pimaameyimuhiikuuch maak aniyuuh ihtuwinh. Mikw taan e itaatisiinaanuyich utah aschiihch eukun mikw miyaamituneyihtamihiikutwaau.

1 John 5:19

Chichischeyihtenaanuu Chishemanituu e utawaashiimituutaatahkw. Misiwe anichii utah aschiihch kaa ihtaatwaau tipeyimikuuch machimanituu.

Revelation 12:9

Ekw kaa niihchiwepinaakanuut an mista maanichuus kihchikiishikuhch uhchi. Eukw maak an chinepukw weskach anite kaa ihtaat, Machimanituu maak Satan kaa ishinihkaataakanuut. Eukw uu kaa chii wiyeshihaat misiwe aweyuu utah aschiihch. Anite maak aschiihch chii ishuwepinaakanuu kaye misiwe aniyuu utenchilamh.

Revelation 13:8

Ekw maak misiwe awen aschiihch kaa ihtaat chika nuuchiishtuweu aniyuu machi awesiisa. Mikw anichii pimaatisiyuu masinahiikanihch kaa masinaateyikwaau utishinihkaasuwinawaau, aniyuu masinahiikaniyuu taanit kaa masinaasutwaau awenichii eshkw ekaa uhchi usihtaakanuuhch aschii, eukunich anichii namui uhchi nuuchiishtuweuch aniyuu machi awesiisa. Uu maak masinahiikan an Maanishchaanish kaa nipahaakanuut tipeyihtam.

Revelation 20:15

An maak awen ekaa kaa masinaateyich utishinihkaasuwin anite masinahiikanihch anit mesinaasuyich aniyuuh aweyuuh che ayaayich kaachiche pimaatisiiwiniyuu machishkuteusaakahiikanihch chii ishuwepinaakanuu.

Revelation 20:3

Iskutak maak kaa maahkupitaat aniyuuh mista manichuusha ekw kaa puuhchewepinaat anite aniyuu kaa mista pukuneyaayich. Kaa aataapishkahwaat anite kaye chii chiishaawaachihtaau anit e ihtaayich ekaa chechii aapahwaakanuyich paatish chii miyaaupayikwaawenh aniyuuh peyakwaau chishemitaahtumitanuu pipun. Eukw uyuu kaa ihtuutawaat ekaa miin chechii wiyeshimaayich misiwe e itiskaanesiyich aweyuu. Iskutak maak peyakwaau chishemitaahtumitanuu pipun utihchipayihche ekw weipishchiish che aapihkunaakanuut.