Matthew 6:9 - Chishemanituu Utayimuwin: Kaa Uskaach Testament

⁹ Eukw uu che ishi ayimihaayekw. Nuuhtaawiinaan kihchikiishikuhch kaa ihtaayin, nitayimihaanaan chitishinihkaasuwin chechii chischeyihtaakunuuhch e chisteyihtaakuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐁᐅᒄ ᐆ ᒉ ᐃᔑ ᐊᔨᒥᐦᐋᔦᒄ᙮ ᓅᐦᑖᐐᓈᓐ ᑭᐦᒋᑮᔑᑯᐦᒡ ᑳ ᐃᐦᑖᔨᓐ, ᓂᑕᔨᒥᐦᐋᓈᓐ ᒋᑎᔑᓂᐦᑳᓱᐎᓐ ᒉᒌ ᒋᔅᒉᔨᐦᑖᑯᓅᐦᒡ ᐁ ᒋᔅᑌᔨᐦᑖᑯᐦᒡ᙮

Matthew 6:9 Iomraidhean Croise

Matthew 10:29

Mikw peyakw shuuliyaanaapiskw itachihtaakusuuch niishu piyeshiishach. Namui maak waachipeyakw kata uhchi pahchishinuuch mushtaskamihch ekaa che chischeyihtahk Kuuhtaawaau.

Matthew 23:9

Ekaawii kaye chika uhchi ishinihkaataawaau awen utah aschiihch, ‘Nuuhtaawiinaan,’ wesh mikw peyakushuu chuuhtaawaau eukw an kihchikiishikuhch kaa ihtaat.

Matthew 26:29

Chiwiihtamaatinaawaau maak namui miin nika uhchi minihkwen shuuminaapuu utah wii paatishkaan anite Nuuhtaawii uchisheuchimaawinihch miin maamuu minihkweyihkwe.”

Matthew 26:42

Ekw miin kaa nituu ayimihaat Jesus kaa itwet, “Nuuhtaawii ekaa chechii iichenikanuukwe uu che ishi wiisacheyihtamaan ekun kiipaa che ishi ihtuutamaan, chiya chititeyihtamuwin chechii ihtuutaakanuuhch.”

Matthew 5:16

Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

Matthew 5:48

Muyaam Kuuhtaawii kihchikiishikuhch kaa ihtaat kaa ishpish tekash mitunisiit ekun mwehch kaye chiya chipaa ishi mitunisiin.”

Matthew 6:14

“Ekw maak miin kaa itwet wepeyihtamuutwaawenich kutakach taan kaa ishi wanituutaaskwaau, Kuuhtaawii kihchikiishikuhch kaa ihtaat chika wepeyihtamaakw.

Matthew 6:6

Maak e ayimihaayin, chinipeukamikuhch chipaa chipahuusun, iskutak maak chii chipahuusuyine ekw che ayimihiit Kuuhtaawii kaatinihch kaa ihtaat. Chiwaapamukw wii taan e ihtuut ekaa kutak awen waapamiskw, wiya maak chika tipahamaakw.”

Matthew 7:11

Aat e ishpish machaatisiyekw eyuwehch chichischeyihtenaawaau chechii miyu miyekuch chitawaashiimuwaauch chekwaayuu. Etituu maak Kuuhtaawaau kihchikiishikuhch kaa ihtaat chika miyu miiweu taan e ishi nituweyihtamuwaakanuut.”

Luke 15:18

Nika chistuhten che nituwaapamak nuuhtaawii che itak, Nuuhtaa, nichii machitutawaau Chishemanituu kaye chiya chichii machituutaatin.

Luke 15:21

Kaa itaat an ukusisimaau aniyuu uhtaawii, ‘Nuuhtaa, nichii machituutawaau Chishemanituu kaye chiya chichii machituutaatin. Namui nitepicheyihtaakusin nikus chechii iishinihkaasiyin.’

Luke 2:14

“Chisteyimaahkw Chishemanituu maauch ishpimihch kaa ihtaat. Chika miyaakanuuch chiyaameyihtamuwiniyuu anichii kaa naniheyihtamihaatwaau Chishemanituu utah aschiihch.”

John 20:17

Jesus kaa itwet, “Ekaawii taahtin wesh eshkw namui Nuuhtaawii e ihtaat nuuhchii ishi uhpiskaan. Nituwaapamach niichishaanich che wiihtamuutwaau che uhpiskaauch Nuuhtaawii kaye chiyawaau Kuuhtaawiiwaau e ihtaat ishi, Nichishemanituum kaye chiyawaau Chichishemanituumiwaau.”

Romans 1:7

Ekun maak wehchi masinahamaatakuch misiwe chiyawaau Rome kaa ihtaayekw, chiyawaau Chishemanituu kaa saachihiitaakw kaye kaa wiyaapamitaakw chechii tipiiweusiitutaataakw. Chishemanituu Kuuhtaawiinuu ekw maak chitipeyihchikeminuu Jesus Christ chika shaweyimikuwaauch kaye chika miikuwaauch chiyaameyihtamuwiniyuu.

Romans 8:15

Wesh taapaa chitihtuutaakuwaau an Ahchaahkw Chishemanituu kaa miitaakw kaau chechii tipeyimikuwekw sechisuwiniyuu. Uu Ahchaahkw uhchi ekut wehchi ishihiitahkw Chishemanituu chechii utawaashiimitutaatahkw kaye maak chechii itahkw “Paapaa, Nuuhtaawii.”

Galatians 1:1

Niya Paul kaa masinahamaatakuch. Wiya Jesus Christ wechiihch nichii wiyaapamukw apastal chechii itaapachihiit. Kaye maak Chishemanituu Kuuhtaawiinuu nichii wiyaapamukw, an kaa wanishkaanaat Jesus nipuwinihch uhchi. Namayeu wii naapeu kaa wiyaapamit kaye namayeu naapeu kaa miit uyuu chechii itapaatisuuch.

Galatians 4:6

E utawaashiimitutaatahkw maak Chishemanituu, chii pechi itishahweu Ukusisa Utahchaahkuyuuh chitehiinaahch. An maak Ahchaahkw eukw e ihtuutaatahkw, “Paapaa, Nuuhtaawii” chechii ishi tepwaatahkw Chishemanituu.

1 Timothy 6:16

Wiya mikw kaachiche pimaatisiyuu, anite maak ekaa nihtaa muhch chechii naataakanuyich waashtewiniyuu ekut e ihtaat, anite ekaa aweyuu chechii naatikut. Namui nihtaa muhch uhchi waapamikuu aweyuu kaye namui nihtaa chika chii waapamikuu. Wiya maak chika chisteyihtaakuhaakanuu kaye maak wiya ayaau kaachiche suuhkaatisiiwiniyuu. Amen.

1 Peter 1:17

Suuhk maak muush chisteyimaahkw Chishemanituu wiya Nuuhtaawiinaan kaa ishinihkaatekw e ayimihaayekw. Eukw wesh uu kuiskw kaa ishi wiyaaskunaat misiwe aweyuu taan nihaau e ihtiyich. Aniyuu taan kaa ishi atushcheyich ekut wehchi wiyaaskunaat. Suuhk maak muush wii chisteyimaahkw Chishemanituu che ishkuhtaakwe chipimaatisiiwinaawaauh utah aschiihch.

Revelation 4:11

“Chiya Nitipeyihchikeminaan kaye Nichishemanituuminaan kaa atushkaataahch chitepicheyihtaakusin chechii chisteyihtaakuhiikuyin kaye chechii chishtaachimikuyin kaye chechii maamihchimikuyin e ishpish suuhkaatisiyin. Wesh chiya misiwe chekwaan chichii ushihtaan. Chiya chichii iteyihten chechii ihtakuhch misiwe chekwaan kaa ihtakuhch ekw maak misiwe kaa ushihtaayin.”

Revelation 5:12

Chii chisheweuch maak e nikamutwaau, “An Maanishchaanish kaa nipahaakanuut tepicheyihtaakusuu wiya chechii ayaat suuhkaatisiiwiniyuu, miisitisiiwiniyuu, kachehtaaweyihtamuwiniyuu, maskushiiwiniyuu, chishtaachimikusiiwiniyuu, chisteyihtaakusuwiniyuu, kaye shaweyihchichewiniyuu.”