Matthew 6:6 - Chishemanituu Utayimuwin: Kaa Uskaach Testament

⁶ Maak e ayimihaayin, chinipeukamikuhch chipaa chipahuusun, iskutak maak chii chipahuusuyine ekw che ayimihiit Kuuhtaawii kaatinihch kaa ihtaat. Chiwaapamukw wii taan e ihtuut ekaa kutak awen waapamiskw, wiya maak chika tipahamaakw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᒫᒃ ᐁ ᐊᔨᒥᐦᐋᔨᓐ, ᒋᓂᐯᐅᑲᒥᑯᐦᒡ ᒋᐹ ᒋᐸᐦᐆᓱᓐ, ᐃᔅᑯᑕᒃ ᒫᒃ ᒌ ᒋᐸᐦᐆᓱᔨᓀ ᐁᒄ ᒉ ᐊᔨᒥᐦᐄᑦ ᑰᐦᑖᐐ ᑳᑎᓂᐦᒡ ᑳ ᐃᐦᑖᑦ᙮ ᒋᐙᐸᒧᒄ ᐐ ᑖᓐ ᐁ ᐃᐦᑑᑦ ᐁᑳ ᑯᑕᒃ ᐊᐌᓐ ᐙᐸᒥᔅᒄ, ᐎᔭ ᒫᒃ ᒋᑲ ᑎᐸᐦᐊᒫᒄ᙮

Matthew 6:6 Iomraidhean Croise

Matthew 14:23

Iskutak maak kaa chiiwetishihwaat aniyuu iinuu, ekw kaa shaakachuwet anite wachiyuu chechii peyakushit e ayimihaat. Iskutak maak wetaakushiyich eshkw chii peyakushuu Jesus anite.

Matthew 6:18

Ekaawii chischeyihtaakuhuuh uu e ihtiyin. Mikw Kuuhtaawii kaatinihch kaa ihtaat chika chischeyihtam. Wiya chika waapamukw uyuu e ihtuut ekaa waapamisk kutak awen, wiya maak chika tipahamaakw.”

Matthew 6:4

Mikw chiya chipaa chischeyihten taan e ishi miyutuutaman. Ekw maak Chuuhtaawii kihchikiishikuhch kaa ihtaat che tipahamaask wesh Chishemanituu misiwe waapahtam taan e ihtuut.”

John 1:48

Nathanael maak chii iteu, “Taanite kaa uhchi chischeyimiyin.” Ekw Jesus kaa ishi nishkuushihaat, “Chichii waapamitin e apiyin shiipaa misishuuminaahtikuhch eshkw ekaa uhchi nituwaapamisk Philip.”

John 20:17

Jesus kaa itwet, “Ekaawii taahtin wesh eshkw namui Nuuhtaawii e ihtaat nuuhchii ishi uhpiskaan. Nituwaapamach niichishaanich che wiihtamuutwaau che uhpiskaauch Nuuhtaawii kaye chiyawaau Kuuhtaawiiwaau e ihtaat ishi, Nichishemanituum kaye chiyawaau Chichishemanituumiwaau.”

ᐊᐸᔅᑕᓚᒡ 10:30

Ekw Cornelius kaa itaat, “Neu chiishikaau utaahch utah ekun wiyesh chii ishpish chiishikaache e chii ayimihaayaan anite niichihch nishtu e ispayihch e chiishkwaapihtaachiishikaach. Chek sischikuuch naapeu e waashtuweyikwaau uchekwaanim chii uhchi niipuu anit e ihtaayaan.

ᐊᐸᔅᑕᓚᒡ 10:9

Miin maak wiyaapaniyich wiyesh e aapihtaachiishikaayich ekw chii peshuwaapahtamiyichenich aniyuu ihtaawiniyuu Joppa kaa ishinihkaateyich. Ekut maak wiyesh kaa nituu ayimihaat Peter tahkuhch aniyuu waaskaahiikaniyuu kaa ihtaat.

ᐊᐸᔅᑕᓚᒡ 9:40

Peter misiwe aweyuuh chii wiiwiitishiheu anit aniyuu nipeukamikuhch kaa ihtaayitwaauh, ekw kaa niipiskuupit e ayimihaat, ekw kaa kanawaahtahk aniyuu miiyuuyuu e itwet, “Tabitha, wanishkaa.” Chii aapaham maak uschiishikuh an iskweu, iskutak maak wiyaapamaat aniyuu Peter, chii uhchi asamitapuu.

Romans 8:5

Anichii mikw e ishi wehpemipayiyich chechii machaatisiitwaau kaa ishi pimaatisiitwaau, mikw wiyawaau nitamukw chechii ishi naniheyihtamihiisuutwaau ishi maamituneyihtamuch. Ekw anichii Kaa payehchisiyich Ahchaahkw kaa pachishtinaatwaau chechii tipeyimikutwaau taan che ishi pimaatisiitwaau, pishikw chechii naniheyihtamihaatwaau Kaa payehchisiyich Ahchaahkw ishi maamituneyihtamuch.

Ephesians 3:14

Uu maak kaa ishi ayimihiitakuch eukuu wehchi uchihchiihkunipiyaan Kuuhtaawiinuu e ayimihiik,