Matthew 6:5 - Chishemanituu Utayimuwin: Kaa Uskaach Testament

⁵ “Kaye maak e ayimihaayin, ekaawii ihtih e ihtitwaau anichii utayimihehkaasuch. Naashch e miyeyihtahkwaau e naaniipuutwaau e ayimihaatwaau anite ayimiheukamikuhch kaye anite wiyesh misiwe aweyuu chechii waapamikutwaau. Chiwiihtamaatin shaash ayaauch utipahamaakusiiwinawaau uchii.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᑲᔦ ᒫᒃ ᐁ ᐊᔨᒥᐦᐋᔨᓐ, ᐁᑳᐐ ᐃᐦᑎᐦ ᐁ ᐃᐦᑎᑣᐤ ᐊᓂᒌ ᐅᑕᔨᒥᐦᐁᐦᑳᓱᒡ᙮ ᓈᔥᒡ ᐁ ᒥᔦᔨᐦᑕᐦᒀᐤ ᐁ ᓈᓃᐴᑣᐤ ᐁ ᐊᔨᒥᐦᐋᑣᐤ ᐊᓂᑌ ᐊᔨᒥᐦᐁᐅᑲᒥᑯᐦᒡ ᑲᔦ ᐊᓂᑌ ᐎᔦᔥ ᒥᓯᐌ ᐊᐌᔫ ᒉᒌ ᐙᐸᒥᑯᑣᐤ᙮ ᒋᐐᐦᑕᒫᑎᓐ ᔖᔥ ᐊᔮᐅᒡ ᐅᑎᐸᐦᐊᒫᑯᓰᐎᓇᐙᐤ ᐅᒌ᙮

Matthew 6:5 Iomraidhean Croise

Matthew 21:22

Mikw taan che ishi nitutamaawekwe e ayimihaayekw, taapwehtamukw shaash e ayaayekw ekw maak che miikuyekw an kaa ishi nitutamaayekw.”

Matthew 23:13

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, chiyawaau kaa kachipiskuwekuch awenichii chechii piihchetwaau anite kihchikiishikw chisheuchimaawinihch, ekaa maak mechim chechii piihcheyekw chiyawaau. Namui chipachishtinaawaauch anichii kaa wii piihchetwaau anite kihchikiishikw chisheuchimaawinihch chechii piihchetwaau.

Matthew 23:5

Misiwe chekwaayuu kaa ihtuutahkwaau uchii kaa chiskutamaachetwaau wiishuwewiniyuu ekw maak Phariseech pukuseyihtamuch misiwe aweyuu chechii waapamikutwaau. Aniyuu e itaaspisutwaau kaye e taapiskahkwaau miiwatishiyuu chii pukuseyimuuch chechii iteyimikutwaau aweyuu naashch e ayimihewaatisiitwaau.

Matthew 23:6

Nituweyihtamuch anite maauch e paihtepitwaau chechii apihaakanuutwaau ayimiheukamikuhch, kaye e makushaanuyich chechii apihaakanuutwaau anite e uchimaaupinaanuyich.

Matthew 6:1

“Ayaakwaamiikw taan e ishi miyutuutamaacheyekw. Ekaawii naashch wii nanehtuhtenaakuhiisukw anite e mihchetinaanuuhch mikw e iteyihtamekw chechii waapamitaakuch awenichii, wesh uu ihtuutamekwe, ekaawii pukuseyihtamukw chechii tipahamaataakw Kuuhtaawaau kihchikiishikuhch kaa ihtaat.”

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Matthew 6:2

“Ekw maak e miyat awen chekwaayuu e ishi nuuhtepayit, ekaawii ihtuut uu misiwe awen chechii chischeyihtahk, wesh wiyawaau anichii kaa ayimihehkaasutwaau naashch wii kaa chescheyihtaakuhuuch taan e ishi miyutuutahkwaau. Mikw e iteyihtamihiikutwaau chechii maamihchimikutwaau aweyuuh. Chiwiihtamaatinaawaau taapwe, shaash chiisaach miyaakanuuch utipahamaakusiiwinawaau.

Matthew 9:38

Ayimihaakw, nitutamuwaahkw an tepiyeusiit uyuuh kaa chiishi nihtaauchiniyikwaauh nihtaauchihtaakanh chechii itishahwaat mihchetu aweyuu anite e maauchihchikaanuyich.”

Mark 11:25

Kaye maak tahtwaau niipuuyine e ayimihaayin, wepeyihtamuu an awen kaa wanituutaask, ekw maak Kuuhtaawii kihchikiishikuhch kaa ihtaat kaye wiya che wepeyihtamaask chimachihtwaawinh.

Mark 12:38

Mekwaach maak miin e chiskutamuwaat chii iteu, “Yaakwaamiishtuwaahkuch anichii wiishuwewiniyuu kaa chiskutamaachetwaau, wesh nituweyihtamuch chechii chisteyimaakanuutwaau. Miyeyihtamuch e pushchishkahkwaau kaa chinwekaniyikwaau akuhpa, kaye miyeyihtamuch e utinischenaakanuutwaau anite e mihchetinaanuyich.

Luke 11:43

Chekwaan chika ishi machipayinaawaau chiyawaau Phariseech. Wesh naashch anite e chisteyihtaakuhch Jewa ayimiheukamikuhch ekute waa ahiishuyekw kaye naashch e nituweyihtamekw chechii chisteyimikuyekw e waachiyemikuyekw pepaamuhteyekw anite kaa chii mihchetinaanuuhch e ataawaanuuhch.

Luke 18:1

Jesus chii wiihtamuweu uchischinuhamuwaakan uyuu chischinuhamaacheu tipaachimuwiniyuu chechii uhchi chischeyihtamiyich muush chechii ayimihaayich, kaye ekaa chechii saskachiyich.

Luke 18:13

Ekw maak an naapeu kaa maamuushtinahk chisheuchimaau shuuliyaayuu kaa itaapatisit, iskutak e ayimihaat waahyuusiis anit chii uhchikaapuu taanit kaa niipuyich aniyuu Pharisee namui kaye mechim uhchi tastasaapuu kihchikiishikuhch wesh chii kushikuteheu. Chii itweu, ‘Chishemanituu pechi chistimaacheyim e machituutamaan. Ekw Jesus miin kaa ati itwet iskutak kaa chiishi tipaachimut.’

Luke 20:47

Utinamuweuch kaye misiwe taan e ishi tipiyeusiyich kaa paahpeyakuyitwaauh iskweuh kaye maak e ayimihaatwaau chineush ayimihaauch, mikw maak ayimihehkaasuch uyuu e ihtitwaau. Eukunich maak uchii ushte che aahkwaateyihtaakuniyich taan che ishi wiyaaskunikutwaau Chishemanituuh.”

Luke 6:24

Yaakwaakw chiyawaau kaa miisitisiyekw anuhchiish, wesh mitun shaash chitayaanaawaau e wehteyihtaakuhch pimaatisiiwin.

John 16:24

Namui eshkw chuuhchi nitutamaanaawaau chekwaan nitishinihkaasuwinihch uhchi. Nitutamaakw ekw maak che miikuyekw, ekw maak tekash che miyeyihtamekw.”

Ephesians 6:18

Ahchaahkuwinihch muush ishi ayimihaataau nanaahkuu e ishi ayimihchikeyihkw kaye nanaahkuu e ishi nitutamaayihkw. Uu maak e ishi chischisiihkw ayeskuwiitaau kaye ekaawii puuniitaau e ayimihaayihkw, muush kaye ayimiheshtamuwaataawenich anichii kaa taapwehtahkwaau.

1 Thessalonians 5:17

Muush ayimihaakw.

James 4:6

Mikw maak Chishemanituu etituu mistahii miyeu shaweyihchichewiniyuu aniyuu aweyuu wiya e ihtaat kaa ishi pimaatisiyich. Wesh itashteu Chishemanituu utayimuwinihch, Chishemanituu nishkuushtuweu aniyuuh kaa chisteyimisuyitwaauh mikw maak shaweyihchichewiniyuu miyeu aniyuu kaa tipihteyimisuyitwaauh.