Matthew 6:4 - Chishemanituu Utayimuwin: Kaa Uskaach Testament

⁴ Mikw chiya chipaa chischeyihten taan e ishi miyutuutaman. Ekw maak Chuuhtaawii kihchikiishikuhch kaa ihtaat che tipahamaask wesh Chishemanituu misiwe waapahtam taan e ihtuut.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒥᒄ ᒋᔭ ᒋᐹ ᒋᔅᒉᔨᐦᑌᓐ ᑖᓐ ᐁ ᐃᔑ ᒥᔪᑑᑕᒪᓐ᙮ ᐁᒄ ᒫᒃ ᒎᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᑦ ᒉ ᑎᐸᐦᐊᒫᔅᒃ ᐌᔥ ᒋᔐᒪᓂᑑ ᒥᓯᐌ ᐙᐸᐦᑕᒻ ᑖᓐ ᐁ ᐃᐦᑑᑦ᙮

Matthew 6:4 Iomraidhean Croise

Matthew 10:42

Chiwiihtamaatinaawaau, aat mikw minihaate awen e tahchikamiyich nipiiyuu uyuu peyakw apishtawaasha aniyuu uhchi e pechi nuushuushkuyich, chiwiihtamaatinaawaau cheshtinaash chika miskam utipahamaakusiiwin.”

Matthew 6:18

Ekaawii chischeyihtaakuhuuh uu e ihtiyin. Mikw Kuuhtaawii kaatinihch kaa ihtaat chika chischeyihtam. Wiya chika waapamukw uyuu e ihtuut ekaa waapamisk kutak awen, wiya maak chika tipahamaakw.”

Matthew 6:3

Maak e wiichihiit awen e chistimaatisiit, ekaawii papaamaachimuh taan kaa ishi wiichihat.

Matthew 6:6

Maak e ayimihaayin, chinipeukamikuhch chipaa chipahuusun, iskutak maak chii chipahuusuyine ekw che ayimihiit Kuuhtaawii kaatinihch kaa ihtaat. Chiwaapamukw wii taan e ihtuut ekaa kutak awen waapamiskw, wiya maak chika tipahamaakw.”

Luke 14:14

Ekw maak che shaweyimikuyin uchii e chii wiishaamatwaau, wesh taapaa chika chii chiiwe ihtuutaakuuch taan aniyuuh kaa ishi ihtuutuutwaau. Chishemanituu chika tipahamaakw iskutak wanishkaatwaawenich nipuwinihch uhchi anichii kaa kweskaatisiitwaau.”

Luke 8:17

Misiwe chekwaan ekaa kaa nuukuhtaakanuuhch kata nuukuhtaakanuu, ekw an kaa akunahiikanuuhch kata musheshteu. Aniyuuh chekwaayuuh eshkw ekaa uhchi chischeyihtaakanuuhkwaau eshkw kata chischeyihtaakanuuh.

1 Corinthians 4:5

Eukw maak uu uhchi ekaawii chika uhchi wiyaaskunen chekwaan eshkw ekaa utihchipayihch chechii wiyaaskunikanuuhch. Wiya Utipeyihchikeu mushe chika nuukuhtaau misiwe chekwaayuu kaa kaataakanuyich. Mechim aniyuu taan nihaau kaa iteyihtamiyich aweyuuh. Ekw maak misiwe awen che wiihtamaakut Chishemanituu e naheyihtamiyich aniyuu taan kaa ishi miyutuutahk.

Hebrews 4:13

Misiwe chekwaayuu mushe waapahtam Chishemanituu. Misiwe aweyuuh tekash waapameu kaye misiwe chekwaayuu tekash waapahtam. Wiya maak chika wiihtamuwaanuu chekwaan wehchii ishi pimaatisiihkw taan kaa ishi pimaatisiihkw.

Jude 1:24

Ekw maak an kaa peyakut Chishemanituu chipimaachihiiweminuu, an kaa kaschihut chechii kanuweyimitaakw ekaa chechii pahchishinuwekw kaye kaa kaschihut chechii ituhtahiitaakw anite e chisteyihtaakuniyich e ihtaat ekaa chekwaayuu ataameyihtaakusuwekw kaye e miywaatamuwekw,

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.