Matthew 6:33 - Chishemanituu Utayimuwin: Kaa Uskaach Testament

³³ Uste iteyihtaakun suuhk chechii naanituweyihtamuwekw Chishemanituu uchisheuchimaawin kaye ukuiskutaatisiiwin, ekw maak che miitaakw misiwe taan e ishi nuuhtepayiwekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐅᔅᑌ ᐃᑌᔨᐦᑖᑯᓐ ᓲᐦᒃ ᒉᒌ ᓈᓂᑐᐌᔨᐦᑕᒧᐌᒄ ᒋᔐᒪᓂᑑ ᐅᒋᔐᐅᒫᐎᓐ ᑲᔦ ᐅᑯᐃᔅᑯᑖᑎᓰᐎᓐ, ᐁᒄ ᒫᒃ ᒉ ᒦᑖᒄ ᒥᓯᐌ ᑖᓐ ᐁ ᐃᔑ ᓅᐦᑌᐸᔨᐌᒄ᙮

Matthew 6:33 Iomraidhean Croise

Matthew 19:28

Ekw Jesus kaa itaat, “Chika cheshtinaahunaawaau, iskutak Iinuu Ukusisa apiyichen chisheuchimaau tehtapuunihch miin uskaache aschii, ekw kaye chiyawaau nichischinuhamuwaakanitikw che apiyekw niishushaap uchimaau tehtapuunih, che wiyaaskunekuch niishushaap kaa itiskaanesitwaau Israel iinuuch.

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Matthew 5:6

Shaweyihtaakusuuch anichii kaa siiweyitutahkwaau kaye kaa nuuhteyaapaakwetutahkwaa kuiskutaatisiiwiniyuu, wesh Chishemanituu tekash chika chiishpuhiikuuch.

Luke 1:6

Zechariah ekw maak Elizabeth chii kuiskutaatisiyuuch. Tekash chii nanihiihtamuweuch Utipeyihchikeu ukacheskwewiniyuuh kaye utitishuwewiniyuuh. Kaye naashch chii naheyihtamiheuch Chishemanituu aniyuu taan kaa ishi pimaatisiitwaau.

Luke 12:31

Uste iteyihtaakun niishtam chechii naanituu chischeyihtamuwekw Chishemanituu uchisheuchimaawin ekw maak che ihtuutamekw taan e ishi nituweyihtahk Chishemanituu ekw maak mikw che ishi miitaakw aniyuu chekwaayuuh kaa nuuhtepayekw.”

John 5:4

Wesh Chishemanituu chii pechi itishahweu utenchilamh chechii chistikwaakamihamiyich aniyuu nipiiyuu chechii aahtaakamipayiyich. Uyuu maak e ispayiyich aniyuu nipiiyuu, an awen taan mikw e itaaspinekwe niishtam e pakashtuwehtet chii miinuwaachihaakanuu.

John 6:27

Ekaawii aapatisikw mikw e wii uhchistamaasuyekw miichim an che wiinipayihch, teyakuch wii uhchistamaasuk an miichim kaachiche che ihtakuhch. Iinuu Ukusisa chika miikuwaau miichimiyuu ekaa nihtaa che uhchi wiinipayihch. Wesh Chishemanituu Uhtaawiimaau chii nuukuhtaau taapwe e naheyimaat.”

ᐊᐸᔅᑕᓚᒡ 20:25

“Nituhtamukw maa, nichischeyihten eukw uu anuhchiish maahchishtai che waapamiyekw chiyawaau uu kaa chii waawiihtamaatakuch Chishemanituu uchisheuchimaawin ute itehche kaa ihtaayekw.

ᐊᐸᔅᑕᓚᒡ 28:31

Chii aayimuutamuweu maak Chishemanituu uchisheuchimaawiniyuu, kaye chii chiskutamaacheu Utipeyihchikeu Jesus Christ e aayimuumaat. Chii suuhchiteheu maak mitun kaye namui uhchi chistahamuwaakanuu uyuu e ihtit.

Romans 1:17

Ekut kaye miywaachimuwinihch wehchi chischeyihtamihiikuyihkw taanite wehchi kuiskunaakuhaat Chishemanituu aweyuuh wiya ishi e ihtaat. E taapweyimaat awen Jesus ekut mikw wehchi kuiskunaakuhaakanuut Chishemanituuh ishi e ihtaayich. Taapwehtamuwiniyuu pimaachihiikuu awen, kaye eukw uyuu che chiiwehtahiikut. Mwehch e itashtech masinahiikanihch, An kaa kuiskunaakusit taapwehtamuwinihch uhchi eukuu che pimaatisiit.

Romans 10:3

Ekaa uhchi chischeyihtahkwaau taanite kuiskutaatisiiwinihch wechi ishi kanawaapamikuyich aweyuuh Chishemanituuh ekw wiyawaau tipaan kaa kuchihtaatwaau chechii kuiskunaakuhiisutwaau Chishemanituu ishi e ihtaayich. Ekw maak namui pachishteyimitisuustamuch aniyuu taan kaa itashtaayich Chishemanituuh che ihtiyich aweyuuh ukuiskutaatisiiu chechii ishi kanawaapamaakanuyich.

Romans 14:17

Wesh anite Chishemanituu uchisheuchimaawinihch taapaa namayeyuu taan e ishi miichisut awen maak chekwaayuu menihkwet naashch kenawaapahtaakanuhch. E kuiskutaatiisiihkw kaye e miyu wiicheuhkwaauh awenichii ekw maak e miyeyihtamuhkw chitehiinaahch eukuu chihchiwe e iteyihtaakuhch Chishemanituu uchisheuchimaawinihch. Payehchi Ahchaahkw maak miiweu uyuu chechii ishi pimaatisiinaanuwiyich.

Romans 8:31

Misiwe maak uu e chischeyihtamahkw maau chechii itweyihkw, taapwe Chishemanituu waachihiikuwaauhkwe namui awen chika chii shaakuuchihiikunuu.

1 Corinthians 1:30

Wiya Chishemanituu chii nihiipayihtaau chechii wiicheumekw Jesus Christ. Jesus maak e ihtaat uhchi ekute wehchi ayaayihkw kachehtaaweyihtamuwin, kaye kuiskutaatisiiwin, kaye payehchi pimaatisiiwin, kaye maak pimaachihiikusiiwin.

1 Corinthians 3:22

Niya Paul ekw maak Apollos, kaye Peter, Chishemanituu nichii pechi itishahukunaan chechii wiichihiitaahch. Misiwe uyuu aschiiyuu chichii pachishtinamaakuwaau, kaye chichii miikuwaau pimaatisiiwiniyuu kaye nipuwiniyuu. Uyuu anuhchiish mekwaach kaa ispayiyich kaye misiwe che ispayiyikwe anite niishtamihch chichii miikuwaau Chishemanituu chechii wiichihiikuwekw.

2 Corinthians 5:21

Aat maak Christ ekaa wiiskaat uhchi machituutahk Chishemanituu chii ihtuutaakuu mwehch umachihtwaau chechii ishinaakusit, chiyaanuu uhchi. Ekw maak Christ wiicheuhkwe, ukuiskutaatisiiuch chika ishi kanawaapamikunuu Chishemanituu.

Philippians 3:9

kaye maak taapwe wiya e ihtaat chechii ishi tipeyihtaakusiyaan. Namui ekw nititeyihten e kuiskutaatisiyaan mikw an e nanihiihtamaan wiishuwewin. Wesh e taapweyimak Christ eukun an e kuiskutaatisiihiikuyaan. Eukuu kuiskutaatisiiwin Chishemanituu e ihtaat kaa uhchipayihch. Mikw taapwehtamuwinihch uhchi ayaau awen uyuu kuiskutaatisiiwiniyuu.

2 Thessalonians 1:5

Ekut maak utah che uhchi chischeyihtamekw taan e ishpish kuiskw ihtit Chishemanituu e wiyaaskunichet. An maak taan e ispayekw chika tepicheyihtaakusinaawaau chechii wiichihiiweyekw anite Chishemanituu uchisheuchimaawinihch.

1 Timothy 4:8

Ihtakuniyuu kiipaa taan e ishi wiichihiikut awen e sasaaupayihut. Ekw maak an awen suuhk muush kaa wii nanihiiwehaat Chishemanituu eukw uyuu etituu che wiichihiikut anuhchiish utah e pimaatisiit kaye maak anite ishi niishtaamihch.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.

2 Peter 1:11

Ekut kaye chechii uhchi mikw ishi piihtakahiikuyekw Chitipeyihchikemanuu kaye Chipimaachihiiweminuu Jesus Christ uchimaawinihch, aniyuu kaachiche che ihtakuniyich.