Matthew 6:3 - Chishemanituu Utayimuwin: Kaa Uskaach Testament

³ Maak e wiichihiit awen e chistimaatisiit, ekaawii papaamaachimuh taan kaa ishi wiichihat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒫᒃ ᐁ ᐐᒋᐦᐄᑦ ᐊᐌᓐ ᐁ ᒋᔅᑎᒫᑎᓰᑦ, ᐁᑳᐐ ᐸᐹᒫᒋᒧᐦ ᑖᓐ ᑳ ᐃᔑ ᐐᒋᐦᐊᑦ᙮

Matthew 6:3 Iomraidhean Croise

Matthew 12:19

Namui chika uhchi naanituu machipayuu kaye namui chika uhchi taachikweu nitaapachihaakan, maak chechii papehtaakuhut anite meskanaahch.

Matthew 6:2

“Ekw maak e miyat awen chekwaayuu e ishi nuuhtepayit, ekaawii ihtuut uu misiwe awen chechii chischeyihtahk, wesh wiyawaau anichii kaa ayimihehkaasutwaau naashch wii kaa chescheyihtaakuhuuch taan e ishi miyutuutahkwaau. Mikw e iteyihtamihiikutwaau chechii maamihchimikutwaau aweyuuh. Chiwiihtamaatinaawaau taapwe, shaash chiisaach miyaakanuuch utipahamaakusiiwinawaau.

Matthew 6:4

Mikw chiya chipaa chischeyihten taan e ishi miyutuutaman. Ekw maak Chuuhtaawii kihchikiishikuhch kaa ihtaat che tipahamaask wesh Chishemanituu misiwe waapahtam taan e ihtuut.”

Matthew 8:4

Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

Matthew 9:30

Chii miinuwaachihaakanuuch maak ekw kaa waapahtahkwaau. Ekw Jesus kaa itashumaat ekaa chechii wiihtamuwaayich aweyuu.

Mark 1:44

“Nituhtuu maa che ititaan, ekaawii awen chika uhchi wiihtamuwaau taan kaa ispayin. Tiiwehch nituwaapam ayimiheuchimaau tekash che nituu chischeyimisk. Ekw che pachishtinaman an chipaa pachishtinen aniyaa Moses kaa itashuwet chipaa pachishtinikanuuyuu. Ekut che uhchi waapahtiiweyin taapwe ekw e payehtisiyin.” Ekw kaa chihchitishahwaat uyuuh naapeu.

John 7:4

Namui awen kaataau taan chechii ishi ihtuutahk netuweyihtamukwe chechii miyu chischeyimaakanuut. E ihtuutamuwane maak maamishkaach ihtuwin, pachishtinisuu chechii chischeyimakuyin taan chechii ishi ihtuutaman.”