Matthew 6:28 - Chishemanituu Utayimuwin: Kaa Uskaach Testament

²⁸ “Chekwaan wehchi aayimeyihtamekw chekwaan che chichishkamekw. Maamituneyihtamukw maa waapikunh taan e ishpish miywaashikwaauh kaye e ishi miyu nihtaauchihkwaau. Namui aapatisiimakanh, namui kaye waaspisuumakanh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᒉᒀᓐ ᐌᐦᒋ ᐋᔨᒣᔨᐦᑕᒣᒄ ᒉᒀᓐ ᒉ ᒋᒋᔥᑲᒣᒄ᙮ ᒫᒥᑐᓀᔨᐦᑕᒧᒄ ᒫ ᐙᐱᑯᓐᐦ ᑖᓐ ᐁ ᐃᔥᐱᔥ ᒥᔻᔑᒀᐤᐦ ᑲᔦ ᐁ ᐃᔑ ᒥᔪ ᓂᐦᑖᐅᒋᐦᒀᐤ᙮ ᓇᒧᐃ ᐋᐸᑎᓰᒪᑲᓐᐦ, ᓇᒧᐃ ᑲᔦ ᐙᔅᐱᓲᒪᑲᓐᐦ᙮

Matthew 6:28 Iomraidhean Croise

Matthew 10:10

Ekaawii ayaakw kaye niimuutaan, kaye ayuwaak chichekwaanimuwaauh e chichishkamekw, maak kaye maschisin maak siskahuun. Wesh e aapatisit awen chipaa miyaakanuu taan e ishi nuuhtepayit.”

Matthew 6:25

“Eukw maak wehchi ititakuch ekaa chechii mukushkaateyihtamekw miichim kaye chekwaan che minihkweyekw taan an e ishi nituweyihtamekw chechii uhchi pimaatisiyekw maak kaye chekwaan che chichishkamekw. Wesh pimaatisiiwin uste chisteyihtaakun ishpishaat miichim, kaye maak miiyuu uste chisteyihtaakun ishpishaat aniyuuh chichekwaanimh kaa chichishkaman.

Matthew 6:27

Wesh aat naashch aayimeyihtamihiikuyine chekwaan namui etituu yaapach chika chii yahchihtaan chipimaatisiiwin.”

Matthew 6:31

“Ekaawii maak muush maamituneyihta chechii iteyihtaman, ‘Chekwaan che miichiyaan.’ Maak chechii iteyihtaman ‘Chekwaan che minihkweyaan.’ Maak kaye chechii iteyihtaman, ‘Chekwaan che chichishkamaan.’

Luke 10:41

Utipeyihchikeu chii itikuu, “Martha, Martha naashch e mukushkaateyihtamihiikuyin mihchetu chekwaayuu.

Luke 12:11

Ekw Jesus kaa itwet, “Chiishpin wiyaaskunicheukamikuhch ituhtahiikuyine maak Jewa ayimiheukamikuhch maak Chisheuchimaau e ihtaayich chechii wiyaaskunikuyin ekaawii mukushkaateyihta taan che itweyin kaye taan che ishi nishkweushihtwaayin chechii uhchi wiichihiisuyin.

Luke 12:22

Ekw Jesus kaa itaat uchischinuhamuwaakan, “Eukw maak uu wehchi ititakuch ekaa chechii mukushkaateyihtamekw miichim taan netuweyihtamekw chechii uhchi pimaatisiyekw maak kaye chekwaan che chichishkamekw.

Luke 12:27

Maamituneyihtamukw maa waapukunisha taanite wehchi nihtaauchihkwaau, namui aapatisiimakan, yaapach maak naashch miywaashuu e kanawaapahtaakanuuhkwaau. Chiwiihtamaatinaawaau, aat aniyuu e chii ishpish miisitisiit aniyaa chisheuchimaau Solomon namui yaapach uhchi ishpish miywaashiyuu uchekwaanim e ishinaakuniyikwaauh waapukun.

Luke 3:11

Kaa itaat, “Awen e niishiniikwen utakuhpa peyakw aniyuu chipaa miyeu aweyuu ekaa ayaayich, maak kaye miichimiyuu e ayaakwe chipaa ashameu aweyuu ekaa umiichimiyich.”

Philippians 4:6

Ekaawii chekwaan chika uhchi mukushkaateyihtamihiikunaawaau. Teyakuch misiwe taan che ati ispayiwekwe ayimihaakw, e waawiihtamuwekw Chishemanituu chekwaayuu e ishi nitaweyihtamuwekw. Kaye maak chipaa nanaaskumaawaau.

1 Peter 5:7

Wiya pachishtinamuu misiwe taan e ishi mukushkaatiskaakuyin chekwaan wesh wiya muush chinanaakatuweyimukw misiwe taan e ispayihiikut chekwaayuu chipimaatisiiwinihch.