Matthew 6:23 - Chishemanituu Utayimuwin: Kaa Uskaach Testament

²³ Ekw maak ekaa miywaauche chischiishikw, tekash kata ukaashteyaau chiiyuuhch. Ekw maak ekaa ihtakuhche waashtewin anite chiiyuuhch, taapwe kiipaa nuwach ukaashteyaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᐁᒄ ᒫᒃ ᐁᑳ ᒥᔻᐅᒉ ᒋᔅᒌᔑᒄ, ᑌᑲᔥ ᑲᑕ ᐅᑳᔥᑌᔮᐤ ᒌᔫᐦᒡ᙮ ᐁᒄ ᒫᒃ ᐁᑳ ᐃᐦᑕᑯᐦᒉ ᐙᔥᑌᐎᓐ ᐊᓂᑌ ᒌᔫᐦᒡ, ᑖᐺ ᑮᐹ ᓄᐗᒡ ᐅᑳᔥᑌᔮᐤ᙮

Matthew 6:23 Iomraidhean Croise

Matthew 20:15

Namui aa chichischeyihten mikw waa ihtuutamaan nishuuliyaam chechii ihtuutamaan. Namui aa chinaheyihtamihiitin e miyuhtwaayaan.’ ”

Matthew 6:22

“Chischiishikw eukw uyuu uwaashtenamaakan chiiyuu. E miywaayich maak awen uschiishikw tekash chika waashteyuu wiiyuu.

Mark 7:22

maak che pisikwaatisiit, maak chechii mushteneyihtamuwaat aweyuu chekwaayuu e ishi ayaayich, maak chechii machihtwaat, maak chechii wiyeshihiiwet, maak chechii wiinishuwaatisiit, maak chechii uhteyihtahk, kaye chechii machaayimuumaat aweyuu, maak naashch chihchiwe chechii iteyimisut, kaye chechii chiishkwe pimaatisiit.

Luke 11:34

Chischiishikw eukw uyuu uwaashtenamaakan chiiyuu. E miywaach chischiishikw tekash waashteu chiiyuuhch mikw maak ekaa miywaache chischiishikw naashch taapwe ukaashteyaau chiiyuuhch.

Luke 8:10

Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Uchii awenichii, tipaachimuwin chiskutamaachewiniyuu aapataniyuu e aayimuutamuwaakanuutwaau Chishemanituu uchisheuchimaawiniyuu. Aat e waapahtahkwaau namui chii nisituunamuch, kaye e pehtahkwaau namui chii nisituhtamuch.”

Romans 1:22

Muyaam naashch e kachehtaaweyihtahkwaau chii iteyihtaakuhiisuuch mikw maak tekash chiishkwehkaanihch iteyihtaakusuuch.

1 Corinthians 2:14

An awen ekaa kaa ayaawaat Chishemanituuh Utahchaahkuyuu, namui katachii utinam aniyuuh miiwewinh taan e ishi miiweyich Chishemanituuh Utahchaahkuyuuh. Uu awen namui taapwe nisituhtam chekwaayuuh uyuuh, namui wiyesh itaapatanh iteyihtam. Wesh mikw anichii Payehchi Ahchaahkwa kaa ayaawaatwaau kata chii nisituhtamuch taan e ishi chihchiwe iteyihtaakuniyikwaauh uyuuh miiwewinh.

Ephesians 4:18

namui kaye chii nisituhtamuch chekwaayuu. Namui chii ishi pimaatisiyuuch aniyuu e ishi nituweyimikutwaau Chishemanituuh chipaa ishi pimaatisiyuuch, wesaa e maskutehetwaau ekaa mitun wii nisituhtahkwaau.

Ephesians 5:8

Wesh kaye chiyawaau wanitipiskusiiwinihch chichii ihtaanaawaau anite utaahch, mikw maak anuhchiish ekw waashtewinich e ihtaayekw an uhchi e taapweyimekw Chishemanituu. ekute maak suuhk wiishi pimaatisiikw ekw.

1 John 2:11

Ekw an awen kaa uhkaataat wiichishaan, wanitipiskusiiwinihch ihtaau. ekute pepaamuhtet ekaa chischeyihtahk taanite e ituhtet wesh ihtuutaakuu aniyuu wanitipiskusiiwiniyuu ekaa chechii waapahtahk.