Matthew 6:20 - Chishemanituu Utayimuwin: Kaa Uskaach Testament

²⁰ Teyakuch maak anite kihchikiishikuhch ekute ishi maauchihtamaasukw miisitisiiwin anite ekaa chechii wanaachihtaatwaau manichuushach kaye ekaa chechii akwaakwaapischipayihch kaye ekaa chechii kachemutitwaau chimutiskach.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᑌᔭᑯᒡ ᒫᒃ ᐊᓂᑌ ᑭᐦᒋᑮᔑᑯᐦᒡ ᐁᑯᑌ ᐃᔑ ᒫᐅᒋᐦᑕᒫᓱᒄ ᒦᓯᑎᓰᐎᓐ ᐊᓂᑌ ᐁᑳ ᒉᒌ ᐗᓈᒋᐦᑖᑣᐤ ᒪᓂᒎᔕᒡ ᑲᔦ ᐁᑳ ᒉᒌ ᐊᒀᒀᐱᔅᒋᐸᔨᐦᒡ ᑲᔦ ᐁᑳ ᒉᒌ ᑲᒉᒧᑎᑣᐤ ᒋᒧᑎᔅᑲᒡ᙮

Matthew 6:20 Iomraidhean Croise

Matthew 19:21

Ekw Jesus kaa itaat, “Tekash misiwe chekwaan waa ihtuutamuwane chechii kuiskutaatisiyin, nituu ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin. Chii ihtuutamane maak uu aashtam ekw maak che pechi nuushuushkuwiyin.”

Matthew 6:19

“Ekaawii maauchihtamaasukw miisitisiiwin utah aschiihch, chechii wanaachihtaatwaau manichuushach kaye chechii akwaakwaapischipayihch kaye chimutiskach chechii kachemutitwaau.

Mark 10:21

Jesus chii kanawaapameu e saachihaat ekw kaa itaat, “Peyakw chekwaan eshkw namui chitayaan. Maachiih nituu ataawe misiwe taan e ishi ayaayin ekw an shuuliyaau kaa chistimaatisiitwaau che miyatwaau, ekw maak che ayaayin miisitisiiwin anite kihchikiishikuhch. Chii ihtuutamane maak uu ekw che pechi nuushuushkuwiyin.”

Luke 12:33

Ataawekw aniyuu chekwaayuu e ishi tipiyeusiyekw ekw che miyekuch kaa chistimaatisiitwaau aniyuu shuuliyaayuu. Wesh uu ishi ihtuutamekwe Chishemanituu chika tipahamaakuwaau nete kihchikiishikuhch. Wesh taan che ishi tipahamaataakw Chishemanituu namui nihtaa chika uhchi iskwaapayuu wesh namui nihtaa chika chii kachemutamaakunaawaau kaye manichuushach namui chika chii wanaachihtaauch.

Luke 18:22

Iskutak maak Jesus piyehtawaat uyuu e itweyich chii iteu, “Eshkw maak peyakw chekwaan miin nituweyihtaakun chechii ihtuutaman. Ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin.”

1 Timothy 6:17

Chinituweyimitin maak Timothy, chechii wiihtamutwaau anichii kaa miisitisiitwaau ekaa chechii chihkaateyimishutwaau aniyuu e miisitisiitwaau kaye ekaa chechii aspeyimututahkwaau aniyuu ekaa kaa cheshtinaateyihtaakuniyich miisitisiiwiniyuu. Chischisuumach uste Chishemanituu chechii aspeyimututuwaatwaau an kaa miyu miitahkw misiwe chekwaayuu chechii miyeyihtamihiikuuhkw.

1 Timothy 6:19

Uyeyuu maak ihtuutahkwaawenich ekut chechii uhchi ayaatwaau chihchiwe miisitisiiwiniyuu anite niishtaamihch, ekut kaye chihchiwe chechii uhchi chischeyihtahkwaau pimaatisiiwiniyuu utah aschiihch.

Hebrews 10:34

Chichii chistimaacheyimaawaauch anichii chipahutuukamikuhch kaa ihtaatwaau anichii kaa taapwehtahkwaau wesh kaye chiyawaau ekun mwehch kaa ishi nachishkamekw. Iskutak kaa maakunikanuuhkwaau chichekwaanimuwaau e maayeyimikuyekw chichii miyeyihtenaawaau wesh chichii chischeyihtenaawaau etituu e miywaach an chekwaan kaa ishi ayaayekw, kaye kaachiche che ihtakuhch.

Hebrews 11:26

Aniyuu maak Moses e chii taapwehtahk, chii iteyihtam uste e miywaayich chechii maayeyimaakanuut aniyuu uhchi e chischeyimaat aniyuu Christ che takushiniyich ishpish wii chechii ayaat miisitisiiwiniyuu anite Egypt aschiihch. Shaash chii ayeskuweyihtam chechii pachishtinahk misiwe aniyuu wesh anite niikaanihch chii ishi ashuwaapahtam aniyuu chekwaayuu che miikut Chishemanituu e tipahamaakut.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.

1 Peter 1:4

ekw maak pekuseyimuyihkw chechii ayaayihkw an taan e ishi ayaat Chishemanituu che ishi miyaat utiiniimh chechii tipiyeusiyich. Kihchikiishikuhch maak chichii kanuweyihtamaakuwaau anite ekaa wiiskaat che wiinipayiyihch, kaye ekaa wiiskaat che wanaataniyich maak chechii paashikunaakuniyich.

1 Peter 5:4

Ekw maak iskutak pechi nuukusite an maauch kaa niikaaneyihtaakusit maanishchaanishuiinuu che miikuyekw an maauch e chisteyihtaakuhch kaaniyuwin an ekaa wiiskach che uhchi paasikunaakuhch.

Revelation 2:9

Nichischeyihten taan e ishi nanehkaateyimuhiikuyekw. Nichischeyihten e chistimaatisiyekw mikw maak yaapach chimiisitisiinaawaau. Nichischeyihten taan e ishpish machaayimuumitaakuch anichii Jewa nititiskaanesinaan kaa itwetwaau, ekaa maak Jewa itiskaanesitwaau. Machimanituu e ihtaayich uhchiyuuch anichii.