Matthew 6:2 - Chishemanituu Utayimuwin: Kaa Uskaach Testament

² “Ekw maak e miyat awen chekwaayuu e ishi nuuhtepayit, ekaawii ihtuut uu misiwe awen chechii chischeyihtahk, wesh wiyawaau anichii kaa ayimihehkaasutwaau naashch wii kaa chescheyihtaakuhuuch taan e ishi miyutuutahkwaau. Mikw e iteyihtamihiikutwaau chechii maamihchimikutwaau aweyuuh. Chiwiihtamaatinaawaau taapwe, shaash chiisaach miyaakanuuch utipahamaakusiiwinawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᒄ ᒫᒃ ᐁ ᒥᔭᑦ ᐊᐌᓐ ᒉᒀᔫ ᐁ ᐃᔑ ᓅᐦᑌᐸᔨᑦ, ᐁᑳᐐ ᐃᐦᑑᑦ ᐆ ᒥᓯᐌ ᐊᐌᓐ ᒉᒌ ᒋᔅᒉᔨᐦᑕᐦᒃ, ᐌᔥ ᐎᔭᐙᐤ ᐊᓂᒌ ᑳ ᐊᔨᒥᐦᐁᐦᑳᓱᑣᐤ ᓈᔥᒡ ᐐ ᑳ ᒉᔅᒉᔨᐦᑖᑯᐦᐆᒡ ᑖᓐ ᐁ ᐃᔑ ᒥᔪᑑᑕᐦᒀᐤ᙮ ᒥᒄ ᐁ ᐃᑌᔨᐦᑕᒥᐦᐄᑯᑣᐤ ᒉᒌ ᒫᒥᐦᒋᒥᑯᑣᐤ ᐊᐌᔫᐦ᙮ ᒋᐐᐦᑕᒫᑎᓈᐙᐤ ᑖᐺ, ᔖᔥ ᒌᓵᒡ ᒥᔮᑲᓅᒡ ᐅᑎᐸᐦᐊᒫᑯᓰᐎᓇᐙᐤ᙮

Matthew 6:2 Iomraidhean Croise

Matthew 15:7

Chiyawaau kaa ayimihehkaasuyekw eukw chiyawaau taapwe aniyaa uchischiwehiichesuu Isaiah kaa aayimuumitaataakw.

Matthew 16:3

Ekw wiipach e chechishepaayaach chititwenaawaau, ‘Chika chimuun, wesh mihkwaapan kaye pechi wiipaau chiishikw.’ Chichischeyihtenaawaau e kanawaapahtamekw chiishikw taan che ispayihch. Mikw maak namui chichii nisituunenaawaau taan e ispayihch anuhchiish.

Matthew 22:18

Jesus maak chii chischeyimeu nitamukw e chii wii itwehiikut ekw kaa itaat, “Chiyawaau kaa ayimihehkaasuyekw, chekwaan wehchi wii pechi kakwechihiyekw.

Matthew 23:5

Misiwe chekwaayuu kaa ihtuutahkwaau uchii kaa chiskutamaachetwaau wiishuwewiniyuu ekw maak Phariseech pukuseyihtamuch misiwe aweyuu chechii waapamikutwaau. Aniyuu e itaaspisutwaau kaye e taapiskahkwaau miiwatishiyuu chii pukuseyimuuch chechii iteyimikutwaau aweyuu naashch e ayimihewaatisiitwaau.

Matthew 23:6

Nituweyihtamuch anite maauch e paihtepitwaau chechii apihaakanuutwaau ayimiheukamikuhch, kaye e makushaanuyich chechii apihaakanuutwaau anite e uchimaaupinaanuyich.

Matthew 24:51

ekw che waweshihaakanuut mitun chechii waawiisacheyihtahk. Ekw maak che ishi pachishtinaakanuut anite kaa ayimihehkaasuyich e ihtaayich chechii nanehkaateyimut. ekute anite che maatutwaau kaye che mamateyaapiteshihkwaau che ishpish nanehkaateyimutwaau.”

Matthew 5:18

Wii chischisikw, che ishpish ihtakunikwe kihchikiishikw kaye aschii, namui waawaach an maauch e apishaashich e masinaatech wiishuwewinihch chika uhchi paashikunaakun, paatish misiwe chii ispayihche taan e itashtech che ispayihch.

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Matthew 6:3

Maak e wiichihiit awen e chistimaatisiit, ekaawii papaamaachimuh taan kaa ishi wiichihat.

Matthew 6:5

“Kaye maak e ayimihaayin, ekaawii ihtih e ihtitwaau anichii utayimihehkaasuch. Naashch e miyeyihtahkwaau e naaniipuutwaau e ayimihaatwaau anite ayimiheukamikuhch kaye anite wiyesh misiwe aweyuu chechii waapamikutwaau. Chiwiihtamaatin shaash ayaauch utipahamaakusiiwinawaau uchii.

Matthew 7:5

Chiya kaa ayimihehkaasuyin, niishtam wiihkuchihtaah an mistikw kaa mihchaaskuhch chischiisikuhch kaa ihtakuhch ekw maak che miyu waapahtaman chechii wiihkuchihtaawat aniyuu chiichishaan upishinuun.”

Mark 12:39

Kaye nituweyihtamuch anite maauch e paihtepitwaau chechii apihaakanuutwaau ayimiheukamikuhch, kaye e makushaanuyich chechii apihaakanuutwaau anite e uchimaaupinaanuyich.

Mark 7:6

Jesus maak chii ishi nishkweushiheu e itaat, “Chii taapwekupane aniyaa Isaiah kaa wiihtahk taan kaa ishi wiihtamaakut Chishemanituu chechii ishi wiihtahk. Chiyawaau kaa ayimihehkaasuyekw chichii aayimuumikuwaau Chishemanituu kaa itwet, Uchii iinuuch utuuniwaahch nuuhchi chishtaachimikuch, mikw maak namui mitun nitaapateyimikuch utehiiwaahch.

Luke 11:41

Kweskaatisiikw, puuniikw an e ihtiyekw mikw chiyawaau e wii ayaayekw chekwaan. Miyaahkuch anichii kaa chistimaatisiitwaau taan e ishi nituweyihtahkwaau. Ekw maak che payehchinaakuhkwaau chipimaatisiiwinawaau.”

Luke 11:43

Chekwaan chika ishi machipayinaawaau chiyawaau Phariseech. Wesh naashch anite e chisteyihtaakuhch Jewa ayimiheukamikuhch ekute waa ahiishuyekw kaye naashch e nituweyihtamekw chechii chisteyimikuyekw e waachiyemikuyekw pepaamuhteyekw anite kaa chii mihchetinaanuuhch e ataawaanuuhch.

Luke 12:33

Ataawekw aniyuu chekwaayuu e ishi tipiyeusiyekw ekw che miyekuch kaa chistimaatisiitwaau aniyuu shuuliyaayuu. Wesh uu ishi ihtuutamekwe Chishemanituu chika tipahamaakuwaau nete kihchikiishikuhch. Wesh taan che ishi tipahamaataakw Chishemanituu namui nihtaa chika uhchi iskwaapayuu wesh namui nihtaa chika chii kachemutamaakunaawaau kaye manichuushach namui chika chii wanaachihtaauch.

Luke 12:56

Chiyawaau kaa ayimihehkaasuyekw chichischeyihtenaawaau taan che ispayihch mikw e kanawaapahtamekw aschii kaye chiishikw. Taanite maak wehchi ekaa chii nisituunamekw taan nihaau e ishi ihtuutahk Chishemanituu anuhchiish kaa chiishikaayich.”

Luke 13:15

Utipeyihchikeu kaa nishkweushihaat aniyuu kaa niikaanishkamiyich aniyuu ayimiheukamikuyuu e itaat, “Chiya kaa ayimihehkaasuyin, aat e Jewa ayimiheuchiishikaach namui aa yaapach chinituu aapihkunaau chituuhkaan maak chimistusim chechii ituhtahiit anite che minihkwet.

Luke 20:46

“Yaakwaamiishtuwaahkuch anichii kaa chiskutamaachetwaau wiishuwewiniyuu wesh nituweyihtamuch chechii chisteyimaakanuutwaau. Miyeyihtamuch e pushchishkahkwaau kaa chinwekaniyikwaau akuhpa, kaye miyeyihtamuch e utinischenaakanuutwaau anite e mihchetinaanuyich. Kaye nituweyihtamuch anite maauch e paihtepitwaau chechii apihaakanuutwaau ayimiheukamikuhch, kaye e makushaanuyich chechii apihaakanuutwaau anite e uchimaaupinaanuyich.

Luke 6:24

Yaakwaakw chiyawaau kaa miisitisiyekw anuhchiish, wesh mitun shaash chitayaanaawaau e wehteyihtaakuhch pimaatisiiwin.

Luke 6:42

Taanite chechii uhchi itat chiichishaan, ‘Nika wiihkuchihtaan chipishinuun, ekaa maak mechim chii waapahtaman an mistikw anite chiya chischiisikuhch kaa ihtakuhch.’ Chititeyimaauch awenichii chechii iteyimiskwaau e kuiskutaatisiyin ekaa maak kuiskutaatisiyin. Chiya kaa ayimihehkaasuyin, niishtam wiihkuchihtaah an mistikw chischiisikuhch kaa ihtakuhch, ekw maak chechii nihaapiyin. Ekw maak che wiihkuchihtaaut chiichishaan upishinuun.”

John 13:29

Chii iteyihtamuch e itaakanuyich chechii nituu utinamiyich makushaaniyuu maak chechii nituu utinamuwaayich chekwaayuu aniyuu kaa chistimaatisiyich, wesh wiya Judas chii naanaakachihtaau aniyuu shuuliyaawatiyuu.

John 5:41

“Namui nitihtuuten chekwaan naapeu chechii uhchi pechi chisteyimit.

John 5:44

Taanite chechii uhchi taapwehtamekw mikw naapeu e wii nanihiiwehekw ekaa wii nanihiiwehekw Chishemanituu.

John 7:18

An awen mikw wiya taan e iteyihtahk kaa ishi wiihtahk chekwaayuu, nituweyihtam wiya chechii chisteyimaakanuut. Ekw an awen kaa nituweyihtahk chechii chisteyimaakanuyich aniyuu kaa pechi itishahukut kuiskw ihtuu kaye namui mitun ihtakuniyuu wiyeshihiiwewiniyuu anit e ihtaat.

ᐊᐸᔅᑕᓚᒡ 10:2

Chii ayimihewaatisiyuu maak kaye misiwe anit e peyakuteusiit chii nuuchiishtuweuch Chishemanituu. Mistahii maak chii wiichiheu aniyuu kaa chistimaatisiyich Jewa iinuu. Kaye muush chii ayimihaau.

ᐊᐸᔅᑕᓚᒡ 10:31

Ekw kaa iishit, ‘Cornelius, Chishemanituu chii pehtam taan kaa ishi ayimihaayin kaye chii waapahtam taan kaa ishi wiichihiitwaau kutakach awenichii,’ nichii itikw.

ᐊᐸᔅᑕᓚᒡ 10:4

Chii mistakanuwaapameu maak aniyuu enchil e sechisit ekw kaa itaat, “Chekwaan, Utipeyihchikeu.” Ekw kaa itikut aniyuu enchil, “Chishemanituu chii naheyihtamihiikuu taan kaa ishi ayimihaayin, kaye taan kaa ishi miyu wiichihiitwaau kutakach awenichii, namui maak chika uhchi wanchischisiitutaakw.

ᐊᐸᔅᑕᓚᒡ 11:29

Ekw anichii chischinuhamuwaakanich misiwe paahpeyakw e tashitwaau kaa wiyeyihtahkwaau suuhk che wiichihaatwaau taan e ishi nituweyihtamiyich aniyuu wiichishaanawaau anite Judea aschiihch kaa ihtaayich.

ᐊᐸᔅᑕᓚᒡ 24:17

“Mihchetu pipun namui nuuhchi ihtaan anite Jerusalemihch. Iskutak maak kaau kaa takushiniyaan anit, nichii petawaauch nitiiniimach pachishtinichewiniyuu e chii miyaakanuyich aniyuu kaa chistimaatisiitwaau, ekw maak eyuu nichii naachayimihaan chechii machishtawehamuuk Chishemanituu.

ᐊᐸᔅᑕᓚᒡ 9:36

Anite ihtaawinihch Joppa kaa ishinihkaatech chii ihtaau iskweu e taapweyimaat Jesus, Tabitha e chii ishinihkaasut, uu maak ishinihkaasuwin e itweshtamaataakanuuhch atihkw iinaanuu. Muush chii miyutuutamuweu aweyuu an iskweu kaye chii wiichiheu kaa chistimaatisiitwaau aweyuuh.

Romans 12:8

E ihtaakwe awen e chii miyaakanuut chechii siihchimuwet taanit ekaa waa saapeyihtaakanuyich ekun chipaa ihtuu. Kaa miyaakanuukwe awen chechii waawiihchihaat aweyuuh taan e ishi nuuhtepayiyich ekush kata wii weyuuch miiweu. Kaa miyaakanuukwe awen chechii niikaanishkaachet suuhk chipaa wii kaschihuu aniyuu e itaapatisit. Ekw maak kaa miyaakanuukwe awen chechii wiichihaat kaa chistimaatisiyich maak aniyuuh kaa misimeyihtamiyich chipaa miyeyihtam aniyuu e ihtuutahk.

1 Corinthians 13:3

Kaye aat misiwe chekwaan pachishtinamaan taan e ishi tipiyeusiyaan chechii wiichihaakanuutwaau kaa chistimaatisiitwaau, aat maak kaye pachishtinamaan chechii ishkwaasiikanuuhch niyuu, ekaa maak ayaayaan saachihiiwewin yaapach namui wiyesh itaapatan an taan kaa aihtiyaan.

Galatians 2:10

Mikw peyakw chekwaayuu nichii pukuseyimikunaanich. Nichii nituweyimikunaanich chechii waawiichihiimachiht aniyuuh kaa taapwehtamiyich anit Jerusalemihch kaa ihtaayich kaa chistimaatisiyich. Eukw maak uu naashch kaa iteyihtamihiikuyaan chechii ihtiyaan.

Ephesians 4:28

Kaye maak an awen kaa kachemutit chipaa puuniyuu e kachemutit. Teyakuch chipaa aapatisuu kuiskw e ihtit e wii wiichihiisut kaye maak aapatisite ekute chechii uhchi wiichihaat kaa kachistimaatisiitwaauh aweyuuh.

1 Thessalonians 2:6

Taapaa nuuhchi naanituuweyihtenaan naashch chihchiwe chechii iteyimiyaahch maak kutakach awenichii naashch chihchiwe chechii iteyimiyamihtwaau. Aat e chii ihtakuhch ekaa wiyesh chipaa uhchi ishinaakun pukuseyimitaach chekwaan apastalach e itaapatisiyaahch,

1 Timothy 6:18

Wiihtamuuch anichii kaa miisitisiitwaau chechii miyutuutamaachetwaau, miyutuutamaachewinihch chechii ishi miisitisiitwaau, chechii ishinaakusitwaau naashch kaa miyeyihtahkwaau e miiwetwaau kaye naashch kaa wehchipayiyich chechii papahkwenamuwaatwaau aweyuu taan e ishi ayaatwaau.

Philemon 1:7

Naashch taapwe nimiyeyihten kaye naashch nikaachiichihiikuun e chischeyihtamaan e ishi ayaan saachihiiwewin, niichishaan, wesh mihchetu kaa taapwehtahkwaau chii kaachiichihiikuuch taan e ishi ayaayin saachihiiwewin.

Hebrews 13:16

Ekaawii puuniikw e miyutuutamaacheyekw kaye e maatinuwepayihtaatuyekw taan e ishi ayaayekw. Wesh tekash e pachishteyimisut awen uyuu chechii ihtit naheyihtamiheu Chishemanituuh.

1 Peter 4:11

Awen e chii miikut Chishemanituu chechii ayimit chipaa ayimuu taan aniyuuh e ishi miikut Chishemanituu chechii ishi ayimit. An awen kaa miyaakanuut kaschihuwiniyuu chechii wiichihaat kutak aweyuu kiipaa chipaa wiichiheu taan e ishi miikut Chishemanituu kaschihuwiniyuu. Ekw maak wiya Chishemanituu che chisteyihtaakuhaakanuut misiwe chekwaayuu taan e ishi ihtuutahk anite Jesus Christ e ihtaayich ishi, wiya Chishemanituu ekaa nihtaa che iskwaapayich uchisteyihtaakusuwin kaye umaskuusiiwin. Amen.