Matthew 6:18 - Chishemanituu Utayimuwin: Kaa Uskaach Testament

¹⁸ Ekaawii chischeyihtaakuhuuh uu e ihtiyin. Mikw Kuuhtaawii kaatinihch kaa ihtaat chika chischeyihtam. Wiya chika waapamukw uyuu e ihtuut ekaa waapamisk kutak awen, wiya maak chika tipahamaakw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᐁᑳᐐ ᒋᔅᒉᔨᐦᑖᑯᐦᐆᐦ ᐆ ᐁ ᐃᐦᑎᔨᓐ᙮ ᒥᒄ ᑰᐦᑖᐐ ᑳᑎᓂᐦᒡ ᑳ ᐃᐦᑖᑦ ᒋᑲ ᒋᔅᒉᔨᐦᑕᒻ᙮ ᐎᔭ ᒋᑲ ᐙᐸᒧᒄ ᐅᔫ ᐁ ᐃᐦᑑᑦ ᐁᑳ ᐙᐸᒥᔅᒃ ᑯᑕᒃ ᐊᐌᓐ, ᐎᔭ ᒫᒃ ᒋᑲ ᑎᐸᐦᐊᒫᒄ᙮

Matthew 6:18 Iomraidhean Croise

Matthew 6:4

Mikw chiya chipaa chischeyihten taan e ishi miyutuutaman. Ekw maak Chuuhtaawii kihchikiishikuhch kaa ihtaat che tipahamaask wesh Chishemanituu misiwe waapahtam taan e ihtuut.”

Matthew 6:6

Maak e ayimihaayin, chinipeukamikuhch chipaa chipahuusun, iskutak maak chii chipahuusuyine ekw che ayimihiit Kuuhtaawii kaatinihch kaa ihtaat. Chiwaapamukw wii taan e ihtuut ekaa kutak awen waapamiskw, wiya maak chika tipahamaakw.”

Romans 2:6

Wesh misiwe aweyuu aniyuu taan kaa aihtiyich kata ihtakuniyuu taan che ishi wiyaaskunaat.

2 Corinthians 10:18

Wiya e miywaachimisut awen namui wiyesh itaapataniyuu. Michihpin maak Utipeyihchikeuh miywaachimikute eukw aniyuu yaakw yaapataniyich.

2 Corinthians 5:9

Ekw maak kwaast e ihtiihkw chitihtinaanuu chechii naheyihtamihiihkw Utipeyihchikeu mekwaach utah e pimaatisiihkw maak anite e ihtaat ihtaayihkwe.

1 Peter 1:7

Wesh e nachishkamekw chekwaayuu e aayimihkwaau ekut wehchi chischeyihtaakuhch taan nihaau e iteyihtaakuhch chitaapwehtamuwinawaau. Waawaach ushaaushuuliyaanaapiskw, e ishinaakusit chechii wanaachihaakanuut, nituu chischeyimaakanuu ishkutehch taapwe e ushaaushuuliyaanaapiskuukwe, chitaapwehtamuwinawaau maak uste iteyihtaakun e iteyihtaakusit ushaaushuuliyaanaapiskw, iteyihtaakun chechii nituu chischeyihtaakunuuhch taan nihaau e iteyihtaakuhch. Taapwe maak e iteyihtaakunikwe taan chipaa iteyihtaakun chika miywaachimikunaawaau, kaye chika chisteyihtaakuhiikunaawaau kaye chika chishtaachimikunaawaau miin takushihke Jesus Christ.

1 Peter 2:13

Nanihiihtamukw misiwe aschiiyuu tipeyihchewin. Utipeyihchikeu ihtuutamuwaahkw uyuu. Nanihiihtuwaahkw chisheuchimaau kaye nanihiihtuumh misiwe utaapachihaakan, wesh eukw uchii naakaanapitwaau.