Matthew 6:14 - Chishemanituu Utayimuwin: Kaa Uskaach Testament

¹⁴ “Ekw maak miin kaa itwet wepeyihtamuutwaawenich kutakach taan kaa ishi wanituutaaskwaau, Kuuhtaawii kihchikiishikuhch kaa ihtaat chika wepeyihtamaakw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐁᒄ ᒫᒃ ᒦᓐ ᑳ ᐃᑗᑦ ᐌᐯᔨᐦᑕᒨᑣᐌᓂᒡ ᑯᑕᑲᒡ ᑖᓐ ᑳ ᐃᔑ ᐗᓂᑑᑖᔅᒀᐤ, ᑰᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᑦ ᒋᑲ ᐌᐯᔨᐦᑕᒫᒄ᙮

Matthew 6:14 Iomraidhean Croise

Matthew 5:7

Shaweyihtaakusuuch anichii kaa shaweyimaatwaau aweyuu wesh kata shaweyimikuuch Chishemanituu.

Matthew 6:12

Wepeyihtamuunaan nimachihtwaawinaanh muyaam taan kaa ishi wepeyihtamuwachihtwaau anichii kaa wanituutuuyimihtwaau.

Matthew 7:2

Wesh taan mikw che ishi kanawaapahtamuwekwe taan e ishi wiyaaskunekw awen ekun mwehch che ishi kanawaapahtahk kaye wiya Chishemanituu wiyaaskunitaakwe. Taan e ishpish miiwet awen chekwaayuu eukun mwehch che ishpish miyaakanuut.

Mark 11:25

Kaye maak tahtwaau niipuuyine e ayimihaayin, wepeyihtamuu an awen kaa wanituutaask, ekw maak Kuuhtaawii kihchikiishikuhch kaa ihtaat kaye wiya che wepeyihtamaask chimachihtwaawinh.

Luke 6:37

“Ekaawii wiyaaskunichekw, ekw maak namui chika uhchi wiyaaskunikuwaau Chishemanituu. Ekaawii nishuuwanaachimuwekw ekw maak namui chika uhchi nishuuwanaachimikuwaau Chishemanituu. Wepeyihtamaachekw ekw maak kaye chiyawaau che wepeyihtamaataakw Chishemanituu.

Ephesians 4:32

Chipaa miyutuutawaawaauch awenichii kaye chipaa yuuspaatisiinaawaau. Kaye chipaa wepeyihtamuwaawaauch awenichii muyaam taan kaa ishi wepeyihtamaatahkw Chishemanituu Christ uhchi.

Colossians 3:13

Siipiiwesiistaatukw. Wepeyihtamaatukw tahtwaau e wanituutaakuyekw. Chinituweyihtaakusinaawaau chechii wepeyihtamaatuyekw mwehch Utipeyihchikeu kaa ishi wepeyihtamaataakw.

James 2:13

Awen ekaa kaa chistimaacheyimaat kutak aweyuu namui kaye wiya kata uhchi chistimaacheyimaakanuu iskutak wiyaaskunaakanuute. Mikw maak an awen kaa chistimaacheyimaat kutak aweyuuh namui kata uhchi kushtaachuu chechii wiyaaskunaakanuut.

1 John 3:10

Awen ekaa kaa kuiskutaatisiit maak ekaa saachihaat wiichishaan, namui utawaashiimitutaakuu Chishemanituuh. Ekut wehchi chischeyimaakanuut awen aweyuu wetawaashiimitutaakut, Chishemanituu maak machimanituu.