Matthew 6:10 - Chishemanituu Utayimuwin: Kaa Uskaach Testament

¹⁰ Nitayimihaanaan kaye chuuchimaawin che utihchipayihch, kaye chititeyihtamuwin chechii ihtuutaakanuuhch utah aschiihch muyaam e ishi ihtuutaakanuuhch anite kihchikiishikuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᓂᑕᔨᒥᐦᐋᓈᓐ ᑲᔦ ᒎᒋᒫᐎᓐ ᒉ ᐅᑎᐦᒋᐸᔨᐦᒡ, ᑲᔦ ᒋᑎᑌᔨᐦᑕᒧᐎᓐ ᒉᒌ ᐃᐦᑑᑖᑲᓅᐦᒡ ᐅᑕᐦ ᐊᔅᒌᐦᒡ ᒧᔮᒻ ᐁ ᐃᔑ ᐃᐦᑑᑖᑲᓅᐦᒡ ᐊᓂᑌ ᑭᐦᒋᑮᔑᑯᐦᒡ᙮

Matthew 6:10 Iomraidhean Croise

Matthew 12:50

Muyaam nikaawii kaye niichishaanich kaye niichishaaniskwemach nititeyimaauch anichii kaa ihtuutahkwaau Nuuhtaawii kihchikiishikuhch kaa ihtaayich utiteyihtamuwiniyuu.”

Matthew 16:28

Chiwiihtamaatinaawaau, taapwe e ihtaatwaau utah awenichii eshkw che pimaatisiitwaau iskutak utihchipayihche che takushiniyich Iinuu Ukusisa che pechi chisheuchimaawiyich.”

Matthew 26:42

Ekw miin kaa nituu ayimihaat Jesus kaa itwet, “Nuuhtaawii ekaa chechii iichenikanuukwe uu che ishi wiisacheyihtamaan ekun kiipaa che ishi ihtuutamaan, chiya chititeyihtamuwin chechii ihtuutaakanuuhch.”

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Matthew 7:21

“Namui misiwe awen kaa pechi ishinihkaasit, ‘Utipeyihchikeu, Utipeyihchikeu,’ chika uhchi piihcheu kihchikiishikw chisheuchimaawinihch, anichii eukw kaa ihtuutahkwaau taan e ishi nituweyimikutwaau Nuuhtaawii kihchikiishikuhch kaa ihtaayich eukunich anichii che piihchetwaau.”

Mark 11:10

Shaweyihtaakusuu an tepeyihchichet, an aniyaanaa chitaanische chimushuuminuu David e ihtaayich kaa uhchi aanische pimaatisiit. Maamihchimaataau Chishemanituu maauch kaa ispeyihtaakusit.”

Mark 3:35

An awen che ihtuutamukwe Chishemanituu utiteyihtamuwiniyuu eukun an wiichishaaniyaan kaye eukun an wiichishaaniskwemiyaan kaye eukun an wekaawiyaan.”

Luke 19:11

Wetaach maak chii ati peshuwaapahtamuch Jerusalemiyuu anichii iinuuch e nuushuushkuwaatwaau Jesus. Aniyuu maak taan kaa ishi waawiihtamaakutwaau Jesus chii iteyihtamuch taapwe shaash tiiwehch che nuukuniyich Chishemanituu uchisheuchimaawiniyuu. Ekw maak Jesus uyuu chischinuhamaacheu tipaachimuwiniyuu kaa wiihtamuwaat mekwaach e ati pimuhtetwaau. Chii itweu maak,

Luke 19:38

Eukw maak uyuu kaa itwetwaau e maamihchimaatwaau Chishemanituu, “Shaweyihtaakusuu uu chisheuchimaau kaa pechi itishahukut Utipeyihchikeu, chechii ihtuutahk aniyuu kaa itashumaakanuut. Ihtakun chiyaameyihtamuwin kihchikiishikuhch. Kaye maak kata wii maamihchimaakanuu Chishemanituu maauch kaa chisteyihtaakusit.”

Luke 22:42

Kaa itwet, “Nuuhtaa, pechi iichenamuu uu taan nipaa ishi wawiisacheyihten, mikw maak chii chititeyihtamuwin chika wii ihtuutaakanuu, namui niya nititeyihtamuwin.”

John 4:34

Jesus kaa itaat, “Chechii ihtuutamuch utiteyihtamuwin an kaa pechi itishahuut kaye chechii chiishihtaauch aniyuu kaa ishi nituweyimit chechii ihtuutamuch eukun an mwehch nimiichim e iteyihtamaan.

John 6:40

Wesh eukw uyuu Nuuhtaawii utiteyihtamuwin, misiwe aweyuu kaa waapamaayich kaye kaa taapweyimaayich Ukusisimaau kaachiche pimaatisiiwiniyuu chechii ayaayich. Niya maak che wanishkaanak maahchishtai chiishikaache.”

John 7:17

An maak awen suuhk wii ihtuutamuwaate Chishemanituu utiteyihtamuwiniyuu, aniyuu taan e ishi chischinuhamaacheuch ekut che uhchi chischeyihtahk Chishemanituuh kaa pechi itashumiikwen aniyuu chechii ishi chiskutamaacheuch maak mikw niya nititeyihtamuwinihch wehchipayiyikwe.

ᐊᐸᔅᑕᓚᒡ 13:22

ekw David kaa miiskuchishkuwaat Saul, David kaa chisheuchimaauhiikut Chishemanituu. Chii iteu maak Chishemanituu, David, Jesse ukusisa, eukw meyeyimak naapeu e iteyihtaakusit e ihtuutahk misiwe taan e ishi nituweyimak chechii ihtuutahk.

ᐊᐸᔅᑕᓚᒡ 21:14

Namui maak nuuhchii nakaanaanaan, ekw mikw kaa itachiht, “Ekute kiipaa puut che ishinaakuhch. Tepiyaahch Utipeyihchikeu utiteyihtamuwin ispayiyiche.”

ᐊᐸᔅᑕᓚᒡ 22:14

ekw kaa iishit, ‘Aniyuuh Chishemanituu kaa taapweyimaatwaau aniyehkaanaanich chimushuuminuuch, chichii wiyaapamukw chechii chischeyihtamut taan e ishi nituweyihtahk che ihtinaanuyich utah aschiihch, kaye chechii waapamat aniyuu Christ kaa kuiskutaatisiyich kaye chechii pehtuumat e ayimihiisk.

Romans 12:2

Ekaawii nispituwaahkuch taan e ishi pimaatisiitwaau anichii ekaa kaa taapweyimaatwaau Chishemanituuh. Teyakuch pachishtinaakw Chishemanituu aahchiiuh chechii iteyihtaakuhiitaakw e uschihtaat taan e ishi maamituneyihtamuwekw. Ekw maak che chischeyihtamuwekw Chishemanituu utiteyihtamuwin, chika chischeyihtenaawaau chekwaan meywaashiyich kaye chekwaayuu neheyihtamihiikut Chishemanituu, kaye maak aniyuuh chekwaayuuh mitun tekash e kuiskunaakuhkwaauh.

Ephesians 6:6

Ekaawii mikw e kanawaapamisk kuuchimaam suuhk wii aapatisih muyaam mikw naapeuh kaa wii nanihiiwehaat chechii ishinaakusiyin wesh Christ utaapachihaakanh nituweyihtaakusiyuu mitun utehiihch chechii uhchi ihtuutamiyich Chishemanituuh utiteyihtamuwiniyuu.

Colossians 1:13

Chichii wiihkuchihiikunuu taan aniyuuh kaa ishi tipeyimikuuhk wanitipiskusiiwiniyuu miiskuch aniyuu naashch kaa saachihaat Uukusisa uchimaawiniyuu ekw chechii tipeyimikuuhk.

Colossians 1:9

Iishpin maak kaa pechi itaachimushtaakuyaahch Epaphras misiwe uyuu taan kaa ishi chischeyihtamihiitaakw Chishemanituu chipimaatisiiwiniwaahch muush chitayimiheshtamaatinaan. Namui nipuuniinaan e ayimiheshtamaataahch. Muush nitutamuwaanaan Chishemanituu tekash chechii chischeyihtamuwekw utiteyihtamuwin. Mitun tekash chechii ayaayekw kachehtaaweyihtamuwin ekw maak nishituhtamuwin taan aniyuuh e ishi miiwet Payehchi Ahchaahkw chechii chischeyihtamekw uu.

1 Thessalonians 4:3

Wesh Chishemanituu aniyuu utiteyihtamuwin chechii payehchisiiwekw kaye ekaa mitun wiinisuwaatisiwin chechii ihtakuhch chipimaatisiiwiniwaahch.

1 Thessalonians 5:18

Mikw taan che ispayuwekwe muush nanaaskumukw. Wesh eukw uyuu e ishi pukuseyimitaakw Chishemanituu chechii ihtuwekw e wiicheumekw Christ Jesus.

Hebrews 1:14

Ahchaahkuch maak enchilich. Chishemanituu itishahukuuch chechii waawiichihaatwaau aniyuu che pimaachihaakanuyich.

Hebrews 10:36

Chinituweyihtaakusinaawaau chechii siipiiwesiyekw ekw maak chechii ihtuutamuwekw Chishemanituu utiteyihtamuwin kaye chechii miskamuwekw aniyuu kaa itwet cheshtinaash che miitaakw.

Hebrews 10:7

Chichii ititin maak, ‘Chishemanituu, nichii takushin chechii ihtuutamaan chititeyihtamuwin, muyaam taan e itashtech chitayimuwinihch nipaa ihtin.’ ”

Hebrews 13:21

Mistahii chichii ihtuutamaakuwaau Chishemanituu Jesus uhchi ekw maak netutamuuk chechii miitaakw misiwe aniyuu kaa miywaayikwaau chekwaayuu e ishi nituweyihtamekw chechii ihtuutamuwekw utiteyihtamuwin. Nitayimihaau kaye chechii aapatisit anite chipimaatisiiwiniwaahch ekw maak chechii naniheyihtamihiikut aniyuu e itaatisiiwekw. Muush maak maamihchimaataau Jesus Christ kaachiche kaye kaachiche. Amen.

1 Peter 2:15

Wesh eukw uyuu Chishemanituu utiteyihtamuwin, naashch chechii miyunaakuhkwaau chipimaatisiiwinawaau ekaa mitun nitamukw chechii ishi aayimuutahkwaau miywaachimuwiniyuu anichii ekaa kaa chischeyihtahkwaau taan e ishi chiishkwe ayimitwaau.

1 Peter 4:2

Ekw maak taan eshkw che ishpish pimaatisiikwe utah aschiihch namui ekw chipaa uhchi tipeyimikuu wiya taan e ishi mushteneyihtahk tipiiwe chechii itaatisiit maak uste Chishemanituu taan e ishi nituweyimikut eukw aniyuu chipaa wii nanaakatuweyihtamihiikuu chechii ihtuutahk.

Revelation 11:15

Ekw miin kutak enchil kaa puutaatahk upuutaachikan. Eukw uu niishwaashch kaa ihtaat enchil. Nichii pehtawaauch maak awenichii e chishewetwaau, anite kihchikiishikuhch e ayimitwaau e itwetwaau, “Ekw wetinamaasut Chitipeyihchikeminuu kaye aniyuuh kaa pechi itishahwaat chechii uchimaautwaau utah aschiihch. Wiya maak Utipeyihchikeu chika uchimaau kaachiche kaye kaachiche.”

Revelation 12:10

Ekw maak kaa pehtuuk awen e chishewet anite kihchikiishikuhch e ayimit. Chii iteu, “Ekw maak wiyaapahtamaahch Chishemanituu che pimaachihaat utiiniimh. Chii waapahtiiweu taan e ishpish suuhcheyihtaakusit chechii chisheuchimaaut kaye niwaapahtamuwaanaan taan e ishi ihtakuniyich chechii tipeyihchicheyihch aniyuuh Christ kaa pechi itishahwaat. Wesh an e chiishikaayich kaye e tipiskaayich muush kaa mamishimaat Chishemanituu utiiniimiyuuh uhchishkuu Chishemanituu e ihtaayich shaash chii niihchiwepinaakanuu.

Revelation 19:6

Ekw kaa pehtuukwaau e mihchetuwetahkwaau awenichii muyaam nipii e chisheweyaachuuhch kaye muyaam nimischuuch e pehtaakusitwaau e itihtaakusitwaau. Chii iteuch, “Hallelujah, Utipeyihchikeu Chishemanituu maauch kaa suuhkaatisiit wiya tepeyihchicheu.

Revelation 20:4

Ekw miin kutach chekwaan kaa waapahtiikuyaan. Chisheuchimaau tehtapuwinh nichii waapahten. Chii ihtaauch maak anichii kaa apitwaau aniyuuh chisheuchimaau tehtapuwinh. Chii miiyaakanuuch uchii chechii wiyaaskunichetwaau. Ekw kaa waapamakwaau anichii ahchaahkuch kaa chimikwekuhwaakanuwaakupanenich aniyuu uhchi e chii tipaachimaatwaau Jesus taan kaa ihtiyich kaye maak e chii wawiihtamuwaatwaau Chishemanituuh utayimuwiniyuu. Namui uhchi nuuchiishtuwewaakupanenich wiyawaau aniyuuh machi aweshiisa maak aniyuuh manituuhkaan mwehch an machi awesiis e ishinaakusit kaa ishihaakanuyich. Namui kaye uhchi ayaaweuch aniyuu uchischinuwaachihchikaniyuu uskahtikuwaahch maak unihiiwinitihchiiwaahch. Kaau chii pimaatisiyuuch uchii ekw kaa tehtapitwaau aniyuuh chisheuchimaau tehtapuwinh. Chii wiich chisheuchimaaumeuch maak Jesus peyakwaau chishemitaahtumitanuu pipun ishpish.