Matthew 5:7 - Chishemanituu Utayimuwin: Kaa Uskaach Testament

⁷ Shaweyihtaakusuuch anichii kaa shaweyimaatwaau aweyuu wesh kata shaweyimikuuch Chishemanituu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᔕᐌᔨᐦᑖᑯᓲᒡ ᐊᓂᒌ ᑳ ᔕᐌᔨᒫᑣᐤ ᐊᐌᔫ ᐌᔥ ᑲᑕ ᔕᐌᔨᒥᑰᒡ ᒋᔐᒪᓂᑑ᙮

Matthew 5:7 Iomraidhean Croise

Mark 11:25

Kaye maak tahtwaau niipuuyine e ayimihaayin, wepeyihtamuu an awen kaa wanituutaask, ekw maak Kuuhtaawii kihchikiishikuhch kaa ihtaat kaye wiya che wepeyihtamaask chimachihtwaawinh.

Luke 6:35

Maaute chipaa ihtin, chipaa saachihaauch anichii kaa macheyimiskwaau, kaye chipaa miyutuutawaauch, chipaa miyaauch kaye chekwaayuu e ishi nituweyihtamaaskwaau. Namui chipaa uhchi pukuseyihten miin chechii chiiwemiikuyin, che mishaach maak chitipahamaakusiiwin. Kaye maak uu ihtuutamane chika nuukun e utawaashiimitutaask Chishemanituu, maauch kaa ispeyihtaakusit. Wesh miyutuutaweu misiwe aweyuu aat aniyuu ekaa kaa nanaaskumuyich kaye aniyuu kaa machihtwaayich.

Romans 11:30

Namui kuuhchi nanihiihtuwaawaau Chishemanituu anite utaahch chiyawaau ekaa Jewa kaa itiskaanesiyekw. Aniyuu maak anuhchiish ekaa nanihiihtuwaatwaau anichii Jewa kaa itiskaanesitwaau ekun wehchi chistimaacheyimitaakw Chishemanituu.

1 Corinthians 7:25

Ekw maak anichii uschiniichuuch ekaa kaa uwiichimaakanitwaau waa ayimihiikwaau. Uu maak che ishi wiihtamaatakuch namui Utipeyihchikeu uhchi itashuweu. Niya ekun e iteyihtamaan chipaa miywaau ihtiyekw uu che ititakuch. Nitepicheyihtaakusin maak chechii taapweucheyimiyekw wesh Chishemanituu nichii chistimaacheyimikw.

2 Corinthians 4:1

Naashch taapwe nichii shaweyimikunaan Chishemanituu uyuu aapatisuwiniyuu e chii miiyimiht. Eukw maak wehchi ekaa wii puuniyaahch.

Ephesians 4:32

Chipaa miyutuutawaawaauch awenichii kaye chipaa yuuspaatisiinaawaau. Kaye chipaa wepeyihtamuwaawaauch awenichii muyaam taan kaa ishi wepeyihtamaatahkw Chishemanituu Christ uhchi.

Colossians 3:12

Chiyawaau Chishemanituu kaa wiyaapamitaakw kaa payehchisiyich utiiniimh kaye kaa saachihaat, chishewaatisiikw, chistimaacheyimaahkuhch awenichii, tipihteyimisukw, yuuspaatisiikw kaye siipiiwesiikw.

1 Timothy 1:13

aat naashch e chii aahkwaateyihtaakusuuch nanaahkuu e chii ishi mamaayeyimak kaye e chii papaashtaamak kaye e chii nanehkaachihiik. Mikw maak yaapach nichii chistimaacheyimikw wesh an kaa ishpish chii aanuwehtamaan namui nuuhchi chischeyihten taan nihaau kaa ihtiyaan.

1 Timothy 1:16

Aat maak niya maauch e chii machaatisiyuuch nichii weyuuch chishewaatutaakw Chishemanituu chechii nuukuhtaat taan chechii ishpish weyuuch siipiiwesiistuwaat aniyuuh che taapweyimikut kaye maak che ayaayich kaachiche pimaatisiiwiniyuu.

Hebrews 4:16

E ayaauhkw maak chisheayimiheuchimaau uyuu e iteyihtaakusit namui wiiskaat chipaa uhchi sechisinaanuu chechii naatahkw Chishemanituu, an muush waa miyutuutamaatahkw. Naatahkwe chika miyutuutamaakunuu kaye chika wiichihiikunuu iskutak nitaweyihtamuhkwe chechii wiichihiikuyihkw mekwaach nachishkamuhkwe e aayimihch.

Hebrews 6:10

Ehe, chitaapweucheyimitinaawaau e chii pimaachihuyekw. Nichischeyimaau Chishemanituu kuiskw e ihtuutawaat misiwe aweyuuh. Chichischeyimikuwaau taan kaa ishi miyutuutamuwekw kaye taan kaa ishi nuukuhtawekw e saachihekw e chii wiichihiimekw kaa taapwehtamiitwaauh kaye eshkw e wiichihiimekw. Namui maak chika uhchi wanichischisuu uyuu.

James 2:13

Awen ekaa kaa chistimaacheyimaat kutak aweyuu namui kaye wiya kata uhchi chistimaacheyimaakanuu iskutak wiyaaskunaakanuute. Mikw maak an awen kaa chistimaacheyimaat kutak aweyuuh namui kata uhchi kushtaachuu chechii wiyaaskunaakanuut.

James 3:17

An maak kachehtaaweyihtamuwin ishpimihch kaa uhchipayihch niishtam tekash payehkan, ekw miin e chiyaameyihtaakuhiiwemakahch, yuuspeyihtaakuhiiwemakahch, kaye ihtuutaakuu awen yaakwaau chechii nituhtawaat aweyuuh. Awen e ayaat uyuu kachehtaaweyihtamuwiniyuu naashch kata weyuuch chishewaatutaweu aweyuuh kaye mistahii chika miyutuutamaacheu, peyakunihch chika ishi kanawaapameu misiwe aweyuuh kaye namui mitun chika uhchi wii kakaataau taan nihaau e iteyihtaakusit.

1 Peter 2:10

Anite weskach namui kuuhchi utiiniimitutaakuwaau Chishemanituu ekw maak anuhchiish weutiiniimitutaataakw. Anite weskach namui chuuhchi chistimaacheyimikuwaau ekw maak anuhchiish ekw chestimaacheyimitaakw.