Matthew 5:6 - Chishemanituu Utayimuwin: Kaa Uskaach Testament

⁶ Shaweyihtaakusuuch anichii kaa siiweyitutahkwaau kaye kaa nuuhteyaapaakwetutahkwaa kuiskutaatisiiwiniyuu, wesh Chishemanituu tekash chika chiishpuhiikuuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᔕᐌᔨᐦᑖᑯᓲᒡ ᐊᓂᒌ ᑳ ᓰᐌᔨᑐᑕᐦᒀᐤ ᑲᔦ ᑳ ᓅᐦᑌᔮᐹᑴᑐᑕᐦᒀ ᑯᐃᔅᑯᑖᑎᓰᐎᓂᔫ, ᐌᔥ ᒋᔐᒪᓂᑑ ᑌᑲᔥ ᒋᑲ ᒌᔥᐳᐦᐄᑰᒡ᙮

Matthew 5:6 Iomraidhean Croise

Luke 1:53

Chii weyuuch miyeu taan e ishi nituweyihtamiyich aniyuu kaa chistimaatisiyich ekw aniyuuh kaa miisitisiyich chii iichetishahweu ekaa chekwaayuu ayaayich.

Luke 6:21

Chishaweyihtaakusinaawaau chiyawaau kaa nuuhtehkateyekw anuhchiish, wesh chika chiishpuhiikunaawaau. Chishaweyihtaakusinaawaau chiyawaau kaa maatuuyekw anuhchiish, wesh chika paahpinaawaau.

Luke 6:25

Yaakwaakw chiyawaau kaa tepimiichisuyekw anuhchiish, wesh chika nuuhtehkatenaawaau. Yaakwaah chiyawaau kaa paahpiyekw anuhchiish, wesh chika maatuunaawaau.

John 4:14

Awen maak che minihkwekwe aniyuu nipiiyuu che miyak chechii minihkwet, namui wiiskaat miin chika uhchi paahkutaahtam. Wesh an nipii che miiweyaan kata piihchishkaakuu muyaam e uhchi muuschichuuniyich kata ishinaakuniyuu, eukw maak uu kaa pimaachihiiwemakahch nipii anit chechii uhchi ayaat awen kaachiche pimaatisiiwiniyuu minihkwete.”

John 6:27

Ekaawii aapatisikw mikw e wii uhchistamaasuyekw miichim an che wiinipayihch, teyakuch wii uhchistamaasuk an miichim kaachiche che ihtakuhch. Iinuu Ukusisa chika miikuwaau miichimiyuu ekaa nihtaa che uhchi wiinipayihch. Wesh Chishemanituu Uhtaawiimaau chii nuukuhtaau taapwe e naheyimaat.”

John 7:37

An maahchishtai e chiishikaach an kaa makushaanuuhch eukw maauch kaa chisteyihtaakuhch. Eukw maak aniyuu e chiishikaayich Jesus kaa pisikuut e chishewet e itwet, “Awen e nuuhteyaapaakwekwe nika pechi nituwaapamukw ekw maak che minihiik.

Revelation 7:16

Namui maak miin wiiskaat kata uhchi siiweyuuch. Namui miin wiiskaat kata uhchi nuuhteyaapaakweuch. Namui kata uhchi ishkwaasukuuch piisim maak chekwaayuu e mista chishiteyich.