Matthew 5:48 - Chishemanituu Utayimuwin: Kaa Uskaach Testament

⁴⁸ Muyaam Kuuhtaawii kihchikiishikuhch kaa ihtaat kaa ishpish tekash mitunisiit ekun mwehch kaye chiya chipaa ishi mitunisiin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁸ ᒧᔮᒻ ᑰᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᑦ ᑳ ᐃᔥᐱᔥ ᑌᑲᔥ ᒥᑐᓂᓰᑦ ᐁᑯᓐ ᒬᐦᒡ ᑲᔦ ᒋᔭ ᒋᐹ ᐃᔑ ᒥᑐᓂᓰᓐ᙮

Matthew 5:48 Iomraidhean Croise

Matthew 5:16

Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

Matthew 5:45

ekw maak che ukusitutaataakw an Kuuhtaawaau anite kihchikiishikuhch kaa ihtaat. Wesh taapishkun miyeu aniyuuh kaa machituutamiyich kaye kaa miyutuutamiyich chechii waashtenamaakuyich piisim, kaye taapishkun miyeu e chimuuniyich aniyuu kaa miyutuutamiyich kaye aniyuu kaa machituutamiyich.

Matthew 5:47

Kaye maak mikw chiwiichewaakanich ayimihiitwaawenich, chekwaan e ihtuutaman anit uhchi ekaa ihtuutahkwaau kutakach awenich. Wesh misiwaach ekun e ihtitwaau anichii ekaa kaa taapweyimaatwaau Chishemanituu.

Luke 6:36

Chistimaacheyimuwe kaye chiya mwehch Kuuhtaawii kihchikiishikuhch kaa ihtaat kaa ishpish chistimaacheyimuwet.”

Luke 6:40

An kaa chischinuhamuwaakanuut awen namui wii uste iteyihtaakusuu e iteyihtaakusiyich aniyuu kaa chischinuhamaakut. Wesh iskutak chiishi chiskutamuwaakanuute ekun che iteyihtaakusit mwehch aniyuu kaa chischinuhamaakut.

2 Corinthians 13:11

Ekw maak niichishaanitikw, waachiye chititinaawaau. Suuhk kuchihtaakw nihaau chechii iteyihtaakusiyekw e ishi nituweyimitaakw Chishemanituu chechii iteyihtaakusuwekw. Yaakwaau nituhtamukw taan e ishi siihchimitakuch. Suuhk peyakunihch wii ishi pimaatisiikw. Suuhk miyu wiicheutukw. Chishemanituu an kaa saachihiiwet kaye kaa ayaat chiyaameyihtamuwiniyuu chika wiicheukuwaau.

2 Corinthians 13:9

Nimiyeyihtenaan anit mekwaach ekaa siyaapisiyaahch niyaan ekut chiyawaau siyuuhchikaapuyekw Utipeyihchikeu e ihtaat. Nitutamuwaanaan Chishemanituu chechii nihtaauchiyekw wiya ishi e ihtaat.

2 Corinthians 7:1

Niwiichewaakanitikw, misiwe taan kaa itwet Chishemanituu cheshtinaash che ihtuutamaatahkw taapwe kata ihtuutam. Payehchihiisutaau maak ekaa mitun chechii ihtakuhch machihtwaawin chiiyuunaahch kaye chitahchaahkunaahch. Wesh ekut e nuuhkuhtaayihkw e nanihchiishtuuhkw Chishemanituu tekash e pachishteyimisuyihkw chechii atushkuukw.

Ephesians 3:1

Niya Paul, e atushkuuk Jesus Christ kaye maak e waawiichihiitakuch chiyawaau ekaa Jewa kaa itiskaanesiyekw eukuu wehchi ihtaayaan chipahutuukamikuhch.

Colossians 1:28

Ekw maak misiwe awen e aayimuutamuwachiht Christ. Misiwe maak kachehtaaweyihtamuwin kaa ishi miikuuyaahch nitayaakwaamimaanaanich taan aniyuuh ekaa chipaa uhchi ihtuuch kaye suuhk niwii chischeyihtamihaanaanich taan aniyuuh chipaa ihtuuch. Uyuu maak e ihtuutuwachihtwaau eukw uyuu anite Chishemanituu ishi e ihtaayich chechii ituhtahiichihtwaau mitun e chiishi nihtaauchitwaau anite Christ ishi e ihtaayich.

Colossians 4:12

Miin kutak awen e ihtaayekw e uhchiit chiwaachiyemikuwaau eukw uu Epaphras. Kaye wiya atushkuweu Christ Jesus. Muush suuhk chitayimiheshtamaakuwaau e nitutamuwaat Chishemanituuh chechii yaaichikaapuuhiitaakw tekash e nanihiihtamuwekw utiteyihtamuwiniyuu mwehch e ihtitwaau anichii kaa chiishi nihtaauchitwaau kaye tekash kaa taapweyimaatwaau Jesus.

James 1:4

Yaaitei chika wii ihtuutaakunaawaau siipiiwesiiwin mitun chechii shaapushkamekw taan che ishi nanachishkamuwekwe. Ekw maak che mitunesiyekw, e misiwesiyekw chika ishinaakusinaawaau, namui mitun chika uhchi nuuhtaashkenaawaau taan chipaa iteyihtaakusinaawaau.

1 John 3:3

Misiwe maak awen uyeyuu kaa ishi aspeyimut nanaakataweyimisuu chechii payehchisiit mwehch Christ e ishi payehtisiyich.