Matthew 5:47 - Chishemanituu Utayimuwin: Kaa Uskaach Testament

⁴⁷ Kaye maak mikw chiwiichewaakanich ayimihiitwaawenich, chekwaan e ihtuutaman anit uhchi ekaa ihtuutahkwaau kutakach awenich. Wesh misiwaach ekun e ihtitwaau anichii ekaa kaa taapweyimaatwaau Chishemanituu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᑲᔦ ᒫᒃ ᒥᒄ ᒋᐐᒉᐙᑲᓂᒡ ᐊᔨᒥᐦᐄᑣᐌᓂᒡ, ᒉᒀᓐ ᐁ ᐃᐦᑑᑕᒪᓐ ᐊᓂᑦ ᐅᐦᒋ ᐁᑳ ᐃᐦᑑᑕᐦᒀᐤ ᑯᑕᑲᒡ ᐊᐌᓂᒡ᙮ ᐌᔥ ᒥᓯᐙᒡ ᐁᑯᓐ ᐁ ᐃᐦᑎᑣᐤ ᐊᓂᒌ ᐁᑳ ᑳ ᑖᐺᔨᒫᑣᐤ ᒋᔐᒪᓂᑑ᙮

Matthew 5:47 Iomraidhean Croise

Matthew 10:12

Iskutak maak e ati piihcheyekw an waaskaahiikan che waachiyemekuch chiyaameyihtamuwinihch ishi e shaweyimekuch.

Matthew 5:20

Chiwiihtamaatinaawaau maak, eukw mikw chechii piihcheyekw an kihchikiishikw chisheuchimaawin etituu chiyawaau kuiskutaatisiyekwe ishpishaat anichii kaa chiskutamaachetwaau wiishuwewiniyuu kaye anichii Phariseech.”

Matthew 5:46

Chekwaayuu chipaa uhchi miikw Chishemanituu chikaaniyuwiniyuu mikw saachihiitwaau anichii awenichii kaa saachihiiskwaau. Wesh ekun misiwaach e ihtitwaau anichii kaa machituutahkwaau.

Matthew 5:48

Muyaam Kuuhtaawii kihchikiishikuhch kaa ihtaat kaa ishpish tekash mitunisiit ekun mwehch kaye chiya chipaa ishi mitunisiin.”

Luke 6:32

“Chekwaan aa naashch chipaa ishinaakun mikw anichii awenichii kaa saachihiiskwaau saachihiitwaau, wesh ekun e ihtitwaau kaye wiyawaau umachihtwaauch mikw aniyuu aweyuu kaa saachihiikutwaau saachiheuch.

Colossians 4:14

Luke naashch kaa saachihiik kaa nituhkuiinaapatisit ekw maak Demas chiwaachiyemikuwaauch kaye wiyawaau.

Colossians 4:15

Wiihtamuwaahkuch e waachiyemakwaau chiichishaanuuch Laodicea kaa ishinihkaateyich ihtaawiniyuu kaa ihtaatwaau. Nympha kaye waachiyemaahkw ekw maak anichii umaamuuayimihaauch Nympha wiichiihch kaa ayimihaatwaau maanh.

1 Peter 2:20

Wesh taapaa chekwaan chiwiichihiikuun e waweshihiikuyin e chii machituutaman. Mikw maak Chishemanituu chika naheyihtamihaau, nanehkaachihiikuyine e chii miyutuutaman uhchi.