Matthew 5:44 - Chishemanituu Utayimuwin: Kaa Uskaach Testament

⁴⁴ Mikw maak chititinaawaau niya, saachihaahkuch anichii kaa uhkaatitaakuch kaye ayimiheshtamuwaahkuch anichii kaa nanehkaachihiitaakuch,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᒥᒄ ᒫᒃ ᒋᑎᑎᓈᐙᐤ ᓂᔭ, ᓵᒋᐦᐋᐦᑯᒡ ᐊᓂᒌ ᑳ ᐅᐦᑳᑎᑖᑯᒡ ᑲᔦ ᐊᔨᒥᐦᐁᔥᑕᒧᐙᐦᑯᒡ ᐊᓂᒌ ᑳ ᓇᓀᐦᑳᒋᐦᐄᑖᑯᒡ,

Matthew 5:44 Iomraidhean Croise

Luke 23:34

Ekw Jesus kaa itwet, “Nuuhtaa, wepeyihtamuuch, wesh namui chischeyihtamuch taan e ihtitwaau.” Ekw anichii shimaakanishach kaa chaahkahuututwaau, ekut kaa uhchi wiyeyihtahkwaau aweyuu che ayaayich aniyuuh uchekwaanimiyuuh.

John 13:34

E uskaach kacheskwewin chimiitinaawaau eukw uu chechii saachihiituyekw. Muyaam taan e ishpish saachihiitakuch ekun chipaa ishpish saachihiitunaawaau.

ᐊᐸᔅᑕᓚᒡ 16:28

Paul maak chii tepwaateu e itaat, “Ekaawii wiyesh ihtuutaasuu misiwe wesin eshkw ekut utah e ihtaayaahch.”

ᐊᐸᔅᑕᓚᒡ 7:60

Stephen chii niipiskuupuu, e taachikwemaatuut e itwet, “Utipeyihchikeu, wepeyihtamuuch umachihtwaawinawaau.” Uyeyuu kaa ihtuutuutwaau ekaawii kata wii maahtakushkaakuuch. Eukw uyuu kaa itwet, ekw maak kaa nipit.

Romans 12:14

Shaweyimaahkuch anichii kaa wanituutaataahkuch. Shaweyimaahkuch, ekaawii machaachimaahkuch.

1 Thessalonians 5:15

Namui yaaitei chipaa uhchi taapishtuwaawaau awen e wanituutaataakw teyakuch muush chipaa miyutuutaatunaanuu kaye misiwe kutakach awenich.

1 Peter 2:23

Kaa maayeyimaakanuut namui yaaitei uhchi taapishtaau taan kaa ishi maayeyimaakanuut. Kaa nanehkaachihaakanuut namui uhchi wii sasechimuweu e aayimuutahk taan chechii ishi taapishtaat. Uste tekash chii aspeyimututaweu aniyuu kaa cheshtinaateyihtaakusiyich cheshtinaash kuiskw che ishi wiyaaskunicheyich.

1 Peter 3:9

Ekaawii yaaitei wii taapishtaa awen e wanituutaask maak e mamaayeyimisk. Yaapach uste miyutuutamuu kaye ayimihchike chechii shaweyimikut Chishemanituu wesh eukw uu kaa ishi wiyaapihtaakanuuhch chipimaatisiiwin chechii ishinaakuhch. Ekut chechii uhchi aanische miikawiyin shaweyihchichewin.