Matthew 5:41 - Chishemanituu Utayimuwin: Kaa Uskaach Testament

⁴¹ Awen maak siihchimiske chechii wiiushuut wiiwat peyakw tipahiikan, ekush niishu tipahiikan ishpish ituhtataau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴¹ ᐊᐌᓐ ᒫᒃ ᓰᐦᒋᒥᔅᑫ ᒉᒌ ᐐᐅᔔᑦ ᐐᐗᑦ ᐯᔭᒄ ᑎᐸᐦᐄᑲᓐ, ᐁᑯᔥ ᓃᔓ ᑎᐸᐦᐄᑲᓐ ᐃᔥᐱᔥ ᐃᑐᐦᑕᑖᐤ᙮

Matthew 5:41 Iomraidhean Croise

Matthew 27:32

Mekwaach maak e ati wiiwiitwaau aniyuu ihtaawiniyuu, chii nachaheuch naapeuh Simon e ishinihkaasuyich Cyrene kaa ishinihkaateyich ihtaawiniyuu e uhchiyich. Eukw uyuu kaa aayihkamihaatwaau chechii wanikaatihwaayich Jesus utaashiteyaahtikumiyuuh.

Matthew 5:40

Maak awen ituhtahiiske wiyaaskunicheukamikuhch itisk chechii chiishiihkaasuyin chipachuyaaniyuu e nituweyihtamaask ekush mii chechii ayaat kaye aniyuu chitakuhpiyuu.

Matthew 5:42

Kaye awen nituweyihtamaaske chekwaayuu, mii. Maak awen wii auhaasuumiske chekwaayuu, mii aniyuu chekwaayuu waa uhaasumisk.”

Mark 15:21

Simon e ishinihkaasut naapeu Cyrenehch e uhchiit nihaau anit chii pechi pimuhteu, wiiwiitamihch anite aniyuu ihtaawiniyuu e uhtuhtet. Eukw uyuu kaa uhtaawiitwaau Alexander ekw maak Rufus. Eukw maak uyuu naapeu anichii shimaakanishach kaa aayihkamihaatwaau chechii pimuhtahaayich Jesus utaashiteyaahtikumiyuu.

Luke 23:26

Mekwaach maak e ati pimuhtahaatwaau Jesus anite che chiistaaskuhwaakanuyich, chii nachishkaweuch naapeu Simon e ishinihkaasuyich, Cyrene ihtaawinihch e uhchiyich, mekwaach utenaahch e wii pechi ituhteyich. Chii maakuneuch maak kaa miyaatwaau aniyuu aashiteyaahtikw chechii wanikaatihwaayich, ekw kaa ati nuushuushkuwaayich Jesus.

2 Corinthians 5:14

E chischeyihtamaahch taan e ishpish saachihiikuyaahch Jesus Christ eukw uu e shiihchimikuyaahch uu chechii itaapatisiyaahch. Wesh Chichischeyimaanuu wiya e chii nipuushtamuwaat misiwe aweyuuh ekw maak chechii ishi kanawaapahtaakanuuhch misiwe awen e chii nipit.