Matthew 5:37 - Chishemanituu Utayimuwin: Kaa Uskaach Testament

³⁷ Mikw ehe maak namui chipaa itwen, kutach maak chekwaan itweyine e nituweyihtaman chechii taapwehtaakuyin, machimanituu e ihtaat uhchipayuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᒥᒄ ᐁᐦᐁ ᒫᒃ ᓇᒧᐃ ᒋᐹ ᐃᑗᓐ, ᑯᑕᒡ ᒫᒃ ᒉᒀᓐ ᐃᑗᔨᓀ ᐁ ᓂᑐᐌᔨᐦᑕᒪᓐ ᒉᒌ ᑖᐺᐦᑖᑯᔨᓐ, ᒪᒋᒪᓂᑑ ᐁ ᐃᐦᑖᑦ ᐅᐦᒋᐸᔫ᙮

Matthew 5:37 Iomraidhean Croise

Matthew 13:19

An maak awen kaa pehtahk aniyuu miywaachimuwiniyuu e aayimuutaakanuyich Chishemanituu uchisheuchimaawiniyuu ekaa maak nesituhtamukwe, muyaam an shuumin anite yaaiskanuu kaa pahchishihk ekun e ishinaakusit, machimanituu meskamikuu taan kaa ishi pehtahk ekw maak namui chii nihtaauchuu anite Chishemanituu ishi e ihtaayich.

Matthew 13:38

Ekw an nihtaauchihchikan aschii, eukuu aschii, an maak kaa miyushit shuumin eukw anichii iinuuch Chishemanituu uchisheuchimaawiniihch kaa uhchiitwaau, ekw an machinihtaauchihchikan eukw anichii iinuuch anite machimanituu e ihtaayich kaa uhchiitwaau.

Matthew 15:19

Wesh mitehiihch uhchipayiyuu machi maamituneyihtamuwin, nipahiiwewin, pisikwaatisiiwin, nitamukw ihtuwin, kachemutuwin, nanatayuwin, kaye maak paashtaamuwin.

Matthew 5:36

Ekaawii mechim chistikwaaniwaahch ishi nispitaapwekw wesh namui waawaach peyakwaapech chistikwaaniyaapiiwaauh chika chii ihtuutenaawaau chechii wiipaakwaauh maak chechii waapaakwaauh.

Matthew 6:13

Ekaawii maak ituhtahiinaan anite chechii kakwechihiikuyaahch. Pechi kanuweyiminaan taan waa ishi kakwechihiikuyaahch machimanituu. Wesh chiya chitipiyeusiyin chuuchimaawin kaye chiya chitayaan suuhkaatisiiwin kaye chisteyihtaakusuwin kaachiche kaye kaachiche. Eukw maak uyuu Jesus kaa ishi chiskutamaachet che ishi ayimihaanuyich.”

John 17:15

Namui wii chinitutamaatin chechii utinatwaau utah aschihch uhchi, chinitutamaatin chechii kanuweyimatwaau ekaa chechii pischeyimikutwaau machimanituuh.

John 8:44

Machimanituu eukw wehtaawiyekw, aniyuu e ishi nituweyimitaakw chechii ishi machituutamuwekw eukun mikw waa ihtuutamekw. Muush chii nipahiiweu kaa ishpish ihtakuniyich uyuu aschiiyuu. Namui wiiskaat uhchi nituweyihtam kuiskw chechii ishi wiihtaakuniyich chekwaayuu wesh namui mitun ihtakuniyuu taapwewiniyuu anit e ihtaat. Muush nanatayuu wesh ekun chihchiwe e itaatisiit, eukw maak an taapwe weuhtaawiitutawaat aniyuuh kaa nanatayich.

Ephesians 4:25

Ekw maak chipaa puuniinaawaau e nanataiyekw teyakuch kuiskw chechii ishi ayimihiituyekw wesh muyaam e peyakuteusiihkw chitishinaakusinaanuu anite ishi Christ e ihtaat.

Ephesians 6:16

Kaye maak muush chipaa kanuweyihtenaanuu taapwehtamuwin nakaahamaasuwin chechii ishi aapachihtaayihkw wesh ekut che uhchi aashtuwehumuhkw aniyuuh kaa ishkutewiyich akuskwah machimanituu kaa pimukuyihkw.

Colossians 3:9

Ekaawii chika uhchi nanatayimitunaawaau wesh chichii wepinenaawaau weskach kaa itaatisiyekw kaye taan kaa chii ihtiyekw,

Colossians 4:6

Muush chipaa miyuuhtaakusinaawaau kaye chipaa iipwaahkaahtaakusinaawaau e ayimiyekw ekw maak che chischeyihtamekw taan che ishi nishkweushihekw awen e wii naanituu kachesteyihtahkw taan e ishi taapwehtamuwekw.

2 Thessalonians 3:3

Tepicheyihtaakusuu maak Utipeyihchikeu chechii taapweucheyimaakanuut. Chika ihtuutaakuwaau chechii suuhchikaapuwekw neshta chika miyu kanuweyimukuwaau ekaa chechii wanaachihiitaakw machimanituu.

James 5:12

Niichishaanitikw, e itat awen cheshtinaash che ihtuutaman chekwaan ekaawii wii naspichitaapwe Chishemanituu utishinihkaasun e aapachihtaawat. Ekaawii itweh, ishpimihch e ishi taapweyin, maak kutach chekwaan chechii itweyin chechii cheshtinaashtaakusiyin taan e itweyin. E wii itweyin “Ehe,” mikw “Ehe” chipaa itwen, maak “Namui” e wii itweyin, mikw “Namui” chipaa itwen, ekw maak namui chika uhchi nishuuwanaachimukw Chishemanituu.

1 John 2:13

Chimasinahamaatinaawaau uhtaawiimaautikw e chischeyimekw an shaash e chii ihtaat aat eshkw ekaa mitun chekwaayuu uhchi ushihtaakanuyich. Chimasinahamaatinaawaau, uschiniichiitikw, e chii tepahekw machimanituu. Chimasinahamaatinaawaau, awaashitikw, wesh chichischeyimaawaau Chishemanituu uhtaawiimaau.

1 John 3:12

Namui chipaa uhchi naspituwaanuu Cain. Machimanituuh chii tipeyimikuu aniyuu kaa nipahaat wiichishaan. Chekwaayuu maak wehchii nipahaat. Chii maayaataniyuu aniyuu taan kaa ihtit wiya, chii kuiskunaakuniyuu maak wii aniyuu taan kaa ihtiyich wiichishaan.

1 John 5:18

Chichischeyimaanuu awen e chii pimaachihiikut Chishemanituuh namui chipaa uhchi machituutam. Wesh Chishemanituu Ukusiyuu kanuweyimikuu, namui maak wiyesh chii ihtuutaakuu machimanituuh.