Matthew 5:35 - Chishemanituu Utayimuwin: Kaa Uskaach Testament

³⁵ kaye ekaawii aschiihch ishi nispitaapwekw wesh ekut tiyehtashtaat Chishemanituu usith, ekaawii mechim an ihtaawin Jerusalem kaa ishinihkaatech ishi nispitaapwekw wesh eukw aniyuu utenaam Chishemanituu an kaa chisteyihtaakusit Chisheuchimaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᑲᔦ ᐁᑳᐐ ᐊᔅᒌᐦᒡ ᐃᔑ ᓂᔅᐱᑖᐺᒄ ᐌᔥ ᐁᑯᑦ ᑎᔦᐦᑕᔥᑖᑦ ᒋᔐᒪᓂᑑ ᐅᓯᑦᐦ, ᐁᑳᐐ ᒣᒋᒻ ᐊᓐ ᐃᐦᑖᐎᓐ ᒉᕉᓴᓚᒻ ᑳ ᐃᔑᓂᐦᑳᑌᒡ ᐃᔑ ᓂᔅᐱᑖᐺᒄ ᐌᔥ ᐁᐅᒄ ᐊᓂᔫ ᐅᑌᓈᒻ ᒋᔐᒪᓂᑑ ᐊᓐ ᑳ ᒋᔅᑌᔨᐦᑖᑯᓯᑦ ᒋᔐᐅᒋᒫᐤ᙮

Matthew 5:35 Iomraidhean Croise

Matthew 5:36

Ekaawii mechim chistikwaaniwaahch ishi nispitaapwekw wesh namui waawaach peyakwaapech chistikwaaniyaapiiwaauh chika chii ihtuutenaawaau chechii wiipaakwaauh maak chechii waapaakwaauh.

ᐊᐸᔅᑕᓚᒡ 7:49

Utipeyihchikeu iteu, ‘Kihchikiishikuhch e uhchi uchimaawiyaan, uu maak aschii mwehch e apishaashich tehtapuun nititeyihten anit chechii tehtashtaayaan nisith. Taan maak chipaa chii ishinaakuhtaanaawaau ayimiheukamikw anit chechii aasteyeskusiyaan.

Revelation 21:10

Ekw Kaa payehchisiit Ahchaahkw kaa pechi piihchishkuut. Ekw an enchil anite naashch e ishpaanaayich wachiyuu kaa pechi ituhtahiit. Nichii waapahtiikw maak aniyuu kaa payehchisiimakaniyich ihtaawiniyuu Jerusalem kaa ishinihkaateyich kihchikiishikuhch e uhchi aasiimakaniyich Chishemanituu e ihtaayich uhchi.

Revelation 21:2

Nichii waapahten maak an kaa payehchisiimakahch ihtaawin kihchikiishikuhch e uhchi asiimakahch. Chishemanituu e ihtaat chii uhchipayuu. Eukw uu kaa uskaach Jerusalem. Muyaam uschiskwewaan e chii miyunaakuhiisut che unaapemit ekun kaa ishinaakuhch.